Sakalia 4:6 - Tosi Tapu

⁶ Ti na toe masau mai loa a ia kiate au, o pati : Ko leinei le folafola leia e tuku e le Eteleno kia Solopapele : E leaise ko le fakamakeke pe ko le makeke, kae ko loku Laumalie, e folafola le Eteleno o kau tau.

Sakalia 4:6 ပူးပေါင်းရင်းမြစ်များ

Senesi 41:16

Na tali loa Sosefo kia Falaone : E leaise ko au ! Kae ko le Atua leia e soli ia loa se tali malie kia Falaone.

Uluaki tosi o Sau 19:12

Ti na oki loa le mafuike, na vilo loa se afi : na leaise nofo le Eteleno i le afi. Ti na oki loa le afi, na sa loa se ga mumusu malulu mo maamaa.

Lua tosi o Koloniko 14:11

Na taai loa e le Eteleno le kau Etiopia i mua o Asa mo Suta, ti na sosola loa le kau Etiopia.

Esetalasi 2:2

Na lotou ano loa mo Solopapele, mo Sosue, mo Neemia, mo Selasa, mo Leelasa, mo Maletoseo, mo Pilekane, mo Misepale, mo Pikevai, mo Leume, ti mo Paana. Ko le api o tagata o le kakai o Iselaele :

Esetalasi 3:10

I le temi leia na teki ai e le kau gaoi le fakatafito o le fale o le Eteleno, na au loa le kau faisakilifisio mo olatou kofu fakapelepitelo, mo ni fakatagi pupusi, mo le kau Levi, mei le sakoga o Asafe, mo ni pa fai musika, o tupu ke lotou fakavikiviki ki le Eteleno o mulimuli ki fakatuutuu a Tavite, sau o Iselaele.

Esetalasi 5:2

Ti na tutuu ake loa ki aluga a Solopapele, vosa o Saletiele, mo Sosue, vosa o Sotesatake, o kamata le fau o le fale o le Atua i Selusalemi. Ti na kau mo laua le kau polofeta a le Atua, o tokoi kia laua.

Pesalemo 33:16

E leaise ko se solia toka api leia e saofaki ia le sau, Ti e leaise ko se makeke lasi leia e saofaki ia le tagata toa.

Ekelesiasi 9:11

Na kau toe tio foki ki nea anei i le lalo laa : E leaise gato fua ki akuila e lele gasolo, ti e leaise gato fua ki le kau toa e malo i le tau, ti e leaise gato fua ki le kau poto e maua ia le pane, ti e leaise gato fua ki le kau atamai e mou koloa, ti e leaise gato fua ki le kau poto e maua ia le logologona. Talie e fakalogo a nea fuli ki le temi mo nea ala e soko.

Esaia 30:1

E pati le Eteleno : Malaia ki fanau patigataa, Ala e fai ia ni fakapapau sala mo au, Ti e fai ia ni sai sala mo loku finegalo, Ke fakalasi ai a agasala !

Esaia 32:15

O kaku ki le aso leia e liligi ai le Laumalie maokioki kia tatou mei aluga, Ti e fetogi ai le toafa ko se faisaga laakau fua, Ti e fai ai le faisaga laakau fua pe se vaomatua.

Esaia 34:16

Kotou afa i le tosi a le Eteleno, ti kotou lau ! E leaise se nea fua e tasi e leaise soko loa i nea fuli ana, E leaise puli loa se manu fua e tasi o latou. Talie na fakatotonu a ia e lona gutu. Ko lona Laumalie leia e tanaki ia loa latou.

Esaia 59:19

Ti e i loa ki le suafa o le Eteleno mei le sopoaga o le laa, Ti mo lona kololia mei le toaga o le laa. Ka au loa le fili ofaipe se vaitafe, E kapu loa a ia e le Laumalie o le Eteleno.

Taniela 2:34

Na ke tio ki le fakatata lena, ti na fokifa fai kua matata mai se fa fatu, leia na leaise tokoi ki ai se lima, ti na taai loa e ia a vae ukamea mo kele o le fakatata, o momomomo.

Oseo 1:7

Kae e kau alofa loa ki le fale o Suta ; ti e kau saofaki loa latou i Eteleno, lolatou Atua. E leaise kau saofaki loa latou ki le gasau, pe ko le seleta, pe ko le tau, pe ko ni osi, pe ko ni kau ekeosi.

Akeseo 1:1

I le lua fetuu o le sau ko Taliusi, i le uluaki aso o le masina ono, na tuku loa le folafola a le Eteleno ki le polofeta ko Akeseo, mo Solopapele, vosa o Saletiele, kovana o Suta, kia Sosue, vosa o Sotesatake, tagata faisakilifisio lasi, i kupu anei :

Akeseo 2:21

Masau kia Solopapele, kovana o Suta, o pati : E kau luui loa le atu lagi mo le kele ;

Sakalia 6:12

E ke pati loa kiate ia : Ko leinei le folafola a le Eteleno o kau tau : Tio ki se tagata leia e igoa ko Somo ; e somo ake loa a ia i lona ganea, ti e fakatuu loa e ia le fale tapu o le Eteleno.

Numelo 27:16

Ke alofa le Eteleno, ko le Atua o laumalie o nea fuli ala kua fakatupu, o fakanofo se tagata i le ulu o le kakai,

Efeso 6:17

ti kotou too foki le puloga tau o le fakamauli, mo le seleta a le Laumalie, leia ko le folafola a le Atua.

Uluaki tosi a Petelo 1:12

Na fakasa loa kia latou ko nea ala na tuku kia latou ko ni nea, o leai kia latou totonu, kae kia koutou. Ti kua fakasa atu kia koutou a nea ana i le temi nei e latou ala na akonaki ia le Evaselio i le Laumalie Maokioki leia na kakau mei lagi, ti e oli le kau aselo ke tio ki ai.

Uluaki tosi a Samuele 14:6

Na pati loa Sonatane ki le tupulaga leia na amo ia ana masafu : Au, ke ta ano o kaku ki le nofolaga tau o le kau Filisitini pagani leinei. Na saga e gaoi loa le Eteleno kia taua, talie e leaise nea leia e taofi ia le Eteleno ke saofaki ki se ga toka teiki ofaipe se toka api.

Uluaki tosi a Samuele 17:47

Ti e iloa loa e le kakai katoa leinei, e leaise saofaki e le Eteleno ki le seleta pe ki le tao. Talie a le Eteleno le malo. Ti e tuku e ia koutou ki omatou lima.