Sakalia 5:6 - Tosi Tapu

⁶ Na kau tali loa : Kolea ? Ti na pati mai loa a ia : Ko le kulo lena. Ti na toe pati loa a ia : Ko le kulo lena kua tanaki ai a agasala o le fenua katoa.

Sakalia 5:6 ပူးပေါင်းရင်းမြစ်များ

Levitiko 19:36

E kotou maua loa ni fua totonu, mo ni kilo totonu, mo ni liti totonu, mo ni meta totonu. Ko au ko le Eteleno, ko lokoutou Atua, leia na fakamavae ia koutou mei Esipito.

Amosi 8:4

Kotou fakalogo mai ki le nea leinei, koutou ala e kai ia le kau mativa, Ti e maumaui ia le kau fakaaloalofa o le fenua !

Amosi 8:5

E kotou pati : Ke oki vave la a aso lalasi o le masina foou, Kae feala ke motou toe fakatau lamatou fulumeto ! Ke oki vave la le sapato kae toe fakamavaa omatou fale tanaki fulumeto ! E motou fakaikiiki loa le kilo, kae motou siki loa lona totogi, E motou fakasalasala loa a fua ke kakaai.

Amosi 8:6

Ti e motou totogi loa le kau fakaaloalofa ki se paaga Ti mo le tagata mativa ki se sa taka, Ti e motou fakatau loa le kili o le fulumeto.

Mikea 6:10

Pe koi maua i le fale o le tagata agaveli Ni koloa o le agasala, Ti mo se efa sala, nea fakatupu malaia ?

Sofoni 1:9

I le aso lena, e kau tautea loa latou fuli ala e sopo i le mua matapa ofaipe ni pagani, Latou ala e fakaapele ia le fale o lolatou pule ki le agamakeke mo le kaka.

Sakalia 5:7

Ti ko leinei, na malaga ake loa se potu pulu mamafa leia na tapono ki ai le kulo, ti na kau tio loa ki se fafine leia na tonatona i loto o le kulo.