Sakalia 6:8 - Tosi Tapu

⁸ Ti na fetapa mai loa a ia kiate au, o pati : Tio, ko latou ala kua ano ki le fenua o le potu noleto e fakavilo ia loa loku sausau ki le fenua o le noleto.

Sakalia 6:8 ပူးပေါင်းရင်းမြစ်များ

Ekelesiasi 10:4

Kapau e malaga le ita o lou pule kiate koe, aua na ke tiaki lou nofoaga, talie e fakamolemole ni sala lalasi e se tali agamalu.

Esaia 1:24

Koia ko leinei le nea e fakasa e le Aliki, le Eteleno o kau tau, Le Makeke o Iselaele : Io, e kau liufaki loa le veli kia latou ala na agatuu kiate au, Ti e kau totogi loa ki oku fili.

Esaia 48:14

Koutou fuli, kotou fakatasi mai, ti kotou fakalogo ! Ko ai ia latou na fakasa fakatomua ia a nea ana ? Ko leia e alofa ki ai le Eteleno e fakasoko ia loa lona finegalo ki Papilone, Ti e mamafa loa lona lima ki le kau Kaletea.

Esekiele 16:42

E kau fakafimalie loa i ai loku sausau kiate koe, ti e kau siki loa iate koe loku finenonofo, ti e kau fimalie loa, ti e leaise kau toe ita loa.

Esekiele 16:63

O tupu ke ke manatui le temi kua sili ti ke ke fakasemala, o tupu ke aua na toe fakamavaa loa lou gutu ti ke ke luma, mo ka e kau fakamolemole loa kiate koe a nea fuli ala na ke aga o fai, e pati le Aliki, le Eteleno.

Esekiele 24:13

Selusalemi, kua ke kelekele o tupu ko au aga fakalialia fuli. Na kau loto ke fakamea a koe, kae na leaise ke tuku ke fakamea a koe. Koia e leaise feala loa ke ke liliu o mea, o kaku ki laku liligi kiate koe loku sausau katoa.

Esekiele 5:13

E kau fagai loa ke makona loku sausau, ti e kau fakavilo loa loku sausau kia latou o kaku ki loku fimalie ; ti e lotou iloa loa ko au, le Eteleno, kua kau masau i loku sausau, o liligi kia latou loku mafaia.

Sakalia 1:15

Ti kua kau mamae lasi ki puleaga fia nealasi ; talie na ikiiki fai loku mamae i mua, kae kua lotou fakalasi a ia.

Tuifakamaau 15:7

Na pati loa Samisoni kia latou : Pe ko lena lakotou fai ? Koi kau fimalie mo ka kau totogi ia loa kia koutou le nea leia na kotou fai kiate au.

Tuifakamaau 8:3

Kua tuku e le Eteleno ki okoutou lima a pule o Matiane ko Olepi mo Sepi. Ti kolea e kau mafai ia ke fakatatau mo koutou ? I le oki o lana masau lena kia latou, na puli loa lolatou ita kiate ia.