Ko leinei, na ke tuku ki oku aso le lau lasi o le alofilima, Ti e fai loku mauli pe se nea noa i ou mua. Io, ko tagata fuli e tuu i aluga e faipe se tukumanava. - Manava.
Talie e folafola le Taualuga, Leia e lee gato lona nofoaga ti e maokioki lona suafa : E kau nofo i potu taualuga ti mo le maokioki ; Kae e kau nofo foki mo le tagata fakasemala mo agamalu, O tupu ke toe fakamauli a loto fakasemala, O tupu ke toe fakaofo a loto agamalu.
Ko nea fuli ana, ko loku lima leia na fai ia latou, Ti ko nea fuli a aku, e pati le Eteleno. Kae ko leinei leia e tio loa ki ai oku mata : Ki leia e mamae ti mo leia e loto fakasemala maoki, Ki leia e i ki laku folafola.
Kapau kua teuteui fenaaki e le Atua le mutie o le vao, leia e mauli i le aso nei, kae e tiaki loa apogipogi ki le afi, pe leaise lasi ake le fia fakalava loa e ia koutou, kakai tui gaegae ?
Ti kua kau tio foki ki nea fuli ofaipe ni nea ke tiaki, o tupu ko le malie tukupau o le iloa o Sesu-Kilisito loku Aliki, leia kua kau fakafiti ai ki nea fuli ; ti e kau tio ki nea ana ofaipe se pela, o tupu ke maua Kilisito ;
Fakatotonu ki le kau mou koloa o le sekulo leinei ke aua na lotou fia nealasi, ti ke aua na lotou tuku lalatou fanaki ki ni koloa fakatemi, kae ke tuku lalatou fanaki ki le Atua, leia e soli lasi ia kia tatou a nea fuli, o tupu ke tou fiafia ai.