Sakalia 7:14 - Tosi Tapu

¹⁴ Koia na kau fakamavete ai loa latou i lotolotoga o puleaga fuli ala na leaise lotou iloa. Koia na kau maumaui ai le fenua i olatou muli, ti na leaise toe ano loa se tasi i ai. Ti na liliu loa le fenua fulumalie lena ko se toafa.

Sakalia 7:14 ပူးပေါင်းရင်းမြစ်များ

Lua tosi o Koloniko 36:21

o tupu ke fakasoko le folafola a le Eteleno leia na fakasa e le polofeta ko Selemia ; E tiaki loa le fenua i fetuu e kau fitu, o kaku ki le oki o lona temi malolo, ke fetogi ai a fetuu malolo ala na leaise taupau.

Pesalemo 58:9

Ke lotou maua le mauli o le esekaleko ! Leia e malo i lana totolo Ke aua na lotou tio ki le laa ofaipe le toe leia na fanaui kua mate !

Esaia 17:13

Kua logoa a atu puleaga ofaipe le logoa o vai lalasi… Kae e feau latou e le Eteleno, ti e lotou sosola ki mamao, Ofaipe mutie malo o le mauga ala e pusi e le matagi, Ofaipe le efu leia e lagai e se asesio.

Esaia 21:1

Folafola a le Atua ki le toafa o le tai. Ofaipe le malaga a le sasataki mei le potu saute, E au a ia mei le toafa, mei le fenua fakaii.

Esaia 60:15

I mua na tiaki a koe ti na vesia kiate koe, Ti na leaise fakalaka se tasi iate koe, Kae i le aso nei e kau fakaliliu loa a koe ko se nea fakateuteu o lee gato, Ko se fiafiaaga ki tautupu mo tautupu.

Esaia 66:15

Talie ko leinei, e au le Eteleno i se afi, Ti e fai ana saliote pe se sasataki ; E fakaliliu e ia lona sausau ko se vela, Ti mo ana valoki ko ni ulai afi.

Selemia 12:10

E maumaui e ni kau tausi manu toka api laku vite, E lotou takatakafi fakaveliveli laku faisaga ; E lotou fakaliliu le faisaga o oku fiafiaaga ko se toafa, ko se potu lavaki.

Selemia 23:19

Ko leinei, kua to le afa a le Eteleno, Kua mu lona sausau, Kua oso le veli, Kua vilo a ia ki ulu o le kau agaveli.

Selemia 30:23

Ko leinei, kua to le afa, le sausau o le Eteleno. Kua to se asesio, Kua vilo a ia ki ulu o le kau agaveli.

Selemia 36:19

Na pati loa le kau pule kia Paluke : Ano, o mumuni, a koe mo Selemia, ti ke aua na iloa e se tasi le ganea leia e kolua nonofo ai.

Selemia 44:6

Ti na kau liligi loa loku sausau mo loku mafaia, ti na tutu loa a kolo o Suta, mo ala o Selusalemi, ala kua liliu ko ni kolo maumau ata ti ko se toafa, ofaipe le nea e tio ki ai i le aso nei.

Selemia 5:15

Ko leinei, e kau aumai loa mei mamao se puleaga kia koutou, fale o Iselaele ; E pati le Eteleno ; Ko se puleaga makeke a ia, ko se puleaga afea, Se puleaga leia e leaise ke iloa lana masau, Ti e leaise ke matala loa ki ana masau.

Selemia 52:30

I le fetuu kau lua tupu tolu o Nepukatenesale, na ave loa e Nepusalatane, pule o le kau leo, a kau Sutea e tino lelau e fitu mo le tino fa tupu lima ; ko le katoa ko tino afe e fa mo tino lelau e ono.

Esekiele 12:19

Pati ki le kakai o le fenua : Ko leinei le folafola a le Aliki, le Eteleno, Ki kakai o Selusalemi i le kele o Iselaele ! E lotou kai loa lalatou pane i le mamae, Ti e lotou inu loa lalatou vai i le i, Talie e mativa loa le fenua i nea fuli e mau e ia, O tupu ko le agamakeke o latou fuli ala e nonofo i ai.

