Sakalia 6:11 - Tosi Tapu

¹¹ E ke too loa se siliva mo se aulo, ti e ke fau loa ki ai ni pala, ala e ke teki loa ki le ulu o Sosue, vosa o Sosatake, ko le tagata faisakilifisio lasi.

Sakalia 6:11 ပူးပေါင်းရင်းမြစ်များ

Lua tosi a Samuele 12:30

Na too loa e ia le pala fakasau mei le fa ulu o le sau, ko lona mamafa na fakalaka i le kau tolu kilo aulo ti na teuteui a ia ki ni fatu mauiga. Na teki loa le pala ki le fa ulu o Tavite, leia na ave ia loa i le kolo se koloa lasi ai.

Esetalasi 10:18

I le kau tagata faisakilifisio, na i ai loa ni iki ala na avaga mo ni fafine pagani : ko ni vosa o Sosue, vosa o Sotesatake, ti mo ona fetaina, Maasesa, mo Eliesele, mo Salipe, ti mo Ketalia,

Esetalasi 3:2

Ko Sosue, vosa o Sotesatake, mo ona fetaina kau tagata faisakilifisio, mo Solopapele, vosa o Saletiele, mo ona fetaina, na tutuu ake loa ki aluga o fakatuu le aletale o le Atua o Iselaele, ke momoli ai a failaulau o mulimuli ki le nea leia e tuu i le lao a Moisese, le tagata a le Atua.

Pesalemo 21:3

Na ke soli kiate ia le nea leia na oli ki ai lona loto, Ti na leaise ke fakafiti le kole o ona laugutu. - Manava.

Ekesote 29:6

E ke teki loa le puloga ki lona ulu, ti e ke sai loa le pala o le maokioki ki le puloga.

Ekesote 39:30

Na fai loa le palaa ki le aulo mea, le palaa tapu, ti na tosi loa i ai ofaipe le fakateuteu o se mama : Maokioki ki le Eteleno.

Katiko o Katiko 3:11

Kotou ulu ki fafo, taineliki o Sione, kotou tio Ki le sau ko Salomone, Mo le pala leia na fakapala ki ai lona ulu e lona tinana I le aso o lona feauaki, I le aso o le fiafia o lona loto.

Levitiko 8:9

Ti na teki loa e ia le tiale ki lona fa ulu, ti na fakapipiki loa e ia ki ai le fakamailoga tapu, le pala aulo, ki mua o le tiale, o mulimuli ki le fakatotonu a le Eteleno.

Akeseo 1:1

I le lua fetuu o le sau ko Taliusi, i le uluaki aso o le masina ono, na tuku loa le folafola a le Eteleno ki le polofeta ko Akeseo, mo Solopapele, vosa o Saletiele, kovana o Suta, kia Sosue, vosa o Sotesatake, tagata faisakilifisio lasi, i kupu anei :

Akeseo 1:14

Na fafagu loa e le Eteleno le laumalie o Solopapele, vosa o Saletiele, kovana o Suta, ti mo le laumalie o Sosue, vosa o Sotesatake, le tagata faisakilifisio lasi, ti mo le laumalie o le toega katoa o le kakai. Na lotou au loa, ti na lotou kamata loa le gaoi i le fale o le Eteleno o kau tau, lolatou Atua,

Akeseo 2:4

I temi nei ke ke lotomakeke, Solopapele ! e folafola le Eteleno. Ke ke lotomakeke, Sosue, vosa o Sotesatake, pule faisakilifisio ! Ke ke lotomakeke, kakai katoa o le fenua ! e pati le Eteleno. Ti ke kotou gaoi ! Talie e kau nofo mo koutou.

Sakalia 3:1

Na fakatio loa e ia au kia Sosue, le tagata faisakilifisio lasi, leia na tuu i mua o le aselo o le Eteleno, ti mo Satana leia na tuu i lona fetuu atamai o fakalakasala a ia.

Sakalia 3:5

Na kau pati loa : Ke teki ki lona ulu se pala mea ! Ti na lotou teki loa se pale mea ki lona ulu, ti na lotou tui loa kiate ia ni kofu. Na tuu ofi i ai le aselo o le Eteleno.

Sakalia 6:14

E tuku loa a pala i le fale tapu o le Eteleno mo fakamanatu o Eletai, mo Topisa, mo Setaesa, ti mo Eni, vosa o Sofoni.

Epelo 2:9

Kae ko leia na tuku i se ga temi ikiiki ki lalo o le kau aselo, Sesu, e tou tio kua fakapala a ia ki le kololia mo le fakamauiga, o tupu ko le mate leia na mamae ai ; talie ko le kalasia lena o le Atua ke mamae a ia ki le mate o tupu ko tagata fuli.

Apokalipisi 19:12

Na fai ona mata pe se ula o se afi ; ti na teki i lona ulu ni pala mauke ; ti na maua e ia se igoa kua tosi, kae na leaise iloa a ia e se tasi, gato fai kiate ia totonu ;

Apokalipisi 6:2

Ti na kau tio loa, ti ko leinei na sa mai loa se osi tea. Ko leia na eke i ai na nofo mo se kalolo ; ti na soli loa kiate ia se pala, ti na ano loa a ia ofaipe se tagata malo ke toe malo.