Sakalia 4:7 - Tosi Tapu

⁷ Ko ai a koe, mauga lasi ? E ke lapa loa i mua o Solopapele ! E teki loa e ia le fatu tafito i loto malie o ni kalaga fakafiafia : Kalasia, kalasia kiate ia !

Sakalia 4:7 ပူးပေါင်းရင်းမြစ်များ

Esetalasi 3:10

I le temi leia na teki ai e le kau gaoi le fakatafito o le fale o le Eteleno, na au loa le kau faisakilifisio mo olatou kofu fakapelepitelo, mo ni fakatagi pupusi, mo le kau Levi, mei le sakoga o Asafe, mo ni pa fai musika, o tupu ke lotou fakavikiviki ki le Eteleno o mulimuli ki fakatuutuu a Tavite, sau o Iselaele.

Pesalemo 114:4

Na soposopo loa a mauga ofaipe ni ovi tagata, Mo mauga liliki ofaipe ni akeno.

Pesalemo 114:6

Kolea kua kotou soposopo ai ofaipe ni ovi tagata, ei mauga ? Ti mo koutou, mauga liliki, ofaipe ni akeno ?

Pesalemo 118:22

Ko le fatu leia na tiaki e latou ala na fakatuu ia le fale Kua liliu ko le fatu tafito o le agele.

Pesalemo 84:11

E malie ake se aso e tasi i ou lotoa i ni aso e afe i tafa ; E malie ake kiate au laku tuu i le matapa o le fale o loku Atua, I laku nofo i falela o le agaveli.

Esaia 28:16

Koia e folafola le Aliki, le Eteleno, o pati : Ko leinei, kua kau teki se fatu fakatafito i Sione, Ko se fatu kua asiasii, ko se fatu agele mauiga, na teki fakamaumau ; Ko leia e tui kiate ia e fefeka o tatau mo ia.

Esaia 41:15

Ko leinei, e kau fakaliliu a koe ko se saliote sasa fulumeto, foou katoa, Kua apele i ni nifo matakakai ; E ke sasa loa, e ke gugu loa a mauga lalasi, Ti e ke fakaliliu loa a mauga liliki ofaipe le mutie malo leia e viligia.

Selemia 33:11

Ki kalaga fakafiafia mo kalaga nekenekea, Ki sua a le tama feauaki ti mo sua a le taine feauaki, Ki le leo o latou ala e pati : Kotou fakafetai ki le Eteleno o kau tau, Talie e agamalie le Eteleno, talie e lee gato lona manava alofa ! Ki le leo o latou ala e momoli ia ni sakilifisio fakafetai I le fale o le Eteleno. Talie e kau toe aumai loa le kau popula o le fenua, E kau toe fakanofo loa latou ofaipe le temi mua, E pati le Eteleno.

Selemia 51:25

Ko leinei, e kau ita kiate koe, mauga maumau, e pati le Eteleno, A koe leia na maumaui ia le malama nei katoa ! E kau falo loa loku lima kiate koe, Ti e kau tekai loa a koe ki lalo mei aluga o utu, Ti e kau fakaliliu loa a koe ko se mauga ulaula.

Mikea 1:4

I ona vae e susua a mauga, E mafaafaa a vaivailiua, Ofaipe le silo i le afi, Ofaipe le vai leia e sali mei se mauga.

Mikea 4:1

E soko loa, i se temi ki muli, E laga loa le mauga o le fale o le Eteleno I le tumutumu o atu mauga, E malaga loa a ia i aluga o atu mauga liliki, Ti e tafe loa ki ai a atu kakai ofaipe ni liua.

Apakuki 3:6

E tuu a ia, ti e fuafua e ia le malama nei ki lona mata ; E tio a ia, ti e fakalulu e ia a atu puleaga. E mavasivasi a mauga lalasi afea, E sosolo a mauga liliki afea, E mavaavaa a ala afea i ona mua.

Sakalia 4:8

Na toe tuku mai loa kiate au le folafola a le Eteleno, o pati :

Sakalia 4:9

Kua teki e lima o Solopapele le fakatafito o le fale leinei, ti e toe fakaoki loa a ia e ona lima ; ti e ke iloa loa na kakau mai au e le Eteleno o kau tau kia koutou.

Mateo 21:21

Na tali loa Sesu kia latou : E kau pati maoki atu kia koutou, kapau e kotou maua le tui ti e leaise kotou toe lotolotolua fua, e leaise kotou fai fua le nea leinei kua fai ki le fiki nei, kae ka kotou pati loa ki le mauga leinei : Mavae i lena, o ano ki le tai, ti e soko loa le nea a ia.

Mateo 21:42

Na pati loa Sesu kia latou : Pe na leaise kotou lau i le Tosi : Ko le fa fatu leia na tiaki e le kau tufuga Kua liliu ko le fatu tafito o le agele ; Ko le nea lena e au mei le Aliki, Ti ko se nea fakaofolele ki otatou mata ?

Maleko 12:10

Pe na leaise kotou lau le folafola leinei o le Tosi : Ko le fatu leia na tiaki e le kau tufuga Na liliu ko le fatu tafito o le agele ;

Luka 20:17

Kae, na tio loa Sesu kia latou, o pati : Kolea le uiga o le folafola leinei e tuu i le Tosi : Ko le fatu leia na tiaki e le kau tufuga Kua liliu ko le fatu tafito o le agele ?

Luka 3:5

Ke tanu a vaivailiua fuli, Ke soloi ki lalo a mauga mo patu fuli ; Ke fakasakosako a ala pikopiko, Ti ke fakalautatau a ala patupatu.

Gaoi 4:11

Ko Sesu Ko le fatu leia na tiaki e koutou ala na laga ia, Ti kua liliu a ia ko le fatu tafito o le agele.

Loma 11:6

Ti kapau na filifili i le kalasia ti e leaise koi filifili loa i gaoi ; talie kapau e leaise fenaaki, ko le kalasia e leaise ko se kalasia loa. Ti kapau na filifili i gaoi ti e leaise ko se kalasia loa, talie kapau e leaise fenaaki, ko le gaoi e leaise ko se gaoi loa.

Efeso 2:20

Kua fakatuu koutou i le fakatafito o le kau apositolo mo le kau polofeta, Sesu-Kilisito totonu, leia ko le fatu agele.

Uluaki tosi a Petelo 2:7

Koia, kua mauiga a ia kia koutou, ala kua tui. Kae, kia latou ala e leaise tui, Ko le fatu leia na tiaki e latou ala na fau fale Na liliu ko le fatu tafito o le agele, Ti ko se fatu fakatupu tukia, Ti mo se utu fakatupu siga ;

Apokalipisi 16:20

Ti na sosola loa a motu fuli, ti na leaise toe maua loa a mauga.