Sakalia 5:9 - Tosi Tapu

⁹ Na siki ake loa oku mata, o tio : ko leinei, na sa mai loa ni fafine e toka lua ala na lele i le matagi. Talie na i ai ni ola kapakau ofaipe kapakau o le amatuku. Na la too loa le kulo o ave ki le vasa o le kele mo le lagi.

Sakalia 5:9 ပူးပေါင်းရင်းမြစ်များ

Pesalemo 104:17

Ko le ganea lena e fai ai a ofaga o manu lele ; E maua e le amatuku lona nofoaga i sipele.

Selemia 8:7

Io, e iloa foki e le amatuku i le lagi lona temi leia e tonu ke ano ai ; E iloa foki e le lupe, mo le pekapeka, ti mo le amatuku Le temi leia e tonu ke lotou toe liliu ai ; Kae e leaise iloa fua e loku kakai le lao a le Eteleno.

Oseo 8:1

Fakatuu le fakatagi pupusi ki lou gutu ! E oso le fili ofaipe se akuila ki le fale o le Eteleno, O tupu na lotou maumaui laku sai, Ti na lotou patigataa ki laku lao.

Levitiko 11:13

I manu lele fuli o le lagi, ko nei latou ala e tonu ke kotou fakalialia ki ai, ti e tonu ke aua na kotou kai loa : le akuila, mo le olefe, mo le akuila tai ;

Levitiko 11:19

Le sikoni, mo le eloni, ti mo latou fuli ala e kau ki lona famili, mo le upe, ti mo le peka.

Sakalia 5:10

Na kau pati loa ki le aselo leia na masau mai kiate au : E la ave loa kifea le kulo ?

Mateo 24:28

I se ganea fua leia e maua ai se tino mate, i lena e tanaki ai a votu.

Tetelonome 28:49

E lagai loa e le Eteleno kiate koe se puleaga mei mamao, mei potupotu o le malama nei, se puleaga leia e oso ofaipe le akuila fekai, se puleaga leia e leaise ke matala ki lana masau,