Sakalia 8:13 - Tosi Tapu

¹³ Fale o Suta, fale o Iselaele, ofaipe lokoulua liliu ki atu puleaga ko ni nea fakatupu malaia i mua, koia e kau saofaki ai loa koulua ti e kolua liliu loa ko se tapuakina. Aua na kolua i, kae ke kolua fakamakeke okoulua lima !

Sakalia 8:13 ပူးပေါင်းရင်းမြစ်များ

Senesi 26:4

E kau liuliuga loa lou sakoga ofaipe fetuu o le lagi ; ti e kau soli loa ki lou sakoga a fenua fuli anei ; ti e tapuakina loa a puleaga fuli o le malama nei i lou sakoga ;

Pesalemo 44:16

E tuu loku fakavelivelii i oku mua i aso fuli, Ti e ufiufi oku mata e le luma,

Pesalemo 72:17

E tuu loa lona suafa o lee gato, O fualoa pe le laa e sosolo loa lona suafa ; Iate ia e fetapuaki loa leia ki leia, Ti pati loa a atu puleaga fuli kiate ia Manuia.

Pesalemo 79:4

Kua motou liliu ko se nea fakalialia kia latou ala i omatou tafatafa, Ko se nea gologolo mo katai kia latou ala e takatakai ia matou.

Esaia 43:28

Koia na kau fai ai ki pule o le fale tapu pe ni tagata noa, Ti na kau tuku ai Sakopo ki le maumau, Ti mo Iselaele ki lauveli.

Selemia 24:9

E kau fakaliliu loa latou ko se nea fakaii mo se nea fakatupu lauveli ki puleaga fuli o le malama nei, ko se nea fakalumaluma, mo se nea fakagologolo, mo se nea fakakata, ti mo se nea fakatupu malaia i ganea fuli ala e kau kapu loa latou ki ai.

Selemia 25:18

Ki Selusalemi mo kolo o Suta, Ki ona sau mo ona pule, Ke fakaliliu ai latou ko se maumau, Ko se nea fakaaloalofa, ko se nea fakagologolo, ti ko se nea fakamalaia, Ofaipe le nea leia e tio ki ai i le aso nei ;

Selemia 26:6

Ti e kau tautea loa le fale leinei ofaipe Silo, ti e kau fakaliliu loa le kolo leinei ko se nea fakatupu malaia ki puleaga fuli o le kele.

Selemia 29:18

E kau tuli loa latou ki le seleta, mo le oge, mo le taumasaki, ti e kau fakaliliu loa latou ko se nea fakaii ki puleaga fuli o le kele, mo se nea fakamalaia, mo se nea fakaaloalofa, mo se nea fakagologolo, mo se nea fakalumaluma i puleaga fuli ala e kau kapu loa latou ki ai,

Selemia 33:24

Pe na ke fakatokagai le nea leia na pati ki ai a kakai ana : Ko famili ala e lua na filifili e le Eteleno, kua tiaki e ia laua ? Koia e lotou gologolo ai ki loku kakai, Ti e leaise koi lotou tio kiate ia ofaipe se puleaga.

Selemia 42:18

Talie e folafola le Eteleno o kau tau, le Atua o Iselaele : E kau liligi loa loku sausau kia koutou ofaipe laku liligi a ia ki le kakai o Selusalemi, mo kapau e kotou ano loa ki Esipito ; e kotou liliu loa ko se nea fakalialia, mo fakaii, mo fakatupu malaia, mo fakalumaluma, ti e leaise kotou toe tio loa ki le ganea leinei.

Selemia 44:12

E kau too loa a toetoega o Suta, ala kua mafuli olatou mata o ano ki le fenua o Esipito, ke nofo i ai, ti e lotou mamate fuli loa. Io, ko le fenua lena e lotou vivilo ai loa, o mamate i le seleta, mo le oge, latou fuli mei leia e ikiiki o kaku ki leia e lasi ; ti e lotou liliu loa ko se nea fakalialia, mo se nea fakaii, mo fakatupu lauveli, mo fakalumaluma.

Selemia 44:22

Na leaise mafai loa e le Eteleno ke toe kataki atu a ia, o tupu ko le agaveli o akoutou gaoi, o tupu ko nea fakalialia ala kua kotou fai ; ti kua liliu lokoutou fenua ko se fenua maumau, ko se toafa, ko se nea fakatupu malaia, ofaipe le nea leia kua kotou tio ki ai i le aso nei.

Tagi laulau a Selemia 4:15

E kalaga kia latou : Kotou fakamamao atu, kau kelekele ! Kotou fakamamao atu, kotou fakamamao atu, aua na kotou fafa mai ! E lotou sosola, e lotou sese ; Kua pati i atu puleaga : E leaise lotou toe maua loa lolatou nofoaga !

