Sakalia 6:6 - Tosi Tapu

⁶ Na ano loa a osi uli ala na sai ki le tasi saliote ki le potu noleto, ti na muli ia latou a osi tea ; kae na ano loa a osi pulepule kula ki le fenua o le potu saute.

Sakalia 6:6 ပူးပေါင်းရင်းမြစ်များ

Esaia 30:6

Ko le tua o manu o le potu saute : I se fenua o le mamae mo le mativa, Leia e au mei ai le laione tagata mo le laione fafine, Le gata kona mo le talakone lele, E lotou fetuku olatou koloa i tua o asino mo kamelo, O ave ki se kakai leia e leaise aoga fua kia latou.

Esaia 43:6

E kau pati loa ki le noleto : Soli mai ! Ti e kau pati loa ki le potu saute : Aua na taofi ! Kotou aumai oku vosa mei fenua mamao, Ti mo oku taineliki mei potupotu o le malama nei,

Selemia 25:9

E kau kakau loa ke ano o afa mai a atu puleaga fuli o le potu noleto, e pati le Eteleno, ti e kau kakau loa ke au laku tagata fakasausau ko Nepukatenesale, sau o Papilone : E kau kakau mai loa a ia ke au o taui le fenua leinei mo lona kakai, mo puleaga fuli i ona tafatafa, o tupu ke maumaui fuli latou, ti ke fakaliliu le fenua leinei ko se kele maumau, leia ka kata loa ki ai mo mapu loa ki ai i lona fakaii.

Selemia 4:6

Kotou toso se manumanu o fakaagaaga ki Sione ; Kotou sosola, aua na kotou toe tutuu ! Talie e kau kakau loa mei le potu noleto le malaia Ti mo se maumau lasi.

Selemia 46:10

Ko le aso leinei o le Aliki, o le Eteleno o kau tau ; Ko se aso o le lagavaka, leia e totogi ai e ia ki ona fili. E kai le seleta, e makona a ia, E kona a ia i lolatou toto. Talie e i ai ni vikitima a le Aliki, a le Eteleno o kau tau, I le fenua o le potu noleto, i laugutu o le Eufalate.

Selemia 51:48

Ki Papilone e sua fakafiafia loa le lagi mo le kele, Ti mo nea fuli i ai ; Talie e au loa kiate ia le tagata maumau mei le noleto, E pati le Eteleno.

Selemia 6:1

Kotou sosola, fanau o Pesamino, i loto malie o Selusalemi, Kotou pupusi le fakatagi pupusi i Tekoa, Kotou toso se manumanu i Pete-Akelemi ! Talie kua sa mei le potu noleto se malaia, Ti mo se maumau lasi.

Esekiele 1:4

Na kau tio loa, ti ko leinei, na au loa mei le potu noleto se asesio : ko se ao matotolu mo se afi takamilomilo, ti na takatakai a ia e se malama, ti na gigila i loto malie ofaipe se sila momole leia nao too fua mei le afi.

Taniela 11:40

I le temi o le fakaoki, e toe malaga loa le sau o le saute kiate ia. Kae e oso loa le sau o le noleto kiate ia ofaipe se afa makeke, mo ni saliote, mo ni tagata ekeosi, ti mo se fua vaka tau lasi ; ti e ulu loa le sau o le noleto mo lana solia ki ni fenua mauke, ti e mafolafola loa a ia ofaipe se vaitafe leia kua puke.

Taniela 11:9

Kae e ifo loa le sau o le Noleto o taui le puleaga o le sau o le saute, ti e toe liliu loa a ia ki lona fenua.

Apokalipisi 6:5

I lana fakamavaa le tolu fakamau, na kau logo loa ki le tolu manu mauli na pati : Au. Ti na kau tio loa, ti ko leinei, na sa mai loa se osi uli. Ti ko leia na eke i ai, na too e ia se fua i lona lima.