Sakalia 8:5 - Tosi Tapu

⁵ E apele loa a ala o le kolo i tamaliki mo taineliki e manonogi.

Sakalia 8:5 ပူးပေါင်းရင်းမြစ်များ

Selemia 31:12

E lotou au loa, ti e lotou fai loa ni kalaga fakafiafia i potu taualuga o Sione ; E lotou fiafia loa i nea malilie a le Eteleno, Le fulumeto, mo le vino, mo le lolo, Mo ovi ti mo pipi ; E fai loa lolatou laumalie pe se oloto fakavai, Ti e leaise lotou toe nofo loa i le mamae.

Selemia 31:13

Ti e mako fiafia loa taineliki, E toe fiafia foki a kau tupulaga mo kau matua ; E kau fetogi loa lolatou mamae ki le nekenekea ti e kau fakapelepele loa latou ; E kau soli loa kia latou le fiafia i le oki o mamae.

Selemia 31:27

Ko leinei, e soko mai loa a aso, e pati le Eteleno, Ala e kau muluki ai loa se pulapula i le fale o Iselaele ti mo le fale o Suta, Ko se pulapula tagata mo se pulapula manu.

Selemia 33:11

Ki kalaga fakafiafia mo kalaga nekenekea, Ki sua a le tama feauaki ti mo sua a le taine feauaki, Ki le leo o latou ala e pati : Kotou fakafetai ki le Eteleno o kau tau, Talie e agamalie le Eteleno, talie e lee gato lona manava alofa ! Ki le leo o latou ala e momoli ia ni sakilifisio fakafetai I le fale o le Eteleno. Talie e kau toe aumai loa le kau popula o le fenua, E kau toe fakanofo loa latou ofaipe le temi mua, E pati le Eteleno.

Tagi laulau a Selemia 2:19

Tuu ki aluga, tagi laulau i le po katoa ! Liligi lou loto ofaipe se vai i mua o le Aliki ! Siki ou lima kiate ia o tupu ko le mauli o au fanau, Ala e mamate pakupaku i poko o ala fuli !

Sakalia 2:4

Ti na pati loa a ia ki le aselo leia na au : Makape o masau ki le tama lena, o pati : E liliu loa Selusalemi ko se kolo mavaa, o tupu ko le api o tagata mo manu ala e nonofo loa i ai ;

Sakalia 2:8

Talie e folafola le Eteleno o kau tau, o pati : I le sili o le nea lena, e au loa le kololia ! Na kakau e ia a au ki puleaga ala na fakamativa ia koutou ; Talie ko leia e fafa kia koutou e fafa ki le tiloga o le mata o le Eteleno.