Sakalia 8:9 - Tosi Tapu

⁹ Koia e folafola ai le Eteleno o kau tau, o pati : Kotou fakamakeke okoutou lima, koutou ala e logo i le aso leinei ki folafola anei mei le gutu o polofeta ala na sa i le temi leia na fakatafito ai le fale tapu o le Eteleno o kau tau, i le temi leia na kamata fakatuu ai le fale tapu.

Sakalia 8:9 ပူးပေါင်းရင်းမြစ်များ

Uluaki tosi o Koloniko 22:13

Ti e manuia loa au nea fuli, mo kapau e ke tokaga o fai a lao mo fakatotonu ala na tosi e le Eteleno kia Moisese o uiga mo Iselaele. Ke ke makeke mo loto toa, aua na ke tuania mo ke i ki se nea.

Uluaki tosi o Koloniko 28:20

Na pati loa Tavite kia Salomone, lona vosa : Ke ke fakamakeke, ke ke loto makeke, ti ke ke gaoi, aua na ke tuania, ti aua na ke i fua. Talie e nofo loa le Eteleno Atua, loku Atua mo koe ; e leaise tuku noa loa fua e ia a koe, e leaise tiaki loa fua e ia a koe, o kaku ki le oki o gaoi fuli o le fale.

Lua tosi o Koloniko 15:7

Koia ke kotou fakamakeke, ti ke aua na kotou tuku ke gaegae okoutou lima, talie e i ai loa se totogi ki akoutou gaoi.

Esetalasi 6:14

Ti na laga loa e le kau matua o le kau Sutea le fale o manuia, o mulimuli ki le folafola a le polofeta ko Akeseo, mo le polofeta ko Sakalia, vosa o Ito ; na lotou laga loa le fale o oki o mulimuli ki le fakatotonu a le Atua o Iselaele mo le fakatotonu a Silusi, mo Taliusi, mo Aletasese, ko sau o Pelesi.

Esaia 35:3

Kotou fakamakeke a lima kua gaegae, Ti kotou tokoi a tuli kua sisiga ;

Esaia 35:4

Kotou pati kia latou ala kua loto gaegae : Kotou loto makeke, aua na kotou i ; Ko leinei lokoutou Atua, e au loa le tautea, Le totogi a le Atua ; E au loa a ia totonu, ti e fakamauli loa e ia koutou.

Akeseo 1:1

I le lua fetuu o le sau ko Taliusi, i le uluaki aso o le masina ono, na tuku loa le folafola a le Eteleno ki le polofeta ko Akeseo, mo Solopapele, vosa o Saletiele, kovana o Suta, kia Sosue, vosa o Sotesatake, tagata faisakilifisio lasi, i kupu anei :

Akeseo 1:12

Ko Solopapele, vosa o Saletiele, mo Sosue vosa o Sotesatake, le tagata faisakilifisio lasi, ti mo le toega fuli o le kakai, na logo loa ki le leo o le Eteleno, lolatou Atua, ti mo folafola a Akeseo, le polofeta, o mulimuli ki le kauga leia kua tuku kiate ia e le Eteleno, lolatou Atua. Ti na maua loa e le kakai se i ki le Eteleno.

Akeseo 2:18

Kotou fakakaukau malie Ki le nea leia kua soko o kaku mai ki le aso nei, O kaku mai ki le aso kau lua tupu fa o le masina iva, Talu mei le aso leia na fakavae ai le fale o le Eteleno, Kotou fakakaukau malie ki ai !

Akeseo 2:21

Masau kia Solopapele, kovana o Suta, o pati : E kau luui loa le atu lagi mo le kele ;

Sakalia 8:13

Fale o Suta, fale o Iselaele, ofaipe lokoulua liliu ki atu puleaga ko ni nea fakatupu malaia i mua, koia e kau saofaki ai loa koulua ti e kolua liliu loa ko se tapuakina. Aua na kolua i, kae ke kolua fakamakeke okoulua lima !

Sakalia 8:18

Na fakasa loa le folafola a le Eteleno o kau tau kiate au, o pati :

Efeso 6:10

Fakaoki, kotou fakamakeke i le Aliki, ti kotou fakamakeke ki lona makeke mafimafi.

Lua tosi kia Timoteo 2:1

Ko koe loa, ei laku fanau, fakamakeke a koe i le kalasia leia ia Sesu-Kilisito.

Sosue 1:6

Ke ke fakamakeke mo ke loto toa, talie ko koe leia e ave ia loa le kakai leinei ki le fenua leia na kau fakapapau ki olatou tamana ke soli kia latou.

Sosue 1:8

Ke aua na mamao loa mei lou gutu le tosi leinei o le lao ; kae ke ke metitasio a ia i le ao mo le pouli, o tupu ke ke agatonu ki nea fuli e tuu i ai ; talie koia e ke manuia ai loa i ou ala, koia e ke poto ai loa.