Sakalia 8:20 - Tosi Tapu

²⁰ E folafola le Eteleno o kau tau, o pati : E toe au loa ni kakai toka api mo ni iki ala na nonofo i ni kolo kesekese.

Sakalia 8:20 ပူးပေါင်းရင်းမြစ်များ

Uluaki tosi o Sau 8:41

Kapau e au loa mei se fenua kese le matapule, leia e leaise kau i lou kakai ko Iselaele, o tupu ko lou suafa,

Uluaki tosi o Sau 8:43

ke ke tali a ia mei le atu lagi, mei le ganea o lou nofoaga, ti ke ke tuku loa ki le matapule lena a nea fuli ala e kole atu loa e ia kiate koe, o tupu ke iloa e kakai fuli o le malama nei lou suafa ti ke lotou i kiate koe, ofaipe lou kakai ko Iselaele, ti ke lotou iloa e fetapa ki lou suafa i le fale leinei kua kau fakatuu !

Pesalemo 102:22

O tupu ke lotou fakasa i Sione le suafa o le Eteleno, Ti mo ona fakavikiviki i Selusalemi,

Pesalemo 22:27

E kai loa le kau mativa ti e lotou makokona loa, Ko latou ala e afa ia le Eteleno e fakafetai loa kiate ia. Ke mauli okoutou laumalie o lee gato !

Pesalemo 72:17

E tuu loa lona suafa o lee gato, O fualoa pe le laa e sosolo loa lona suafa ; Iate ia e fetapuaki loa leia ki leia, Ti pati loa a atu puleaga fuli kiate ia Manuia.

Pesalemo 89:9

Eteleno, Atua o kau tau ! ko ai e mafimafi ofaipe koe, ei Eteleno ? E takatakai a koe e lou agatonu.

Esaia 11:10

I le aso lena, e nofo loa i ai le uli o Isaia Ofaipe se manumanu ki kakai fuli ; E afa loa a ia e atu puleaga, Ti e malolo loa a ia i le kololia.

Esaia 45:14

Ko leinei le folafola a le Eteleno : Ko fua o gaoi a Esipito ti mo koloa o Etiopia, Ti mo koloa o le kakai o Sapa ala ko ni tagata lalasi, E aumai loa kiate koe, ti e ke maua loa latou ; E saele loa a kakai ana i ou muli, E lotou saele loa mo ni tini, E lotou punou loa i ou mua, o kolekole atu kiate koe : Ko le maoki e nofo le Atua iate koe toka tasi, E leaise tasi ake Atua i se tasi ake ganea.

Esaia 49:6

E pati a ia : Ko se nea noa ke ke liliu ko laku tagata fakasausau O toe lagai a faasiga o Sakopo, Ti mo toe aumai a toetoega o Iselaele : E kau fakanofo a koe ke liliu ko le malama o atu puleaga, Ke ave ia loku fakamauli o kaku ki potupotu o le malama nei.

Selemia 16:19

Eteleno, ko koe ko loku makeke, ko loku fanakiaga, ko loku mumuniaga i le aso o le mamae ! E au loa kiate koe a atu puleaga mei potupotu o le kele, Ti e lotou pati loa : Ko loi ata a lotu o omatou tamana, E leaise uiga fua ti e leaise aoga fua a taulaatua.

Oseo 2:23

E folafola le Eteleno, o pati : I le aso lena, e kau tali loa, e kau tali loa ki le lagi, e tali loa e ia le kele ;

Amosi 9:12

O tupu ke lotou maua le toega o Etome ti mo atu puleaga fuli Ala kua kalagai ai loku suafa, E pati le Eteleno, leia e fakasoko ia loa a nea ana.

Mikea 4:3

E liliu loa a ia ko le tui fakamaau o ni kakai mauke, Ko le alepiti o ni puleaga makeke, ala e nofo mamao. E lotou fai loa ki alatou seleta ni kosotoki, Ti ki alatou tao ni sele tuuti fulumeto ; E leaise toe tau loa se tasi puleaga ki se tasi puleaga, Ti e leaise toe ako loa le tau.

Sakalia 2:11

I le aso lena e api loa a puleaga ala e pipiki loa ki le Eteleno, Ti e liliu loa ko loku kakai. E kau nofo loa i loto malie o ou, Ti e ke iloa loa na kakau mai au kiate koe e le Eteleno o kau tau.

Malakia 1:11

Talie mei le sopo o le laa o kaku ki lona galo, E lasi loku suafa i lotolotoga o atu puleaga, Ti e tutu i ganea fuli le iseso ki loku suafa, Ti e fai mai kiate au ni failaulau mea ; Talie e lasi loku suafa i lotolotoga o atu puleaga, E pati le Eteleno o kau tau.

Mateo 8:11

Ti e kau fakasa atu kia koutou, e au loa se toka api mei le sopoaga o le laa mo le viloaga o le laa, ti e lotou eke loa i le laupapa mo Apalaamo, mo Isaake, ti mo Sakopo i le Puleaga o Selo.

Gaoi 15:14

Kua fakamatala e Simone le uluaki tuku e le Atua ona mata ki puleaga, o filifili meia latou se kakai ke amo ia lona suafa.

Gaoi 15:18

Ti na fakasa ia latou talu mei fualoa.

Apokalipisi 11:15

Ti na pupusi loa e le fitu o aselo lana fakatagi pupusi. Ti na i ai loa ni leo makeke i le lagi ala na pati : Ko le puleaga o le malama nei kua tuku ki lotatou Aliki ti mo lona Kilisito ; ti e sau loa a ia i sekulo mo sekulo.