Sakalia 5:4 - Tosi Tapu

⁴ E pati le Eteleno o kau tau : E kau liligi a ia ke ulu ki le fale o le tagata kaia ti mo leia e fakapapau loi i loku suafa, o tupu ke nofo i ai o maumaui a nea fuli o kaku ki papa mo fatu.

Sakalia 5:4 ပူးပေါင်းရင်းမြစ်များ

Sopo 18:15

E leaise nofo se tasi o lona famili i lona falela ; Ti e laku loa le sufele ki lona nofoaga.

Sopo 20:26

Kua taofi a malaia fuli ki ona koloa ala na fufu ; Ti e tutu loa a ia e se afi leia na leaise tutu e le tagata, Ti e kai loa e le afi le nea leia e toe i lona falela.

Sopo 8:15

E fafanaki a ia ki lona fale, ti e matule a ia ; E tapiki a ia ki ai, kae e leaise se tuu a ia.

Sopo 8:22

Kae ko latou ala e vesia kiate koe e apele loa i le luma ; E puli loa le falela o le kau agasala.

Taagapati 3:33

E maua i le fale o le tagata agasala le fakamalaia a le Eteleno, Kae tapuaki a ia ki le fale o tagata agatonu ;

Esaia 24:6

Koia kua kai le fenua e le malaia, Ti kua amo e lona kakai le tua o alatou agasala ; Koia e mamate ai a kakai o le fenua, Kae toe fua se ga toka teiki.

Selemia 2:26

Ofaipe se tagata kaia leia e luma moka mauatoka, E lotou luma loa, latou o le fale o Iselaele, Latou, mo olatou sau, mo olatou pule, Mo olatou kau faisakilifisio ti mo olatou kau polofeta.

Oseo 4:2

Kae ko lauveli, mo loi, mo tukipo, mo kaia, mo tono ; Kua masani le fakamakeke, kua sosolo le tukipo.

Oseo 4:3

Koia e nofo ai loa le fenua i le mamae, Ti e gaegae ai loa latou fuli ala e nonofo i ai, Tatau fai a manu o faisaga ti mo manu lele o le lagi ; Ti e pupuli loa a ika o le tai.

Amosi 3:10

E leaise lotou iloa le fai o le nea leia e totonu, e pati le Eteleno, E lotou tanaki fakatuuga i olatou fale sau a fua o le agamakeke mo le kaia.

Sakalia 5:3

Na pati mai loa a ia kiate au : Ko le tosi lena o le malaia leia e mafola loa ki le fenua katoa. Talie e tuu i le tasi fetuu e kapu loa a tagata kaia fuli mei le fenua leinei, ti e tuu i le tasi fetuu e toe kapu foki latou fuli ala na fai fakapapau loi mei le fenua leinei.

Sakalia 8:17

Aua na maua e se tasi i lona loto se manatu veli ki lona oloi, ti ke aua na kotou fakamaoki loi, talie e kau fakalialia ki nea fuli ana.

Malakia 3:5

E kau fakafeofi loa kia koutou ki le fakamaau, Ti e kau fakatavili loa o fakamaoki ki le kau faikikite loi mo le kau tono fafine, Kia latou ala e fakapapau loi, Kia latou ala e taofi ia le totogi o le tagata gaoi, Latou ala e fakamamae ia le fafine sala avaga mo le toe sala matua, Mo latou ala e agaveli ki le matapule, ti mo latou ala e leaise i kiate au, E pati le Eteleno o kau tau.

Tetelonome 28:16

E ke malaia loa i le kolo, ti e ke malaia loa i le faisaga.

Tetelonome 7:26

Ke aua na ke fakaulu loa ki lou fale se nea fakalialia, o tupu ke aua na ke liliu loa o fakalialia pe ia ; kae ke ke tio loa ki le nea lena ofaipe se nea fakalialia mo fuluveli, talie ko se nea fakamalaia ai a ia.

Sosue 9:20

Ko leinei le nea leia e tonu ke motou fai kia latou : e motou tuku loa kia latou le mauli, ke aua na tou aumai loa le sausau o le Eteleno kia tatou, o tupu ko le fakapapau leia na tou fai kia latou.