Sakalia 8:23 - Tosi Tapu

²³ Koia e folafola ai le Eteleno o kau tau, o pati : I aso ana, e too loa e ni tagata e tino agafulu mei masau kesekese fuli o atu puleaga se tagata Sutea e toka tasi i le tapatapa o lona kofu, o pati : E motou ano loa mo koe, talie kua motou iloa kua nofo le Atua mo koutou.

Sakalia 8:23 ပူးပေါင်းရင်းမြစ်များ

Senesi 31:41

Ko leinei kua fetuu kau lua laku nofo i lou kaiga ; na kau gaoi kiate koe i fetuu e kau agafulu tupu fa ke totogi ai ou taineliki e toka lua, ti mo fetuu e ono ke totogi ai laku kau manu, kae ko koe, na ke fetogi tua kau agafulu loku totogi.

Senesi 31:7

Ti na kakai au e lokoulua tamana, o fetogi tua kau agafulu e ia loku totogi ; kae na leaise fakataga e le Atua ke fai e ia se nea veli kiate au.

Lua tosi o Sau 2:6

Na pati loa Elia kia Eliseo : E kau kole atu kiate koe, ke ke nofo i leinei, talie kua kakau au e le Eteleno ki le Solotane. Na tali loa Eliseo : E mauli le Eteleno ti e mauli lou laumalie ! e leaise kau mavae loa iate koe. Ti na la soko atu lola fanoga.

Uluaki tosi o Koloniko 12:18

Ti na ifo loa le Laumalie o le Atua kia Amasai, ko se tasi o le pule solia, ti na pati loa a ia : E motou kau mo koe, Tavite, vosa o Isaia ! Tokamalie, tokamalie kiate koe, tokamalie kia latou ala e tokoi kiate koe, talie na tokoi kiate koe lou Atua ! Ti na tali loa latou e Tavite, o fakanofo latou ke kau i le kau pule o le solia.

Lua tosi o Koloniko 15:9

Na fakatasii loa e Asa a Suta katoa mo Pesamino, ti mo latou o Efalaimi, mo Manase, ti mo Simeone ala na nonofo mo latou, talie na au se kakai toka api o Iselaele kiate ia, i lalatou tio kua nofo mo ia le Eteleno, lona Atua.

Esitele 8:17

I le fenua taki tasi, mo le kolo taki tasi, ti mo ganea fuli ala na kaku ki ai le fakatotonu a le sau, na maua loa e le kau Sutea se fiafia lasi mo se nekenekea, ni kaitasi mo ni fakafiafia. Ti na liliu loa o Sutea se toka api i la ake kakai, talie na vilo loa kia latou le i ki le kau Sutea.

Sopo 19:3

Ko le tua kau agafulu leinei o lakoutou lauveli kiate au ; Pe leaise kotou luma i loku fakamamae ?

Ekelesiasi 11:2

soli se vaega ki se toka fitu, pe ki se toka valu foki, talie e leaise ke iloa le malaia leia e soko loa i le malama nei.

Esaia 3:6

E kaku loa o too e le taina lona taina i le loto fale o le tamana, o pati kiate ia : E ke maua ia se kofu, ke ke liliu ko lomatou pule ! Ke ke pule ki ganea maumau anei !

Esaia 4:1

I le aso lena e too loa e fafine e toka fitu se tagata e toka tasi, o pati loa kiate ia : E motou kai loa lamatou pane, Ti e motou kofu loa omatou kofu ; Kae kese fua ke motou maua lou igoa ! Ke ke too lomatou luma !

Esaia 45:14

Ko leinei le folafola a le Eteleno : Ko fua o gaoi a Esipito ti mo koloa o Etiopia, Ti mo koloa o le kakai o Sapa ala ko ni tagata lalasi, E aumai loa kiate koe, ti e ke maua loa latou ; E saele loa a kakai ana i ou muli, E lotou saele loa mo ni tini, E lotou punou loa i ou mua, o kolekole atu kiate koe : Ko le maoki e nofo le Atua iate koe toka tasi, E leaise tasi ake Atua i se tasi ake ganea.

Esaia 45:24

E lotou pati mai loa kiate au : Ko le Eteleno toka tasi leia e maua ai le faitotonu mo le makeke ; Ko latou fuli ala na itaita kiate ia E toe liliu mai loa kiate ia i le luma.

Esaia 55:5

Ko leinei, e ke kalagai loa ni puleaga ala e leaise ke iloa, Ti e feoso mai loa kiate koe ni puleaga ala e leaise iloa ia a koe, O tupu ko le Eteleno lou Atua, O tupu ko le Sagato o Iselaele leia e fakakololia ia a koe.

Esaia 60:14

E au loa a vosa o latou ala na fakaveliveli kiate koe, o su kiate koe, Ti ko latou fuli ala na vesia kiate koe e punou loa i ou vae ; E lotou fakaigoa loa a koe ko le kolo o le Eteleno, Sione o le Sagato o Iselaele.

Esaia 60:3

E saele ni puleaga i lou malama, Ti mo ni sau i le gigila o lou kololia.

Esaia 66:18

E kau iloa alatou gaoi mo alatou manatu. Kua soko mai le temi leia ke fakatasi ai a atu puleaga fuli Ti mo masau fuli ; E lotou au loa ti e lotou tio loa ki loku kololia.

Mikea 5:5

E lotou fai loa ki alatou seleta lalatou nea kai ki le fenua o Asilia, Ti mo le fenua o Nimelote i loto o ona matapa. E saofaki loa e ia tatou i le tagata Asilia i ai, Mo ka au loa a ia ki lotatou fenua, Ti mo ka ulu loa a ia ki lotatou kele.

Sofoni 3:19

Ko leinei, i le aso lena, e kau gaoi loa kia latou ala na fakamamae ia a koe ; E kau saofaki loa le kau kito, ti e kau fakatalitali loa latou ala na kapu, E kau fakaliliu loa latou ko se tupuaga o le fakavikiviki mo le fakakololia I fenua fuli ala na lotou luma ai.

Numelo 14:22

Ko latou fuli ala na tio ki loku kololia mo fakamailoga ala na kau fai i Esipito mo le toafa, ala kua asiasii ia au o tua kau agafulu o kaku mai ki le aso nei, talie na leaise lotou fakalogo ki loku leo,

Luka 8:44

Na fakafeofi ake loa le fafine i muli o Sesu, o fafa ki le tapatapa o lona taupulupulu. I le lakaga fai lena na gato loa lona pupuke.

Gaoi 19:12

o kaku ai ki le fakalave o ni kie pe ko ni musuala kua lave ki lona tino ki le kau masaki, ti na mavae a masaki mo temonio meia latou.

Uluaki tosi ki le kau Kolinto 14:25

ti e fakasa loa a manatu fakapulipuli o lona loto ; ti e fakamapee loa a ia ki le kele, o atolasio ki le Atua, mo fakasa e nofo maoki ai le Atua ia koutou.

Sosue 8:35

Na lau e Sosue a folafola fuli a Moisese, o leaise puli fua se folafola e tasi, i mua o le fakatasiga katoa o Iselaele, mo fafine, mo toe ti mo matapule ala na saele i loto malie o Iselaele.