Sakalia 8:7 - Tosi Tapu

⁷ Koia e folafola le Eteleno o kau tau, o pati : Ko leinei, e kau saofaki loku kakai mei le fenua o le sopoaga o le laa ti mo le fenua o le viloaga o le laa.

Sakalia 8:7 ပူးပေါင်းရင်းမြစ်များ

Neemia 1:9

Kae kapau e kotou toe liliu mai kiate au, ti kapau e kotou tausi loa aku folafola mo kotou fai latou, pe kotou mavetevete foki o kaku ki potupotu o le malama nei, kae kau fakatasii loa koutou ti e kau toe aumai loa koutou mei lena ki le ganea leia kua kau filifili ke agai ai loku suafa.

Pesalemo 113:3

Mei le sopo o le laa ki le galo o le laa, Ke fakavikiviki ki le suafa o le Eteleno !

Pesalemo 147:2

E toe laga e le Eteleno Selusalemi, E fakatasi e ia le kau popula o Iselaele ;

Pesalemo 50:1

Pesalemo a Asafe. Atua, Atua, le Eteleno, ke ke folafola, ti ke ke fakatasi le malama nei, Mei le sopoaga o le laa ki le galoaga o le laa.

Esaia 49:12

Ko nei latou, e lotou au mei mamao, Ko iki mei le potu noleto mo le potu uesite, Ko iki mei le fenua o Sinime.

Esaia 59:19

Ti e i loa ki le suafa o le Eteleno mei le sopoaga o le laa, Ti mo lona kololia mei le toaga o le laa. Ka au loa le fili ofaipe se vaitafe, E kapu loa a ia e le Laumalie o le Eteleno.

Selemia 31:8

Ko leinei, e kau aumai latou mei le fenua o le potu noleto, E kau fakatasi latou mei potupotu o le malama nei ; E kau ia latou le kivi mo le kito, Le fafine tinae mo leia e fanau ; Ko se kakai lasi ai, leia e toe liliu mai ki leinei.

Esekiele 11:17

Koia e ke pati ai loa : E folafola le Aliki, le Eteleno, o pati : E kau toe fakatasi loa koutou i loto malie o atu puleaga, E kau too loa koutou i fenua ala na kotou mavetevete ai, Ti e kau tuku loa kia koutou le fenua o Iselaele.

Esekiele 36:33

E folafola le Aliki, le Eteleno, o pati : I le aso leia e kau fakamea ai loa koutou i akoutou agaveli fuli, e kau fakakakai loa a kolo, ti e toe lagai loa ki aluga a kolo ala na maumaui ;

Sakalia 10:6

E kau fakamakeke loa le fale o Suta, Ti e kau saofaki loa le fale o Sosefo ; E kau toe aumai loa latou, talie e kau alofa loa kia latou, Ti e lotou fai loa pe ni iki ala na leaise kau tiaki ; Talie ko au ko le Eteleno, lolatou Atua, ti e kau tali loa latou.

Malakia 1:11

Talie mei le sopo o le laa o kaku ki lona galo, E lasi loku suafa i lotolotoga o atu puleaga, Ti e tutu i ganea fuli le iseso ki loku suafa, Ti e fai mai kiate au ni failaulau mea ; Talie e lasi loku suafa i lotolotoga o atu puleaga, E pati le Eteleno o kau tau.

Tetelonome 30:3

ti e toe aumai loa e le Eteleno, lou Atua, lou kakai popula ki lona fenua, ti e toe alofa loa a ia kiate koe, o toe fakatasii loa a koe mei loto malie o puleaga fuli ala na fakamavete a koe ki ai e le Eteleno.