Sakalia 8:17 - Tosi Tapu

¹⁷ Aua na maua e se tasi i lona loto se manatu veli ki lona oloi, ti ke aua na kotou fakamaoki loi, talie e kau fakalialia ki nea fuli ana.

Sakalia 8:17 ပူးပေါင်းရင်းမြစ်များ

Pesalemo 10:3

Talie e fakakololia le tagata agaveli i lona manumanu, Ti e lauveli mo gologolo le tagata kaia ki le Eteleno.

Pesalemo 101:3

E leaise kau tuku loa se nea veli i oku mua ; E kau vesia ki le mauli o le kau agasala ; E leaise pipiki mai loa a ia kiate au.

Taagapati 3:29

Aua na ke fakakaukau le veli ki lou oloi, Kae nofo a ia i ou tafa o fanaki kiate koe.

Taagapati 6:14

E nofo le veli i lona loto, E fakakaukau e ia le veli i temi fuli, E fakasolosolo e ia a fefele.

Taagapati 8:13

Ko le i ki le Eteleno, ko le vesia a ia ki le veli ; Ko le fia nealasi mo le fia taualuga, ko le ala a ia o le veli ; Ti ko le gutu veli, ko lena le nea e kau vesia ki ai.

Selemia 4:14

Selusalemi, fakamea lou loto i le veli, O tupu ke fakamauli a koe ! E kaku loa kiafea lau taofi i lou loto au manatu veveli ?

Selemia 4:2

Kapau e ke fakapapau : E mauli le Eteleno ! I le maoki, mo le loto sako ti mo le faitotonu, Ti e tapuakina loa a atu puleaga iate ia, Ti e lotou fakakololia loa iate ia.

Selemia 44:4

Na kau kakau atu kia koutou aku tagata fakasausau, le kau polofeta, na kau kakau atu latou koi usu, ke pati kia koutou : Aua na kotou fai a nea fakalialia ana, ala e kau vesia ki ai.

Apakuki 1:13

E mea ai ou mata ke tio ki le veli, Ti e leaise feala ke ke tio ki le agaveli. Kolea e ke tio ai loa ki le kau agatuu, ti ke fakaleemu loa, Kae lolotoga kai e le tagata agaveli leia e agatonu ake iate ia ?

Sakalia 7:10

Aua na kotou fakamakeke le fafine lokonui mo le fanau sala matua, mo le matapule, ti mo le mativa, Ti aua na kotou fakakaukau i okoutou loto se nea veli ia koutou.

Sakalia 8:18

Na fakasa loa le folafola a le Eteleno o kau tau kiate au, o pati :

Malakia 3:5

E kau fakafeofi loa kia koutou ki le fakamaau, Ti e kau fakatavili loa o fakamaoki ki le kau faikikite loi mo le kau tono fafine, Kia latou ala e fakapapau loi, Kia latou ala e taofi ia le totogi o le tagata gaoi, Latou ala e fakamamae ia le fafine sala avaga mo le toe sala matua, Mo latou ala e agaveli ki le matapule, ti mo latou ala e leaise i kiate au, E pati le Eteleno o kau tau.

Mateo 12:35

E maua e le tagata malie ni nea malilie mei lona koloa malie, ti e maua e le tagata agaveli ni nea veveli mei lona koloa veli.

Mateo 15:19

Talie e au mei le loto a manatu veveli, mo tukipo, mo tono, mo oli veli, mo kaia, mo fakamaoki loi, ti mo fatituu.

Mateo 5:28

Kae ko au, e kau pati atu kia koutou, ko leia e tio ki se fafine ti manumanu a ia ki ai, kua tono a ia mo le fafine lena i lona loto.