Sakalia 9:17 - Tosi Tapu

¹⁷ Io ! Kua lasi ai lona manuia ! Kua lasi ai lona fulumalie ! E tupu lalasi loa a tamaliki tupulaga i le fulumeto, Ti taineliki tupulaga i le vino.

Sakalia 9:17 ပူးပေါင်းရင်းမြစ်များ

Pesalemo 144:12

E fai omatou vosa pe ni laakau, Ala e tutupu i lolatou tupulaga ; E fai omatou taineliki pe ni pou na togi fakateuteu, Ala e teu ia a fale sau.

Pesalemo 145:7

Ke fakasa le fakamanatu o lou agamalie lasi, Ti ke sua lou faitotonu !

Pesalemo 27:4

E kau kole ki le Eteleno le nea e tasi, leia e kau oli mamae ki ai : E kau loto ke kau nofo i le fale o le Eteleno i loku mauli katoa, O tio ki le malie o le Eteleno Ti mo afa lona finegalo i lona fale tapu.

Pesalemo 31:19

Ke mate noa a laugutu loi, Ala e masau fia tuu ki le tagata agatonu, Ala e masau matasoka mo fia lasi !

Pesalemo 36:7

Ko lou faitotonu e faipe atu mauga o le Atua, Ko au fakamaauaga e faipe le moana loloto. Eteleno ! e ke fakamauli a tagata mo manu.

Pesalemo 45:2

E mapunapuna ni masau fakalaukau i loku loto. E kau pati : E tuku laku gaoi ki le sau ! Ke fai loku alelo pe le peni a se tagata maau !

Pesalemo 50:2

Mei Sione, mataga fulumalie mo saosaoa, e gigila le Atua.

Pesalemo 86:15

Kae ko koe, Aliki, ko se Atua manava alofa mo agamalie a koe, Leia ke taofi fualoa lou sausau, e ke mou koloa i le agamalie mo le agatonu ;

Pesalemo 86:5

Aliki, talie e ke agamalie, e ke fakamolemole, Ti e ke apele i le alofa kia latou fuli ala e tagi kiate koe.

Pesalemo 90:17

Ke nofo ia tatou le kalasia o le Eteleno, lotatou Atua ! Fakamakeke le gaoi o omatou lima ; Io, fakamakeke le gaoi o omatou lima !

Ekesote 15:11

Eteleno, ko ai le atua e tatau mo koe ? Ko ai e tatau mo koe leia e gigila i le maokioki, Leia e gali mo fakavikiviki, Leia e fai ia a nea fakamanamana ?

Katiko o Katiko 5:10

Ko loku alofaaga e kili tea mo kulakula ; E mailoga kese a ia i le tino agafulu afe.

Katiko o Katiko 7:9

E kau pati iate au : E kau kava loa i le palemie, E kau fafa loa ki ona lau ! Ke fai ou u pe fui vite o le vite, Le kaloni o lau tukumanava pe leia o fa pome !

Esaia 33:17

E tio loa ou mata ki le sau i lona fulumalie, E lotou tio loa ki le fenua i lona lasi katoa.

Esaia 63:15

Tagaki mei le lagi, ti ke tio, Mei lou nofoaga maokioki mo fakakololia : Kofea lou alofa mo lou mafimafi ? E leaise koi logo mai kiate au Le ta o lou mafu ti mo ou aloalofa.

Esaia 63:7

E kau fakasa loa a kalasia o le Eteleno, a fakavikiviki o le Eteleno, O mulimuli ki nea fuli ala na fai e le Eteleno kia matou ; E kau fakasa loa lona agamalie lasi ki le fale o Iselaele, Leia na fai e ia o mulimuli ki lona manava alofa lasi ti mo le mou koloa o lona alofa.

Selemia 31:12

E lotou au loa, ti e lotou fai loa ni kalaga fakafiafia i potu taualuga o Sione ; E lotou fiafia loa i nea malilie a le Eteleno, Le fulumeto, mo le vino, mo le lolo, Mo ovi ti mo pipi ; E fai loa lolatou laumalie pe se oloto fakavai, Ti e leaise lotou toe nofo loa i le mamae.

Selemia 31:14

E kau fakamakona loa ki le gako le laumalie o le kau faisakilifisio, Ti e makona loa loku kakai i aku nea malilie, e pati le Eteleno.

Soele 2:26

E kotou kakai loa ti e kotou makokona loa, Ti e kotou fakavikiviki loa ki le suafa o le Eteleno, lokoutou Atua, Leia na fai ia kia koutou ni nea fakamanamana ; Ti e leaise toe luma loa loku kakai.

Soele 3:18

I le temi lena, e tafe loa le vino mei mauga, E sali loa le sua u mei mauga liliki, Ti e i ai loa se vai i liua fuli o Suta ; E mapuna loa se matapuna vai mei le fale o le Eteleno, O fakavai loa le vaivailiua o Sitime.

Soane 1:14

Ti na tupu tagata le folafola, ti na nofo a ia ia tatou, o apele i le kalasia mo le maoki ; ti na motou tio ki lona kololia, ko se kololia ofaipe le kololia o le Alo fuatasi na au mei le Tamana.

Soane 3:16

Talie na alofa lasi ai le Atua ki le malama nei, na soli e ia lona Alo fuatasi, o tupu ko se tasi fua e tui kiate ia ke aua na mate, kae ke maua e ia le mauli lee gato.

Loma 5:20

Kae na ulu mai le lao ke asilisili ai le agasala, kae i le ganea leia na lasi ai le agasala, na toe lasi ake ai le kalasia,

Loma 5:8

Kae na fakamaoki e le Atua lona alofa kia tatou, i leia koi tou nonofo ko nea agasala, na mate Kilisito kia tatou.