Esekiele 22:15

E kau fakamavetevete loa a koe i atu puleaga, ti e kau veteki loa a koe i fenua kesekese, ti e kau pulii loa lau aga fakalialia i loto malie o ou.

Esekiele 5:10

Koia e kai loa e ni tamana alatou fanau i loto malie o ou, ti e kai loa e ni fanau olatou tamana ; e kau fakasoko loa aku fakamaauaga kiate koe, ti e kau veteki loa ki matagi fuli le nea leia e toe loa iate koe.

Taniela 8:9

Mei se tasi o tala ana, na somo ake loa se ga tala ikiiki, leia na tupu ake loa o lasi ki le saute, mo le esite, mo le fenua o le manuia.

Oseo 9:17

E tiaki loa latou e loku Atua, o tupu na leaise lotou fakalogo kiate ia, Ti e lotou foli noa loa i atu puleaga.

Soele 2:3

E ano se afi kaka i ona mua ; Ti e muli iate ia se ula vevela ; Na fai le fenua i mua pe se oloto o Eteni, Kae talu mei ai, ko se toafa fakaii a ia : E leaise sao se nea iate ia !

Levitiko 26:22

E kau kakau mai loa kia koutou a manu fekai o le vao, ti e lotou tamate loa okoutou fanau, ti e lotou kai loa akoutou kau manu, ti e lotou fakateiki loa koutou, ti e lavaki loa okoutou ala.

Levitiko 26:33

E kau lagai loa se tau kia koutou ti e kau fakamavetevete loa koutou i atu puleaga : e maumaui loa lokoutou fenua, ti e lavaki loa okoutou kolo.

Amosi 1:14

E kau kakau loa le afi ki paa o Lapa, Ti e kai loa e ia ona fale sau, I loto malie o ni kalaga tau i le aso o le tau, I loto malie o le asesio i le aso o le afa ;

Naume 1:3

E kataki fualoa e le Eteleno lona sausau, e lasi a ia i lona makeke ; E leaise tuku e ia leia e agasala sala tautea. E saele le Eteleno i le afa, mo le asesio ; Ko ao ko efu o ona vae.

Apakuki 3:14

E ke soka ki au gasau le ulu o ana pule, Ala e feoso mai kiate au ofaipe se afa, ke fakamavetevete au, O taukalaga fakafiafia O sakinake kua lotou tafi le tagata fakaaloalofa i lolatou mumuniaga.

Sofoni 3:6

Na kau tuuti ni puleaga ; kua maumau olatou tule ; Na kau maumaui olatou ala, e leaise tasi koi fakalaka i ai ! Kua maumau olatou kolo, e leaise koi maua se tagata, e leaise koi maua se tasi ke nofo i ai !

Sakalia 2:6

Kotou sosola, kotou sosola i le fenua o le noleto ! E pati le Eteleno : Talie na kau fakamavetevete koutou ki potupotu e fa o le lagi, E pati le Eteleno.

Sakalia 8:1

Na toe fakasa loa le folafola a le Eteleno o kau tau, o pati :

Sakalia 9:14

E sa loa le Eteleno i aluga o latou, Ti e makamu loa lana gasau ofaipe le uila. E pupusi loa e le Aliki, le Eteleno, le fakatagi pupusi, E au loa a ia i le asesio o le potu saute.

Tetelonome 28:33

Ko se kakai leia e leaise ke iloa e kai ia loa a fua o lou kele mo le fua o lau gaoi katoa, ti e ke mauli popula loa ti mo taomia loa i aso fuli.

Tetelonome 28:49

E lagai loa e le Eteleno kiate koe se puleaga mei mamao, mei potupotu o le malama nei, se puleaga leia e oso ofaipe le akuila fekai, se puleaga leia e leaise ke matala ki lana masau,

Tetelonome 28:64

E veteki loa a koe e le Eteleno i puleaga fuli, mei le potu ki le potu o le malama nei. E ke tausi loa i ai ki ni atua kese ala na leaise ke iloa ti na leaise iloa e ou tamana : ala ko ni laakau mo ni fatu.

Tetelonome 4:27

E fakamavetevete loa koutou e le Eteleno i atu puleaga, ti e toe loa se ga toka teiki fua i puleaga ala e ave loa koutou ki ai e le Eteleno.