Sakalia 6:12 - Tosi Tapu

¹² E ke pati loa kiate ia : Ko leinei le folafola a le Eteleno o kau tau : Tio ki se tagata leia e igoa ko Somo ; e somo ake loa a ia i lona ganea, ti e fakatuu loa e ia le fale tapu o le Eteleno.

Sakalia 6:12 ပူးပေါင်းရင်းမြစ်များ

Lua tosi a Samuele 7:13

Ko ia leia ka fakatuu ia loa se fale ki loku suafa, ti e kau fakamakeke loa le ekeekeaga fakasau o lona puleaga, o lee gato.

Esetalasi 3:10

I le temi leia na teki ai e le kau gaoi le fakatafito o le fale o le Eteleno, na au loa le kau faisakilifisio mo olatou kofu fakapelepitelo, mo ni fakatagi pupusi, mo le kau Levi, mei le sakoga o Asafe, mo ni pa fai musika, o tupu ke lotou fakavikiviki ki le Eteleno o mulimuli ki fakatuutuu a Tavite, sau o Iselaele.

Esetalasi 3:8

I le lua o fetuu, talu mei le aso leia na lotou kaku ai ki le fale o le Atua i Selusalemi, i le masina lua, ko Solopapele, vosa o Saletiele, mo Sosue, vosa o Sotesatake, mo ola fetaina, le kau faisakilifisio mo le kau Levi, ti mo latou fuli ala na toe liliu mai mei le popula ki Selusalemi, na lotou gaoi loa ti na lotou tuku loa ki le kau Levi, mei le fetuu kau lua o fai ki aluga, ke leoleo ia a gaoi o le fale o le Eteleno.

Esaia 11:1

Ti e somo ake loa se ga laa i le tafito o Isaia, Ti e tupu ake loa se uli i ona aka.

Esaia 4:2

I le aso lena, e maua loa e le pulapula o le Eteleno Se fulumalie mo se kololia, Ti e maua loa e le fua o le fenua se gigila mo se fulumalie Kia latou ala na sao i Iselaele.

Esaia 53:2

Na tupu ake a ia o lasi i ona mua ofaipe se ga laakau gaegae, Ofaipe se uli leia e somo ake i se kele malo ; Na leaise maua e ia se fulumalie, pe ko se gigila ke tapa ki otou mata, Ti na leaise nea fua iate ia ke tou alofa ai kiate ia.

Selemia 23:5

Ko leinei, e pati le Eteleno, e soko mai loa a aso, Ala e kau fakatupu ai loa kia Tavite se uli agatonu. E nofo loa a ia ko se sau poto mo manuia, E fai loa e ia le faitotonu mo le maoki i le fenua.

Selemia 33:15

I aso ana ti mo le temi lena, E kau fakatupu loa kia Tavite se uli Maokioki ; E fai loa e ia le faitotonu mo le maoki i le fenua.

Esekiele 37:25

E lotou nofo loa i le fenua leia na kau soli ki laku tagata fakasausau ko Sakopo, ti na nofo ai okoutou tamana. E lotou nonofo loa i ai, latou, mo alatou fanau, ti mo fanau o alatou fanau, o lee gato ; ti e nofo loa laku tagata fakasausau ko Tavite ko lolatou sau o lee gato.

Esekiele 41:1

Ti na taki loa e ia a au ki le fale tapu. Ti na fua loa e ia a paa i tafatafa o le ala loto, ti na maua loa e ia ko meta e tolu lona matotolu.

Amosi 9:11

I le temi lena, e kau toe lagai loa i lana siga le fale o Tavite, E kau toe tapono loa ona pu, e kau toe fakatuu loa ona maumau, Ti e kau toe lagai loa a ia ofaipe lana tuu i le temi mua.

Mikea 5:5

E lotou fai loa ki alatou seleta lalatou nea kai ki le fenua o Asilia, Ti mo le fenua o Nimelote i loto o ona matapa. E saofaki loa e ia tatou i le tagata Asilia i ai, Mo ka au loa a ia ki lotatou fenua, Ti mo ka ulu loa a ia ki lotatou kele.

