Sakalia 9:4 - Tosi Tapu

⁴ Ko leinei, e too loa a ia e le Aliki, E ti loa e ia lona makeke ki le tai, Ti e tutu loa a ia e le afi.

Sakalia 9:4 ပူးပေါင်းရင်းမြစ်များ

Taagapati 10:2

E leaise aoga a koloa fakapulipuli o le agasala, Kae e fakamauli e le faitotonu i le mate.

Taagapati 11:4

I le aso o le sausau, e leaise aoga le mou koloa ; Kae e fakamauli i le mate e le faitotonu.

Esaia 23:11

Na falo e le Eteleno lona lima ki le tai ; Na fakaii e ia a atu puleaga ; Na fakatotonu e ia ke maumaui a kolo tau o Kanaane.

Esekiele 26:17

E lotou fai loa se tagi laulau kiate koe, o pati : Kolea ! Kua ke maumau ! A koe leia na fakakakai e latou ala na folau i tai fuli ! Kolo logologona, leia na makeke i le tai ! Kua maumau a ia mo latou ala na nonofo i ai, Ala na i ki ai a fenua fuli i ona tafatafa.

Esekiele 28:16

O tupu ko le lasi o lau fai koloa Na ke apele i le agamakeke, ti na ke agasala ; E kau ti a koe ki lalo i le mauga maokioki o le Atua, Ti e kau kapu a koe, selupino leoleo, I loto malie o fatu gigila.

Esekiele 28:18

I le lasi o au agaveli, I le veli o lau fai koloa, Na ke fakakelekele ou sagatualio ; E kau fakamavae loa mei loto malie o ou se afi leia e kai ia loa a koe. E kau fakaliliu a koe ke mugalafu i le aluga o le kele, I mata o latou fuli ala e tio kiate koe.

Esekiele 28:2

Vosa o le tagata, pati ki le sau o Tile : E folafola le Aliki, le Eteleno, o pati : Kua malaga ki aluga lou loto, ti kua ke pati : E kau Atua, E kau ekeeke i le ekeekeaga o le Atua, i le manava o atu tai ! Ko koe, e ke tagata kae e leaise ke Atua, Ti e ke too lou finegalo ki le finegalo o le Atua.

Esekiele 28:8

E lotou ti loa a koe ki le popoko, Ti e ke mate loa ofaipe latou ala e mamate lavelavea I loto malie o le tai.

Soele 3:8

E kau fakatau loa okoutou vosa mo okoutou taineliki ki fanau o Suta ; Ti e lotou toe fakatau loa latou ki le kau Sapea, puleaga mamao. Talie kua masau le Eteleno.

Amosi 1:10

E kau kakau loa le afi ki paa o Tile, Ti e kai loa e ia ona fale sau.

Sakalia 9:5

E tio loa ki ai Asekaloni, ti e i loa a ia. Ti mo Kasa foki, e too loa a ia e se i lasi ; Ti mo Ekeloni foki, talie e puli loa lana amanaki malie. E puli loa le sau i Kasa, Ti e leaise toe nofoi loa Asekaloni.