Sakopo 1:11 - Tosi Tapu

¹¹ E fanake le laa mo lona vevela lasi, o fakagini le vao, ti na vilo lona se, ti na puli ai lona fulumalie. E tatau foki mo le tagata mou koloa, e puli loa a ia i loto malie o ana gaoi fuli.

Sakopo 1:11 ပူးပေါင်းရင်းမြစ်များ

Lua tosi a Samuele 22:46

E nofo i le i a vosa o le matapule, E lotou lulu i fafo o olatou kolo tau.

Pesalemo 102:11

O tupu ko lou ita mo lou sausau lasi ; Talie na ke siki au, o ti ki mamao.

Pesalemo 102:4

Talie e pupuli oku aso ofaipe le afu, Ti e ulaula oku ivi ofaipe se ugaafi.

Pesalemo 103:15

Ko le tagata ! E tatau ona aso mo le mutie, E se a ia ofaipe le se o faisaga.

Pesalemo 37:2

Talie e vave lolatou tuuti ofaipe le mutie, Ti e lotou gini vave ofaipe le mutie sesega.

Pesalemo 39:6

Ko leinei, na ke tuku ki oku aso le lau lasi o le alofilima, Ti e fai loku mauli pe se nea noa i ou mua. Io, ko tagata fuli e tuu i aluga e faipe se tukumanava. - Manava.

Pesalemo 90:6

E se a ia i le usu, ti e tupu ake a ia o lasi ; E tuuti a ia i le afiafi, ti e malo a ia.

Ekelesiasi 5:15

Ko se tasi foki lena nea veli lasi. E ano a ia ofaipe lana au ; ti kolea le malie kiate ia o lana gaoi ki le matagi ?

Esaia 28:1

Malaia ki Samalia, le pala fulumalie o le kau konana o Efalaimi ! Malaia ki le fa se gini, leia e fulumalie ia lona kofu, Leia e piki i le tumutumu o le vaivailiua kele mauli o latou ala e konana !

Esaia 28:4

Ti ko le fa se gini, leia e fulumalie ai lona kofu, I le tumutumu o le vaivailiua kele mauli, E fai loa pe se fa fiki tomua leia e sa i mua o le temi tau o fiki, Leia e taui e le lima o folo aifai.

Esaia 49:10

E leaise lotou toe fia kai loa, ti e leaise lotou toe fia inu loa ; E leaise lotou toe mamae loa i le matagi vevela o le toafa ti mo le laa ; Talie ko leia e alofa kia latou e liliu loa ko lolatou tagata takitaki, Ti e taki loa e ia latou ki ni matapuna vai.

Mateo 13:6

kae i le sa ake o le laa, na masunu loa a ia, o malo talie na leai ni ona aka.

Mateo 20:12

o pati : Ko latou ala na muli na gaoi fai i le ola e tasi, ti na ke fakatatau latou mo matou, ala na tali ia le mafaia o le aso mo le vevela.

Mateo 6:30

Kapau kua teuteui fenaaki e le Atua le mutie o le vao, leia e mauli i le aso nei, kae e tiaki loa apogipogi ki le afi, pe leaise lasi ake le fia fakalava loa e ia koutou, kakai tui gaegae ?

Maleko 4:6

kae, i le sopo mai loa o le laa, na masunu loa a ia o malo, talie na leaise maua e ia ni aka.

Uluaki tosi ki le kau Kolinto 7:31

mo latou ala e fakaaoga ia le malama nei o sakinake e leaise lotou fakaaoga ia a ia, talie e puli loa a teu o le malama nei.

Uluaki tosi a Petelo 1:4

ti mo se tofiga leia e leaise mafai ke popo, pe kelekele, pe fefe, ti kua taofi atu kia koutou i le atu lagi,

Uluaki tosi a Petelo 5:4

Ti ka sa mai loa le Tagata tausi ovi lasi, e kotou maua loa le pala lee popo o le kololia.