Sakalia 7:11 - Tosi Tapu

¹¹ Kae na lotou patigataa o leaise lotou fakalogo, ti na lotou titua o tapono olatou taliga ke aua na lotou logo.

Sakalia 7:11 ပူးပေါင်းရင်းမြစ်များ

Lua tosi o Koloniko 33:10

Na folafola loa le Eteleno kia Manase mo lona kakai, kae na leaise lotou tokaga loa.

Neemia 9:17

ti na lotou patigataa loa, ti na lotou galoi loa a nea malilie ala na ke fai kia latou. Na lotou fakafefeka loa olatou loto ; i lolatou fakatutuu, na lotou filifili loa se pule kia latou, ke lotou toe liliu ki le popula. Kae ko koe ko se Atua leia e loto fakamolemole, mo manava alofa, leia e leaise ita vave, ti e mou koloa i le agamalie, o leaise ke tiaki loa latou,

Neemia 9:26

Kae na lotou malaga loa kiate koe. Na lotou tiaki loa lau lao ki muli, ti na lotou tamate loa lau kau polofeta leia na kolekole kia latou ke toe liliu mai kiate koe, ti na lotou fai loa kiate koe ni nea veveli.

Neemia 9:29

Na ke kolekole loa ke lotou toe liliu mai ki lau lao ; kae na lotou soko atu lolatou fia nealasi, na leaise lotou fakalogo loa ki au folafola, kae na lotou agasala loa ki au fakatotonu ala e fakamauli ia latou ala e taupau ia latou, ti na lotou agatuu loa, ti na leaise lotou fia fakalogo ki lau pule, kae na lotou fakafefeka olatou ua ti na leaise lotou fakalogo loa.

Ekesote 10:3

Na ano loa Moisese mo Alone kia Falaone, o pati kiate ia : Ko leinei le folafola a le Eteleno, ko le Atua o le kau Epeleo : E kaku loa kiafea lau fakafiti ke ke fakataulalo i oku mua ? Tuku loku kakai ke ano, o tupu ke tausi a ia kiate au.

Esaia 28:12

Na pati a ia kiate ia : Ko leinei le maloloaga, Kotou tuku ke malolo leia kua gaegae ; Ko leinei le ganea malolo ! Kae na leaise lotou fia fakalogo fua.

Esaia 46:12

Kotou fakalogo mai kiate au, kakai loto fefeka, Ala ko fili o le maoki !

Esaia 6:10

Ke ke fakaliliu le loto o le kakai leinei ke logo noa ; Ke ke fakatulituli ona taliga, ti mo tapono ona mata, Talie ke aua na tio loa ona mata, mo logo loa ona taliga, Mo matala loa lona loto, Mo tafoki loa, ti ke kau fakamauli loa a ia.

Esaia 65:12

E kau tuku loa koutou ki le seleta, Ti e kotou peluki fuli loa a tuli ke tamate koutou ; Talie na kau kalaga atu, ti na leaise kotou tali mai ; Na kau masau, ti na leaise kotou fakalogo ; Kae na kotou fai le nea leia e veli ki oku mata, Ti na kotou filifili le nea leia e kau vesia ki ai.

Selemia 11:10

Kua lotou toe liliu ki agasala o olatou uluaki tamana, Ala na leaise fia fakalogo ki aku folafola, Ti na lotou ano ki ni iki ake atua kese, o tausi latou. Na maumaui e le fale o Iselaele mo le fale o Suta laku sai, Leia na kau fai mo olatou tamana.

Selemia 13:10

Ko le kakai agaveli lena, leia e leaise fia fakalogo ki aku folafola, Leia e mulimuli ki oli o lona loto, Leia e ano ki ni iki atua kese O tausi kia latou ti mo tulolo i olatou mua, Ke liliu a ia ofaipe le kilipipi leinei, Leia e leaise koi aoga ki se nea !

Selemia 17:23

Na leaise lotou fakalogo, na leaise tokaga olatou taliga ; Na lotou fakafefeka olatou ua, Ke aua na fakalogo mo tali le akonaki.

Selemia 17:27

Kae kapau e leaise kotou fakalogo mo ka kau fakatotonu atu kia koutou Ke fakatapu le aso o le sapato, Ke aua na amo se amoga, Ke aua na fakaulu se amoga i matapa o Selusalemi i le aso o le sapato, Ti e kau tutu loa se afi i matapa o le kolo, Ti e kai loa e ia a fale fakaalialiki o Selusalemi, ti e leaise toe mate loa a ia.

Selemia 19:15

E folafola le Eteleno o kau tau, le Atua o Iselaele, o pati : E kau aumai loa ki le kolo leinei mo kolo fuli ala e fakalogo ki ai, a malaia fuli ala na kau fakasa fakatomua, o tupu kua lotou fakafefeka olatou ua ke aua na lotou logo ki aku folafola.

Selemia 35:15

Na kau kakau atu kia koutou aku tagata fakasausau fuli, le kau polofeta, na kau kakau atu latou koi usu, o pati kia koutou : Kotou tasi toe liliu mai mei lona ala veli, kotou fai akoutou gaoi ke malilie, aua na kotou ano o tausi ki ni iki ake atua kese, o tupu ke kotou nonofo loa i le fenua leia kua kau soli kia koutou mo okoutou tamana. Kae na leaise tokaga mai okoutou taliga, ti na leaise kotou fakalogo mai kiate au.