Sakalia 13:7

Seleta, oso ki laku tagata tausi manu Ti mo le tagata leia ko loku kaukau nea ! E pati le Eteleno. Taai le tagata tausi manu, Ti ke mavete a ovi ! Ti e kau fakamaliu loa loku lima kia latou ala e gagae.

Sakalia 3:8

Koia fakalogo mai Sosue, tagata faisakilifisio lasi, a koe mo ou kaukau nea ala e tonatona i ou mua ! - talie ko ni tagata ala ka liliu loa ko ni fakamailoga. - Ko leinei, e kau fakasa loa laku tagata fakasausau, le Pulapula.

Sakalia 8:9

Koia e folafola ai le Eteleno o kau tau, o pati : Kotou fakamakeke okoutou lima, koutou ala e logo i le aso leinei ki folafola anei mei le gutu o polofeta ala na sa i le temi leia na fakatafito ai le fale tapu o le Eteleno o kau tau, i le temi leia na kamata fakatuu ai le fale tapu.

Mateo 16:18

Ti ko au, e kau pati atu kiate koe, ko Petelo a koe, ti e kau fakatuu loa i le utu lena loku Ekelesia, ti e leaise makeke loa a matapa o le nofoaga o le kau mate iate ia.

Mateo 26:61

Na pati a ia leinei : E kau mafai ia le maumaui le fale tapu o le Atua, ti mo toe fakatuu a ia i ni aso e tolu.

Maleko 14:58

Na motou logo ki lana pati : E kau maumaui loa le fale tapu leinei leia na fau e lima o le tagata, ti e kau fakatuu loa i ni aso e tolu se tasi ake a fale tapu leia e leaise fau loa e se lima o le tagata.

Maleko 15:29

Na nukinuki loa kiate ia latou ala na fakalaka i ai, mo kalokalo olatou ulu, o pati : A koe leia e maumaui ia le fale tapu, ti toe fakatuu ia a ia i aso e tolu,

Maleko 15:39

Ko le setulio leia na tuu i mua o Sesu, i lana tio ki lona mate fenaaki, na pati loa : E maoki ai, ko le tagata leinei ko le Alo o le Atua.

Luka 1:78

O tupu ko le manavaalofa mo le agamalie o lotatou Atua, Leia na mu ai le laa kia tatou mei aluga,

Soane 1:45

Na felavei loa Filipo mo Natanaele, ti na pati loa a ia kiate ia : Kua motou maua leia na tosi ki ai Moisese mo le kau polofeta, ko Sesu mei Nasaleti, vosa o Sosefo.

Soane 19:5

Na ulu mai loa Sesu ki fafo, kua pala a ia ki le pala talatala ti kua kofu a ia ki le taupulupulu kula. Ti na pati loa Pilato kia latou : Ko leinei le tagata.

Gaoi 13:38

Koia, fetaina, ke kotou iloa le nea leinei e ma fakasa kia koutou : E maua le fakamolemole o agasala i lona suafa,

Gaoi 17:31

talie kua fakatuutuu e ia se aso leia e fakamaaui ai loa e ia le malama nei i le faitotonu, i se tagata leia kua filifili e ia, ti kua tuku e ia ki tagata fuli se fakamaoki maoki kiate ia i lana toe fakatuuake a ia mei le kau mate.

Uluaki tosi ki le kau Kolinto 3:9

Talie e ma kau gaoi mo le Atua. Ko koutou ko le faigasaga a le Atua, le fale o le Atua.

Epelo 10:12

Kae ko Kilisito, i le oki o lana momoli se sakilifisio e tasi ki agasala, na nofo a ia o lee gato i le lima atamai o le Atua ;

Epelo 7:24

Kae ko ia, talie e mauli a ia o lee gato, e maua e ia se tulaga fakapelepitelo leia e leaise feala ke tuku ki se tasi.

Epelo 7:4

Kotou tokaga ki le lasi o leia na soli ki ai e le pateliaka ko Apalaamo le vaega kau agafulu o nea fuli.

Epelo 8:3

Talie ko pule fai sakilifisio fuli, kua fakanofo latou ke lotou momoli ni moliga ti mo ni sakilifisio ; koia na aoga ai kiate ia ke i ai foki sana nea ke momoli.