Sakalia 8:14 - Tosi Tapu

¹⁴ Talie e folafola le Eteleno o kau tau, o pati : Na kau manatu ke tuku koutou ki le malaia, o tupu ko okoutou tamana ala na fakatupu ia loku sausau, ti ke aua na kau toe maliu mei laku manatu lena,

Sakalia 8:14 ပူးပေါင်းရင်းမြစ်များ

Lua tosi o Koloniko 36:16

Kae na lotou gologolo loa ki tagata fakasausau a le Atua, o leaise lotou tokaga ki ana folafola, kae lotou fakavelivelii loa ana polofeta, o kaku ki le temi leia na leaise toe maua ai loa se faitoo o le sausaua a le Eteleno ki lona kakai.

Pesalemo 33:11

E tuu fakatuutuu a le Eteleno o lee gato, Ti mo oli o lona loto i tautupu mo tautupu.

Esaia 14:24

Kua fakapapau le Eteleno o kau tau, o pati : Io, e soko loa le nea leia na kau fakatotonu ki ai ; E soko maoki loa le nea leia na kau loto ki ai.

Selemia 20:16

Ke liliu le tagata lena ofaipe kolo Ala na maumaui fakaveliveli e le Eteleno ! Ke logo a ia ki ni tagi mamae i le usu, Ti mo ni kalaga tau i le lalatea !

Selemia 29:11

Talie e pati le Eteleno, e kau iloa a fakatuutuu ala kua kau fai kia koutou, ko fakatuutuu o le tokamalie kae leai o le malaia, o tupu ke soli kia koutou se apogipogi mo se amanaki malie.

Selemia 31:28

Ti e faipe laku tokaga kia latou O taaki, mo fatii ki lalo, mo maumaui, mo fakamativa, ti mo fakaveli, E kau toe tokaga loa kia latou o fakatuu mo to, E pati le Eteleno.

Selemia 32:42

Talie e folafola le Eteleno, o pati : Ofaipe laku kakau mai ki le kakai leinei a malaia lalasi fuli ana, E kau toe aumai loa kia latou a nea malilie fuli ala kua kau fakapapau kia latou.

Selemia 4:28

O tupu ko le nea lena, e mamae loa le fenua, Ti e fakapouli loa a atu lagi i aluga ; Talie na kau fakasa a ia, na kau fakapapau a ia, Ti e leaise kau toe fakasemala i ai, E leaise kau toe liliu loa ki muli.

Esekiele 24:14

Ko au, le Eteleno, kua kau masau : ti e soko loa le nea lena ! E kau fai loa a ia ; ti e leaise kau toe solomuli loa, ti e leaise kau toe aloalofa loa pe toe fakasemala loa. E fakamaaui loa a koe o mulimuli ki lau aga mo au gaoi, e pati le Aliki, le Eteleno.

Sakalia 1:2

Na sausaua le Eteleno ki okoutou tamana.

Sakalia 1:6

Pe na leaise lave ki okoutou tamana aku folafola mo aku fakatotonu ala na kau tuku ki aku tagata fakasausau ko le kau polofeta ? Na lotou maliu mai, ti na lotou pati : Kua fai e le Eteleno o kau tau kia tatou o mulimuli ki le nea leia na fakapapau e ia ke fai kia tatou o mulimuli ki otou ala mo atatou gaoi.