Selemia 36:31

E kau tautea loa a ia mo lona sakoga, mo ana kau tagata fakasausau, o tupu ko alatou agaveli, ti e kau aumai loa kia latou, mo le kakai o Selusalemi, mo tagata o Suta, a malaia fuli ala kua kau fakasa kia latou, kae na leaise lotou fia fakalogo kiate au.

Selemia 42:21

Kua kau fakasa atu a ia kia koutou i le aso nei ; kae e leaise kotou fakalogo ki le leo o le Eteleno, lokoutou Atua, mo nea fuli ala kua tuku mai e ia ke fakasa atu kia koutou.

Selemia 44:16

E leaise motou fakalogo loa ki se nea i nea ala kua ke fakasa mai kia matou i le suafa o le Eteleno.

Selemia 5:21

Kotou fakalogo mai ki le nea leinei, kakai valea, kakai leia e leai sona mafu ! E lotou maua ni mata kae e leaise lotou tio fua, E lotou maua ni taliga kae e leaise lotou logo fua.

Selemia 5:3

Eteleno, pe leaise tio ou mata ki le maoki ? E ke taai latou, kae e leaise lotou logoi fua se mamae ; E ke tutu latou ke okioki, kae e leaise lotou tokaga fua ki se akonaki : E lotou asili fakafefeka ake olotou mata i le fatu ; E leaise lotou fia tafoki kiate koe.

Selemia 7:24

Kae na leaise lotou fakalogo, Na leaise lotou fakatokaga fua olatou taliga ; Na lotou mulimuli ki tokoi mo oli o lolatou loto veli, Ti na lotou liliu ki muli kae na leaise lotou ano ki mua.

Selemia 7:26

Kae na leaise lotou fakalogo mai kiate au, Na leaise fakatokaga mai olatou taliga ; Na lotou fakafefeka olatou ua, Na lotou fai le veli o fakalaka ake i olatou tamana.

Selemia 8:5

Ti kolea e sese tuumau ai le kakai leinei o Selusalemi ? E lotou tuu makeke i le kaka, E lotou fakafiti ke tafoki.

Esekiele 14:5

O tupu ke maua i olatou loto totonu latou o le fale o Iselaele ala kua fakamamao iate au mo olatou taulaatua fuli.

Esekiele 3:7

Kae e leaise loto loa le fale o Iselaele ke fakalogo kiate koe, talie e leaise fia fakalogo a ia kiate au ; talie kua fia nealasi ti mo ulu fefeka le fale katoa o Iselaele.

Esekiele 5:6

Kua maumaui e ia aku lao mo aku fakatotonu, ti kua agasala a ia o lasi ake i atu puleaga mo fenua i ona takatakai ; talie kua tiaki e ia aku lao, ti na leaise mulimuli a ia ki aku fakatotonu.

Taniela 9:5

Kua motou agasala, kua motou fai le agaveli, kua motou agatuu mo patigataa, ti kua motou tiaki au fakatotonu mo au lao.

Oseo 4:16

O tupu kua agatuu Iselaele ofaipe se pipi fafine muli leia e leaise mafai ke fakalalata, I le lakaga nei e fagai loa a ia e le Eteleno Ofaipe se akeno i ni faisaga lalasi.

Sofoni 3:2

E leaise logo fua a ia ki se leo, E leaise tali fua e ia se valoki, E leaise fanaki a ia ki le Eteleno, E leaise fakafeofi a ia ki lona Atua.

Sakalia 1:4

Aua na kotou faipe okoutou tamana, ala na masau ki ai le kau polofeta i mua, o pati : E folafola le Eteleno o kau tau : Kotou maliu mei okoutou ala veveli, ti mo akoutou gaoi veveli ! Kae na leaise lotou fakalogo, ti na leaise lotou tokaga fua kiate au, e folafola le Eteleno.

Mateo 13:15

Talie kua liliu o mate noa le mafu o le kakai leinei ; Kua lotou fakatulituli olatou taliga, ti kua lotou tapono olatou mata, O tupu ke aua na lotou tio ki olatou mata, Ke aua na lotou logo ki olatou taliga, Ke aua na lotou matala i olatou loto, Ke aua na lotou tafoki, ti ke aua na kau fakamauli latou.

Gaoi 7:51

Tagata ulu fefeka, mo lee silikosisio i le loto mo le taliga ! E kotou fakafesagai tuumau ki le Laumalie Maokioki, koutou ofaipe okoutou tamana.

Gaoi 7:57

Ti na lotou kalaga loa o leo lasi, mo tapono olatou taliga, o feoso fakatasi fuli kiate ia,

Epelo 12:25

Kotou tokaga ke aua na kotou fakafiti ki leia e masau atu kia koutou ; talie kapau na leaise sao latou ala na fakafiti loa ke logo ki leia na fakasa ia ni folafola i le malama nei, e feaki ake loa ke tou sao mo kapau e tou titua ki leia e masau mei le lagi,