Sakalia 8:12 - Tosi Tapu

¹² Talie e mauli loa a pulapula ala na to, ti e fua loa le vite, ti e soli loa e le kele ona fua, ti e tuku loa e le lagi lona sasau ; e kau fakafiafia loa le loto o le toega o loku kakai ki nea fuli ana.

Sakalia 8:12 ပူးပေါင်းရင်းမြစ်များ

Senesi 26:12

Na to loa e Isaake ni fakaili i le fenua lena, ti na utu loa e ia i le fetuu lena o liuga kau lelau ; talie na tapuaki loa le Eteleno kiate ia.

Senesi 27:28

Ke tuku e le Atua kiate koe le sasau o le lagi, Mo le gako o le kele, Mo le fulumeto, ti mo le vino o lasi ai !

Uluaki tosi o Sau 17:1

Ko Elia, le tagata Tisipe, ko se tasi i le kakai o Kalaate, na pati loa kia Akapo : E mauli le Eteleno, le Atua o Iselaele, leia e kau tausi ki ai ! E leaise toe to loa se ua pe ko se sasau i fetuu anei, kae e gato tasi loa i laku pati.

Pesalemo 72:3

E ave loa e mauga lalasi le tokamalie ki le kakai, Ti mo mauga liliki foki, o tupu ko lou faitotonu.

Pesalemo 85:12

E somo ake le agatonu i le kele, Ti e tio mai le faitotonu mei le lagi.

Taagapati 19:12

Ko le ita o le sau e faipe le gugulu o le laione, Ti ko lona agamalie e faipe le sese i le mutie.

Esaia 30:23

Ti e fakato loa e le Eteleno le ua ki le pulapula leia na ke tuku ki le kele, Ti e lasi loa mo kano malie le pane leia e soli loa e le kele ; Ti e kai loa au kau manu i ni faisaga mutie lalasi, i le temi lena.

Esaia 61:7

Talie e fetogi loa lokoutou luma ki se vaega liuga lua ; E fetogi loa lokoutou mamae ki se fiafia i lokotou vaega ; Io, e kotou maua loa se vaega liuga lua i lokoutou fenua, Ti e lee gato loa lokoutou fiafia.

Selemia 31:12

E lotou au loa, ti e lotou fai loa ni kalaga fakafiafia i potu taualuga o Sione ; E lotou fiafia loa i nea malilie a le Eteleno, Le fulumeto, mo le vino, mo le lolo, Mo ovi ti mo pipi ; E fai loa lolatou laumalie pe se oloto fakavai, Ti e leaise lotou toe nofo loa i le mamae.

Esekiele 34:28

E leaise toe kaia loa latou e atu puleaga, ti e leaise toe sae loa latou e manu o le fenua, ti e lotou mauli fimalie loa, ti e leaise toe fakamamae loa latou e se tasi.

Esekiele 36:12

E kau fakasaele loa koutou i ganea fuli o le fenua, loku kakai ko Iselaele, Ti e kotou maua loa le fenua, Ti e liliu loa a ia ko lokoutou tofiga, Ti e leaise toe maumaui loa a ia.

Esekiele 36:30

E kau liuliuga loa a fua o laakau mo fua o faisaga, o tupu ke aua na kotou toe maua loa le luma o le oge i mua o atu puleaga.

Esekiele 36:9

Ko leinei, e kau tuku loa loku kalasia kia koutou, E kau tokaga loa kia koutou, Ke fakamaluu koutou mo to koutou.

Oseo 13:3

Koia e lotou fai ai loa pe le kokofu o le usu, Pe le sasau leia e puli vave, Pe le penu leia e ave e le matagi i sasaaga fulumeto, Pe le afu leia e ulu mei se katupa.

Oseo 14:5

E kau liliu loa ofaipe le sasau ki Iselaele, E se loa a ia ofaipe le lilio, Ti e somo loa ona aka ofaipe le Lipane.

Soele 2:19

E tali le Eteleno, ti e pati a ia ki lona kakai : Ko leinei, e kau soli atu loa kia koutou se fulumeto, Mo se vino, mo se lolo, Ti e kotou makona loa ; Ti e leaise kau toe tuku loa koutou ki le luma i lotolotoga o atu puleaga.

Soele 2:22

Manu o le vao, aua na kotou i, Talie e toe sesega loa a toafa, Ti e toe fua loa a laakau, Ti e toe soli loa e le fiki mo le vite ola koloa.

Levitiko 26:3

Kapau e kotou mulimuli loa ki aku lao, ti kapau e kotou tausi loa aku folafola ti mo fai loa latou,

Sofoni 3:13

E leaise toe fai loa e toetoega o Iselaele se agaveli, E leaise lotou toe fai loa se loi, Ti e leaise toe maua loa i lolatou gutu se alelo kaka ; Kae e lotou kai loa, e lotou malolo loa, ti e leaise toe fakaveli loa se tasi kia latou.

Akeseo 1:10

Koia kua fakafiti ai e le lagi lona sasau kia koutou, Ti kua taofi ai e le kele ona fua.

Akeseo 2:18

Kotou fakakaukau malie Ki le nea leia kua soko o kaku mai ki le aso nei, O kaku mai ki le aso kau lua tupu fa o le masina iva, Talu mei le aso leia na fakavae ai le fale o le Eteleno, Kotou fakakaukau malie ki ai !

Akeseo 2:19

Pe na koi i ai se pulapula i okoutou fata ? Tatau foki mo le vite, mo le fiki, mo le kelenati, ti mo le oliveto, Na leaise tuku ia se nea fua e tasi. Kae i le aso nei e kau liligi loa laku tapuakina.

Sakalia 8:6

Koia e folafola ai le Eteleno o kau tau, o pati : Kapau e mata fakapunamauli le nea lena ki le toega o le kakai lena i aso ana, pe mata fakapunamauli a ia kiate au ?

Malakia 3:11

Kia koutou e kau valoki loa leia e kai, Ti e leaise maumaui loa e ia a fua o le kele, Ti e leaise paa loa le vite i okoutou ulu fenua, E pati le Eteleno o kau tau.

Mateo 6:33

Kotou afa mua le Puleaga mo le faitotonu a le Atua, ti e fakalasi atu loa a nea fuli ana kia koutou.

Uluaki tosi ki le kau Kolinto 3:21

Koia ke aua na fakakololia ai e se tasi ni tagata ; talie ko nea fuli ai a koutou :

Tetelonome 32:2

Ke vilo laku akonaki ofaipe se ua, Ke vilo laku masau ofaipe se sese, Ofaipe se sasau ki le vao sesega, Ofaipe ni motii vai ki le mutie !

Tetelonome 33:13

Kia Sosefo, na pati a ia : E tapuaki loa le Eteleno ki lona fenua, Ti e maua loa e ia le alofa malie tukupau o le lagi, le sese, Mo vai malilie o le lalo lagi,

Tetelonome 33:28

E fimalie Iselaele i lona nofoaga, E tuu kese le matapuna vai o Sakopo I se fenua o le fulumeto mo le vino foou, Ti e tufa e lona lagi le sese.

Sakopo 3:18

Talie e muluki le fua o le faitotonu i le tokamalie e latou ala e afa ia le tokamalie.