Esekiele 34:26

E kau fakaliliu loa latou mo potu ala e takatakai ia loku mauga taputapu ko se tapuakina ; ti e kau fakato loa le ua i lona temi totonu, ti ko se ua loa a ia o le tapuakina.

Esekiele 37:11

Na pati mai loa a ia kiate au : Vosa o le tagata, ko ivi anei ko le fale katoa o Iselaele. Ko leinei, e lotou pati : Kua malo omatou ivi, ti kua maumaui lamatou amanaki malie, ti kua motou puli noa !

Esekiele 5:15

E ke soko loa ko se nea nukinukii, mo se nea fakalumaluma, mo se faifaitakiaga ti mo se nea fakaii ki puleaga fuli ala e takatakai ia a koe, mo ka kau fakasoko loa kiate koe aku fakamaauaga i se sausau lasi mo ni valoki mamafa, - ko au, le Eteleno, leia e masau, -

Taniela 9:11

Kua maumaui e Iselaele katoa lau lao, ti kua lotou mafuli kese talie ke aua na lotou fakalogo ki lou leo. Koia kua liligi ai kia matou a malaia ala na tosi i le lao a Moisese, le tagata fakasausau a le Atua, talie kua motou agasala ki le Atua.

Mikea 5:7

E nofo loa le toega o Sakopo i lotolotoga o atu puleaga, I loto malie o ni kakai toka api, Ofaipe se laione i lotolotoga o manu o le vaomatua, Ofaipe se uviki laione i lotolotoga o kau ovi : Ka fakalaka a ia, e takatakafi e ia ti e sae e ia, Ti e leaise saofaki e se tasi.

Sofoni 3:16

I le aso lena, e pati loa i Selusalemi : Aua na ke i ki se nea ! Sione, aua na fakagaegae ou lima !

Sofoni 3:20

I le aso lena, e kau toe aumai loa koutou ; I le aso lena, e kau fakatasi loa koutou ; Talie e kau fakaliliu loa koutou ko se tupuaga o le fakavikiviki mo le kololia I lotolotoga o kakai fuli o le malama nei, Mo ka kau toe aumai loa lokoutou kau popula i mua o okoutou mata, E pati le Eteleno.

Akeseo 2:19

Pe na koi i ai se pulapula i okoutou fata ? Tatau foki mo le vite, mo le fiki, mo le kelenati, ti mo le oliveto, Na leaise tuku ia se nea fua e tasi. Kae i le aso nei e kau liligi loa laku tapuakina.

Akeseo 2:5

E kau agatonu ki le sai leia na kau fai mo koutou I le aso leia na kotou mavae ai i Esipito, Ti e nofo loku Laumalie i loto malie o koutou ; Aua na kotou i !

Sakalia 1:19

Na kau pati loa ki le aselo leia na masau mai kiate au : Kolea le uiga o tala anei ? Ti na pati mai loa a ia kiate au : Ko tala ana ala na fakamavete ia a Suta, mo Iselaele, ti mo Selusalemi.

Sakalia 14:11

E nofo loa i le kolo, ti e leaise toe i ai loa se malaia. E fimalie loa Selusalemi.

Sakalia 8:15

kae i le aso nei, kua kau fakakaukau ke kau fai se nea malie ki Selusalemi mo le fale o Suta. Aua na kotou i !

Sakalia 8:9

Koia e folafola ai le Eteleno o kau tau, o pati : Kotou fakamakeke okoutou lima, koutou ala e logo i le aso leinei ki folafola anei mei le gutu o polofeta ala na sa i le temi leia na fakatafito ai le fale tapu o le Eteleno o kau tau, i le temi leia na kamata fakatuu ai le fale tapu.

Sakalia 9:13

Talie e kau fakamakona loa a Suta ofaipe se kalolo, E kau fai loa ki Efalaimi laku gasau, Ti e kau lagai loa au fanau, ei Sione, Ki au fanau, ei Savani ! E kau fakaliliu loa a koe ofaipe le seleta a se tagata toa.

Uluaki tosi ki le kau Kolinto 16:13

Kotou alaala, kotou tuu makeke i le tui, kotou faipe ni tagata, kotou makeke.

Kalate 3:14

o tupu ke fakasoko le tapuaki a Apalaamo ki le kau pagani ia Sesu-Kilisito, ti ke tou tali i le tui le Laumalie leia na fakapapau mai.

Tetelonome 26:19

o tupu ke soli atu loa e ia kiate koe, i aluga o puleaga fuli ala na fakatupu e ia, le tuulaga uluaki i le kololia, mo le igoa, mo le mamalu, ti ke ke liliu loa ko se kakai maokioki ki le Eteleno, lou Atua, o mulimuli ki lana folafola.

Tetelonome 28:37

Ti ko puleaga fuli ala e taki loa a koe ki ai e le Eteleno e ofolele loa i le nea leia kua soko kiate koe ; ti e lotou katai loa a koe ti mo lauveli loa kiate koe.