Sakalia 8:22 - Tosi Tapu

²² Ti e au loa ni kakai toka api mo ni puleaga mauke o afa le Eteleno o kau tau i Selusalemi mo faikole ki le Eteleno.

Sakalia 8:22 ပူးပေါင်းရင်းမြစ်များ

Pesalemo 68:30

Mei lou fale tapu, e ke pule ki Selusalemi ; E aumai loa e sau ni moliga kiate koe.

Esaia 2:2

E soko loa, i aso fakamuli, E fakatuu loa le mauga o le fale o le Eteleno I le tumutumu o mauga, Ti e malaga loa a ia i aluga o mauga liliki, Ti e tau mai loa ki ai a atu puleaga fuli.

Esaia 2:3

E ano loa ki ai ni kakai toka api ti e lotou pati loa : Kotou au, ti ke tou pale fakatasi ki le mauga o le Eteleno, Ki le fale o le Atua o Sakopo, O tupu ke ako mai e ia kia tatou ona ala, Ti ke tou saele i ona ala liliki. Talie e au loa mei Sione le Lao, Ti mei Selusalemi le folafola a le Eteleno.

Esaia 25:7

Ti e maumaui loa e ia, i le mauga lena, le kie leia e pulou ia a kakai fuli, Le kie kafu leia e uufi ia a atu puleaga fuli.

Esaia 49:22

Koia na folafola ai le Aliki, le Eteleno : Ko leinei, e kau siki loa loku lima ki atu puleaga, E kau toso loa laku manumanu ki atu kakai ; Ti e lotou aumai loa ou vosa i olatou lima, Ti e lotou amo loa ou taineliki i olatou tuauma.

Esaia 49:6

E pati a ia : Ko se nea noa ke ke liliu ko laku tagata fakasausau O toe lagai a faasiga o Sakopo, Ti mo toe aumai a toetoega o Iselaele : E kau fakanofo a koe ke liliu ko le malama o atu puleaga, Ke ave ia loku fakamauli o kaku ki potupotu o le malama nei.

Esaia 55:5

Ko leinei, e ke kalagai loa ni puleaga ala e leaise ke iloa, Ti e feoso mai loa kiate koe ni puleaga ala e leaise iloa ia a koe, O tupu ko le Eteleno lou Atua, O tupu ko le Sagato o Iselaele leia e fakakololia ia a koe.

Esaia 66:23

I masina foou fuli ti mo sapato fuli, E au loa a kakai fuli o atolasio kiate au, e pati le Eteleno.

Selemia 4:2

Kapau e ke fakapapau : E mauli le Eteleno ! I le maoki, mo le loto sako ti mo le faitotonu, Ti e tapuakina loa a atu puleaga iate ia, Ti e lotou fakakololia loa iate ia.

Mikea 4:2

E ano loa ki ai ni kakai toka api, ti e lotou pati loa : Kotou au, ti ke tou pale ki le mauga o le Eteleno, Ki le fale o le Atua o Sakopo, O tupu ke ako mai e ia kia tatou ona ala, Ti ke tou saele i ona ala liliki. Talie e au loa le lao mei Sione, Ti mei Selusalemi le folafola a le Eteleno.

Mikea 4:3

E liliu loa a ia ko le tui fakamaau o ni kakai mauke, Ko le alepiti o ni puleaga makeke, ala e nofo mamao. E lotou fai loa ki alatou seleta ni kosotoki, Ti ki alatou tao ni sele tuuti fulumeto ; E leaise toe tau loa se tasi puleaga ki se tasi puleaga, Ti e leaise toe ako loa le tau.

Akeseo 2:7

E kau luui loa a atu puleaga fuli ; E aumai loa a koloa o atu puleaga fuli, ti e kau fakaapele loa ki le kololia le fale leinei, E pati le Eteleno.

Sakalia 14:16

Ko latou fuli ala e toe loa i atu puleaga fuli Ala na ano o tau ki Selusalemi E pale loa i fetuu fuli O atolasio ki le sau, le Eteleno o kau tau, Ti mo fakamanatu le aso o tapenakulo.

Sakalia 8:21

E ano loa ni kakai o se tasi a kolo ki se tasi ake a kolo, o pati : Tou ano o faikole ki le Eteleno ti mo afa le Eteleno o kau tau ! E motou ano loa !

Kalate 3:8

Koia i le iloa fakatomua e le Tosi e fakamatatonu loa e le Atua le kau pagani ki le tui, na fakasa fakatomua e ia kia Apalaamo le logo malie leinei : E tapuakina loa a puleaga fuli iate koe !

Apokalipisi 15:4

Ko ai e leaise i loa kiate koe, Aliki, ti e leaise fakakololia loa ki lou suafa ? Talie e ke maokioki toka tasi. Ti e au loa a puleaga fuli, o su kiate koe, talie kua ke fakasa au fakamaau.

Apokalipisi 21:24

Ti e saele loa a puleaga i lona malama, ti e aumai loa e sau o le malama nei olatou kololia ki ai.