Sakalia 9:10 - Tosi Tapu

¹⁰ E kau maumaui loa a saliote o Efalaimi, ti mo osi o Selusalemi ; Ti e too loa a kalolo tau. E fakasa loa e ia le tokamalie ki atu puleaga, Ti e pule loa a ia mei le tai ki le tai, Mei le vaitafe o kaku ki potupotu o le malama nei.

Sakalia 9:10 ပူးပေါင်းရင်းမြစ်များ

Uluaki tosi o Sau 4:21

Na koi pule Salomone ki puleaga fuli mei le vaitafe ko le Eufalate o kaku ki le fenua o le kau Filisitini ti mo le koiga o Esipito ; na lotou aumai ni nea alofa, ti na tukusau kia Salomone i le temi katoa o lona mauli.

Pesalemo 72:17

E tuu loa lona suafa o lee gato, O fualoa pe le laa e sosolo loa lona suafa ; Iate ia e fetapuaki loa leia ki leia, Ti pati loa a atu puleaga fuli kiate ia Manuia.

Pesalemo 72:3

E ave loa e mauga lalasi le tokamalie ki le kakai, Ti mo mauga liliki foki, o tupu ko lou faitotonu.

Pesalemo 85:8

Eteleno ! ke ke fakatio matou ki lou agamalie, Ti ke ke tuku mai kia matou lou mauli !

Pesalemo 89:26

E kau tuku loa lona lima ke pule ki le tai, Ti mo lona lima atamai ki atu vaitafe.

Esaia 11:10

I le aso lena, e nofo loa i ai le uli o Isaia Ofaipe se manumanu ki kakai fuli ; E afa loa a ia e atu puleaga, Ti e malolo loa a ia i le kololia.

Esaia 2:4

E liliu loa a ia ko le tui fakamaau o atu puleaga, Ko le alepiti o ni kakai toka api. E lotou fai loa ni piosi ki alatou seleta, Mo ni sele gaoi ki alatou tao : E leaise toe tau loa se puleaga ki se puleaga, Ti e leaise toe ako loa le tau.

Esaia 49:6

E pati a ia : Ko se nea noa ke ke liliu ko laku tagata fakasausau O toe lagai a faasiga o Sakopo, Ti mo toe aumai a toetoega o Iselaele : E kau fakanofo a koe ke liliu ko le malama o atu puleaga, Ke ave ia loku fakamauli o kaku ki potupotu o le malama nei.

Esaia 60:12

Talie ko le kakai mo le puleaga, ala e leaise tausi loa kiate koe, e mamate loa ; Io, e tuuti loa a puleaga ana.

Oseo 1:7

Kae e kau alofa loa ki le fale o Suta ; ti e kau saofaki loa latou i Eteleno, lolatou Atua. E leaise kau saofaki loa latou ki le gasau, pe ko le seleta, pe ko le tau, pe ko ni osi, pe ko ni kau ekeosi.

Oseo 2:18

I le aso lena, e pati loa le Eteleno : E ke fakaigoa loa au : Loku avaga ! ti e leaise ke toe fakaigoa loa au : Loku pule !

Oseo 2:20

I aso ana, e kau fai loa kia latou se sai mo manu o faisaga, mo manu lele o le lagi, ti mo manu totolo o le kele ; e kau fatii loa i le fenua le gasau, mo le seleta, ti mo le tau, ti e kau fakamalolo loa latou i le tokamalie.

Mikea 4:8

Ti ko koe, tule o le kau manu, mauga ikiiki o le taine o Sione, Kiate koe e au loa, kiate koe e soko loa le pule afea, Le puleaga o le taine o Selusalemi.

Mikea 5:4

Ko ia leia e aumai ia loa le tokamalie. Ka au loa le tagata Asilia ki lotatou fenua, Ti ka ulu loa a ia ki otatou fale sau, E tou lagai loa kiate ia ni tagata tausi manu e toka fitu, Ti mo ni pule o le kakai e toka valu.

Mikea 5:9

I le aso lena, e pati le Eteleno, E kau tamate loa i loto malie o ou au osi, Ti e kau maumaui loa au saliote tau ;

Akeseo 2:22

E kau maumaui loa le ekeekeaga fakasau o atu puleaga, E kau maumaui loa le makeke o atu puleaga, E kau maumaui loa a saliote tau mo latou ala e eke ai ; E tamate loa a osi mo tagata eke osi, Leia e le seleta a le leia ake.

Gaoi 10:36

Na kakau e ia le folafola ki vosa o Iselaele, o fakasa kia latou le tokamalie ia Sesu-Kilisito, leia ko le Aliki o tagata fuli.

Lua tosi ki le kau Kolinto 5:18

Ti ko nea fuli ana e au mei le Atua, leia na fakatokatoka ia tatou mo ia ia Kilisito, ti na soli ia kia tatou le gaoi o le fakatokatoka.

Lua tosi ki le kau Kolinto 5:20

Ti ko leinei, e ma fai a gaoi a tagata fakafofoga o Kilisito, o sakinake e fakakolekole le Atua ia maua ; e ma kolekole atu kia koutou i le igoa o Kilisito : Kotou fakatokatoka mo le Atua !

Tetelonome 11:24

E kotou maua loa ganea fuli ala e takafi loa e le taga vae o lokoutou vae : e kamata atu loa lokoutou koiga i le toafa o kaku ki Lipane, ti mo le vaitafe ko le Eufalate o kaku ki le tai uesite.

Apokalipisi 11:15

Ti na pupusi loa e le fitu o aselo lana fakatagi pupusi. Ti na i ai loa ni leo makeke i le lagi ala na pati : Ko le puleaga o le malama nei kua tuku ki lotatou Aliki ti mo lona Kilisito ; ti e sau loa a ia i sekulo mo sekulo.