Sakalia 8:6 - Tosi Tapu

⁶ Koia e folafola ai le Eteleno o kau tau, o pati : Kapau e mata fakapunamauli le nea lena ki le toega o le kakai lena i aso ana, pe mata fakapunamauli a ia kiate au ?

Sakalia 8:6 ပူးပေါင်းရင်းမြစ်များ

Senesi 18:14

Pe i ai fua se nea e tasi leia e faigataa ki le Eteleno ? I le temi leia kua fakatotonu ki ai, i le temi totonu leinei, e kau toe liliu mai loa kiate koe, ti e nofo loa lou avaga ko Sala mo se vosa.

Lua tosi o Sau 7:2

Na tali loa le tagata solia leia na feanoaki tuumau mo le sau ki le tagata a le Atua : Kapau e fai loa e le Eteleno ni katupa i le lagi ke laku mai ai se fulumeto, tio lagi mafai ke soko loa le nea lena e ke pati ki ai ! Na tali loa Eliseo : E tio loa ou mata ki le nea lena, kae e leaise ke kai loa ki ai.

Pesalemo 118:23

E au le nea lena mei le Eteleno : Ko se nea fakatalatupua ki otatou mata.

Selemia 32:17

Ei Aliki Eteleno, Ko leinei, kua ke fakatupu le lagi mo le kele I lou mafimafi lasi mo lou lima falo : E leaise faigataa fua se nea kiate koe.

Selemia 32:27

Ko leinei, ko au ko le Eteleno, le Atua o tagata fuli. Pe i ai se nea e faigataa kiate au ?

Mateo 19:26

Na tio loa Sesu kia latou, o pati : E leaise feala le nea lena ki tagata, kae e feala a nea fuli ki le Atua.

Luka 1:20

Ti ko leinei, e ke gutu mate loa, ti e leaise mafai loa lau masau o kaku ki le aso leia e soko ai loa a nea ana, talie na leaise ke tui ki aku folafola, ala e soko loa i lona temi.

Luka 1:37

Talie e leaise faigataa se nea ki le Atua.

Luka 18:27

Na tali loa Sesu : Ko le nea leia e leaise mafai e tagata e faigaofie ki le Atua.