Sakalia 8:19 - Tosi Tapu

¹⁹ E folafola le Eteleno o kau tau, o pati : E liliu loa le sesunio o le fa o masina, mo le sesunio o le fitu o masina, ti mo le sesunio o le kau agafulu o masina ki le fale o Suta ko ni aso lalasi mo ni aso fiafia, ko ni aso apele i le fiafia mo ni fakafiafia. Kae ke kotou alofa ki le maoki mo le tokamalie.

Sakalia 8:19 ပူးပေါင်းရင်းမြစ်များ

Lua tosi o Sau 25:1

I le fetuu iva o le sau o Setesiasi, i le aso kau agafulu o le kau agafulu o masina, na au loa Nepukatenesale, sau o Papilone, mo lana solia katoa, o taui Selusalemi ; na fakatuu loa e Nepukatenesale lona nofolaga tau i mua o Selusalemi, ti na kenu loa e ia ni popoko i le takatakai katoa o Selusalemi.

Lua tosi o Sau 25:25

Kae i le fitu o masina, na au loa Isemaele, vosa o Netania, vosa o Elisama, mei le famili sau, mo ni tagata e tino agafulu, ti na lotou taai loa Ketalia, o mate ai, mo le kau Sutea, ti mo le kau Kaletea leia na nonofo mo ia i Misipa.

Esitele 8:17

I le fenua taki tasi, mo le kolo taki tasi, ti mo ganea fuli ala na kaku ki ai le fakatotonu a le sau, na maua loa e le kau Sutea se fiafia lasi mo se nekenekea, ni kaitasi mo ni fakafiafia. Ti na liliu loa o Sutea se toka api i la ake kakai, talie na vilo loa kia latou le i ki le kau Sutea.

Esitele 9:22

ofaipe ni aso ala na malolo ai le kau Sutea i olatou fili, ke lotou fakamanatu le masina leia na fetogi ai lolatou mamae ki le fiafia, lolatou tagi ki se aso malie, ke lotou fai ki aso ana ni aso kai mo fakafiafia, ti ke lotou fai ni nea alofa ia latou mo ni nea alofa ki le kau mativa.

Pesalemo 30:11

Fakalogo mai, Eteleno, alofa mai kiate au ! Eteleno, fakamauli au !

Pesalemo 34:15

Ke ke fakamamao i le veli, ti ke ke fai le nea leia e malie. Ke ke afa le tokamalie, ti ke ke tuli a ia.

Esaia 12:1

E ke pati loa i le aso lena : E kau fakafetai kiate koe, Eteleno ! Talie na ke sausau kiate au, Kae kua ke fakamaliu lou ita iate au, ti kua ke fakafimalie au.

Esaia 35:10

Ko latou ala na totogi e le Eteleno e toe liliu loa, E lotou ano loa ki Sione mo ni sua o le malo, Ti e fakapala loa olatou ulu ki se fiafia lee gato ; E fakafeofi loa kia latou le fiafia mo le nekenekea, Kae e sosola loa le mamae mo tagi.

Esaia 51:11

Koia e toe liliu loa le kau totogi a le Eteleno, E lotou ano loa ki Sione mo ni sua o le malo, Ti e lotou pala loa olatou ulu ki se fiafia lee gato ; E fakafeofi ake loa le nekenekea mo le fiafia, Kae sosola loa le mamae mo le tagi.

Selemia 36:6

E ke ano loa, a koe totonu, ti e ke lau loa i le tosi leia kua ke tosi i laku sua a folafola a le Eteleno ki taliga o le kakai, i le fale o le Eteleno, i le aso o le sesunio ; ti e ke toe lau foki latou ki taliga o latou fuli o Suta, ala e au loa mei olatou kolo.

Selemia 39:2

I le fetuu kau agafulu tupu tasi o Setesiasi, i le aso iva o le masina fa, na fai loa se pu i le kolo,

Selemia 52:4

I le fetuu iva o le sau o Setesiasi, i le aso kau agafulu o le masina kau agafulu, na au loa Nepukatenesale, sau o Papilone, mo lana solia katoa ki Selusalemi ; na lotou fakatuu loa lolatou nofolaga tau i ona mua, ti na lotou takatakai loa a ia ki ni palepale tau.

Esekiele 18:8

Leia e leaise soli ke ui ake mo se tupu, ti mo se totogi o le fakaaoga, leia e fakamamao lona lima i le agaveli ti e fakamaui i le faitotonu se tagata mo se tasi tagata,

Esekiele 24:1

I le iva o fetuu, i le aso kau agafulu o le masina kau agafulu, na tuku mai loa kiate au le folafola a le Eteleno, o pati :

Sakalia 7:3

mo vesili ki le kau tagata faisakilifisio o le fale o le Eteleno o kau tau, ti mo le kau polofeta : Pe tonu ke kau tagi mo sesunio i le masina lima, ofaipe le nea leia na kau fai i ni fetuu mauke ?

Sakalia 7:5

Pati ki le kakai katoa o le fenua ti mo le kau tagata faisakilifisio : I lakoutou sesunio mo fetagisi i le masina lima mo le masina fitu, talu mei fetuu e kau fitu, pe na kotou sesunio kiate au ?

Sakalia 8:16

E folafola le Eteleno, o pati : Ko leinei le nea leia e tonu ke kotou fai : Kotou tasi fakasa le maoki ki lona oloi ; kotou fakamaau o mulimuli ki le maoki, ke maua le tokamalie ;

Sakalia 8:18

Na fakasa loa le folafola a le Eteleno o kau tau kiate au, o pati :

Sakalia 8:3

Koia e folafola ai le Eteleno, o pati : Kua kau toe liliu mai ki Sione, ti kua kau loto ke kau nofo i loto malie o Selusalemi. E fakaigoa loa Selusalemi ko le kolo agatonu, ti e fakaigoa loa le mauga o le Eteleno o kau tau ko le mauga maokioki.

Apokalipisi 22:15

Ki fafo a kuli, mo le kau fai nea fakatalatupua, mo le kau fai feauaki, mo le kau tukipo, mo le kau tausi taulaatua, ti mo le kau loi fuli i masau mo gaoi !