Sakalia 9:8 - Tosi Tapu

⁸ E kau nofo loa o takatakai loku fale o puipui a ia i se solia, Meia latou ala e ano ti au, Ti e leaise toe fakalaka loa le tagata fakaveliveli i tafa o loku kakai ; Talie i le temi nei e tio mau oku mata kiate ia.

Sakalia 9:8 ပူးပေါင်းရင်းမြစ်များ

Lua tosi a Samuele 16:12

E lagi tio loa le Eteleno ki loku fakaaloalofa, ti e fai loa e ia kiate au le nea e malie o fetogi ai loku fakamalaia i le aso nei.

Lua tosi o Sau 19:34

E kau taupau loa le kolo leinei ke saofaki, O tupu ko au, ti tupu ko Tavite, laku tagata fakasausau.

Lua tosi o Sau 23:29

I le temi o Sosiasi, na pale ake loa Falaone Neko, sau o Esipito, o taui le sau o Asilia, i le vaitafe o le Eufalate. Na ano loa le sau ko Sosiasi ke taui a ia ; ti na tamate loa a ia e Falaone i Mekito, i lana tio kiate ia.

Lua tosi o Sau 24:1

I le sau o Sosakimi, na ano loa le sau o Papilone ko Nepukatenesale o tau. Na popula loa Sosakimi kiate ia i fetuu e tolu ; kae na agatuu loa a ia ki le sau o Papilone.

Pesalemo 34:7

Ka tagi se tagata e mamae, e logo le Eteleno, Ti e fakamauli e ia a ia i ona mamae fuli.

Pesalemo 72:4

E fakamaau loa e ia i le faitotonu le kau fakaaloalofa o le kakai ; E saofaki loa e ia a fanau a le tagata mativa, Kae e takatakafi loa e ia le tagata fakamakeke.

Ekesote 3:7

Na pati loa le Eteleno : Kua kau tio ki le mamae o loku kakai i Esipito, ti kua kau logo ki alatou tagi o tupu ko lolatou fakavelivelii e olatou pule ; ti e kau iloa olatou mamae.

Ekesote 3:9

Ko leinei, kua kaku mai a tagi a Iselaele kiate au, ti kua kau tio ki lolatou fakavelivelii e le kau Esipito.

Taagapati 3:25

Aua na ke tuania se tutamaki fakapunamauli, Pe ko se pikoi a le kau agaveli ;

Esaia 26:1

I le aso lena e sua loa le katiko leinei i le fenua o Suta : Kua motou maua se kolo tau ; Kua soli mai e ia kia matou le fakamauli ko lomatou paa malui, mo lomatou paa takatakai.

Esaia 31:5

Ofaipe ni manu lele ala e folasi ia olatou kapakau i aluga o olatou uviki, E tatau foki mo le Eteleno o kau tau, e folasi ia loa lana puipui ki Selusalemi ; E puipui loa e ia ti e saofaki loa e ia, E tuku loa e ia ti e fakamauli loa e ia.

Esaia 4:5

E fakanofo loa e le Eteleno, i le kele katoa o le mauga o Sione Ti mo ona ganea fakatasi fuli, se ao afu i le ao, Ti mo se afi ulaula gigila i le pouli ; Talie e ufiufi loa e le kololia o le Eteleno a nea fuli.

Esaia 52:1

Ke ke alaala ! Ke ke alaala ! Ke tui lou kofu fulumalie, Sione ! Ke ke tui ou kofu fakateuteu, Selusalemi, kolo maokioki ! Talie e leaise toe ulu loa i lou fale se tagata lee silikosisio pe ko se tagata kelekele.

Esaia 52:12

Aua na kotou mavae fakatavili, Aua na kotou sosola ; Talie e ano loa le Eteleno i okoutou mua, Ti e mulimuli loa le Atua o Iselaele ia koutou.

Esaia 54:14

E fakamakeke loa a koe e le faitotonu ; Kapu iate koe le tuania, talie e leaise tonu ke i ki se nea ; Ti mo le lulu, talie e leaise fakafeofi loa a ia kiate koe.

Esaia 60:18

E leaise toe logo loa ki le agamakeke i lou fenua, Pe ki le kaia mo le maumau i lou kele ; E ke tuku loa ki ou paa le igoa ko fakamauli, Ki ou matapa leia o kololia.

Selemia 31:12

E lotou au loa, ti e lotou fai loa ni kalaga fakafiafia i potu taualuga o Sione ; E lotou fiafia loa i nea malilie a le Eteleno, Le fulumeto, mo le vino, mo le lolo, Mo ovi ti mo pipi ; E fai loa lolatou laumalie pe se oloto fakavai, Ti e leaise lotou toe nofo loa i le mamae.

Selemia 46:13

Ti na fakasa loa le folafola a le Eteleno kia Selemia, le polofeta, o uiga mo le kaku mai a Nepukatenesale, sau o papilone, leia na loto ke taai ia le fenua o Esipito.

Selemia 46:2

Ki Esipito. Ki le solia a Falaone Neko, sau o Esipito, leia na nofo i tafa o le vaitafe ko Eufalate, i Kalekemisi, ti na tamate e Nepukatenesale, sau o Papilone, i le fetuu fa o Sosakimi, vosa o Sosiasi, sau o Suta.

Esekiele 39:29

Ti e leaise kau toe fufu loa oku mata kia latou, Talie e kau liligi loa loku Laumalie ki le fale o Iselaele, E pati le Aliki, le Eteleno.

Amosi 9:15

E kau to loa latou i lolatou fenua, Ti e leaise toe taaki loa latou i le fenua leia na kau soli kia latou, E pati le Eteleno, lou Atua.

Sakalia 12:4

I le aso lena, e pati le Eteleno, E kau taai loa a osi fuli ki le ulu vale, Ti mo latou ala e eke i osi ki le valea. Kae e kau fakamavaa loa oku mata ki le fale o Suta, I le aso leia e kau tautea ai loa ki le kivi a osi fuli o kakai.

Sakalia 12:8

I le aso lena, e puipui loa e le Eteleno le kakai o Selusalemi, Ti ko leia e gaegae ia latou e fai loa pe Tavite i le aso lena ; E fai loa le fale o Tavite pe le Atua, Pe le aselo o le Eteleno i olatou mua.

Sakalia 14:11

E nofo loa i le kolo, ti e leaise toe i ai loa se malaia. E fimalie loa Selusalemi.

Sakalia 9:7

E kau too loa le toto i lona gutu, Ti mo nea fakalialia i ona nifo ; E kau loa mo ia foki ki lotatou Atua, Ti e fai loa a ia pe se pule i Suta, Ti e fai loa Ekeloni pe le kau Sepusi.

Gaoi 7:34

Kua kau tio ki le mamae o loku kakai i Esipito, kua kau logo ki alatou tagi, ti kua kau ifo mai o fakamauli latou. Ano i le lakaga nei, e kau kakau loa a koe ki Esipito.

Apokalipisi 20:9

Ti na lotou pale loa ki le fenua, ti na lotou takatakai loa le nofoaga o le kau sagato ti mo le kolo alofaina. Kae na ifo loa se afi mei le lagi o maumaui latou.