Sakalia 5:11 - Tosi Tapu

¹¹ Na tali mai loa a ia kiate au : E la ano o fakatuu se fale kiate ia i le fenua o Sinea ; ti ka oki loa a ia, e la teki loa le kulo ki lona tuuaga.

Sakalia 5:11 ပူးပေါင်းရင်းမြစ်များ

Senesi 10:10

Na uluaki sau loa a ia i Papele, mo Eleki, mo Akati ti mo Kalene, i le fenua ko Sinea.

Senesi 11:2

Na lotou mavae loa mei le potu esite, o lotou maua loa se kele laumalie i le fenua ko Sinea, ti na lotou nonofo loa i ai.

Senesi 14:1

Na soko loa i le temi o Amilafele ko le sau o Sinea, mo Alisoke ko le sau o Elasa, mo Ketolaome ko le sau o Elame, ti mo Titeale ko le sau o Kosimi,

Esaia 11:11

I le aso lena, e toe falo loa e le Aliki o tua lua lona lima Ke toe totogi le toetoega o lona kakai, Leia na mavetevete i Asilia mo Esipito, I Patolosi mo Etiopia, I Elame, i Sineale ti mo Amate, Ti mo atu motu o le tai.

Selemia 29:28

Leia na kakau ia foki ke fakasa mai kia matou i Papilone, o pati : E fualoa loa le popula ; kotou fakatuu ni fale, ti kotou nonofo i ai ; kotou to ni oloto, ti kotou kai olatou fua !

Taniela 1:2

Na tuku loa e le Aliki ki ona lima Sosakimi, sau o Suta, mo se potu o nea gaoi o le fale tapu o le Atua. Na ave loa e Nepukatenesale a nea gaoi ki le fenua o Sinea, ki le fale o lona atua, ti na tuku e ia a nea gaoi ki le fale koloa o lona atua.

Oseo 3:4

Talie e nonofo loa a fanau o Iselaele o fualoa sala sau, mo sala pule, mo sala sakilifisio, mo sala fatu mauiga, mo sala efote, ti mo sala telafimi.

Sakalia 5:10

Na kau pati loa ki le aselo leia na masau mai kiate au : E la ave loa kifea le kulo ?

Luka 21:24

E tamate loa latou ki ni seleta, ti e ave loa latou o fakapopulai i puleaga fuli, ti e takatakafi loa Selusalemi e puleaga pagani, o kaku ki le katoa o le temi o puleaga.

Tetelonome 28:59

e tautea loa a koe e le Eteleno, a koe mo lou sakoga, ki ni malaia lalasi mo fualoa, ki ni masaki veveli mo fualoa.