Sakalia 4:14 - Tosi Tapu

¹⁴ Ti na pati mai loa a ia : Ko sa tagata ana e toka lua ala kua fakatapui ke tuu i mua o le Aliki o le malama nei katoa.

Sakalia 4:14 ပူးပေါင်းရင်းမြစ်များ

Uluaki tosi o Sau 17:1

Ko Elia, le tagata Tisipe, ko se tasi i le kakai o Kalaate, na pati loa kia Akapo : E mauli le Eteleno, le Atua o Iselaele, leia e kau tausi ki ai ! E leaise toe to loa se ua pe ko se sasau i fetuu anei, kae e gato tasi loa i laku pati.

Esetalasi 5:2

Ti na tutuu ake loa ki aluga a Solopapele, vosa o Saletiele, mo Sosue, vosa o Sotesatake, o kamata le fau o le fale o le Atua i Selusalemi. Ti na kau mo laua le kau polofeta a le Atua, o tokoi kia laua.

Pesalemo 110:4

Na fakapapau le Eteleno, ti e leaise toe fakasemala loa a ia ki ai : Ko le tagata faisakilifisio a koe o lee gato, i le faasiga o Melekiseteke.

Pesalemo 2:6

Ko au leia na pani lolo ia loku sau, I Sione, loku mauga maokioki !

Pesalemo 89:20

Koia na ke folafola ai loa ki lou alofaaga i se tio, Ti na ke pati loa : Na kau tuku loku tokoi ki se tagata toa, Na kau siki ki aluga i loto malie o le kakai se tama tupulaga ;

Ekesote 29:7

E ke too loa le lolo tapu, ti e ke liligi loa se lolo ki lona ulu, ti e ke pani loa a ia.

Ekesote 40:15

ti e ke pani loa latou ki le lolo ofaipe lau pani lolatou tamana, o tupu ke lotou gaoi kiate au i le gaoi fakapelepitelo. Ko lolatou pani lena ki le lolo e fakamaoki ai loa latou o tuumau ki le gaoi fakapelepitelo i olatou sakoga.

Esaia 5:1

E kau sua loa ki loku alofaaga Le katiko o loku alofaaga ki lana vite. Na maua e loku alofaaga se faisaga vite, I se mauga kele mauli.

Esaia 54:5

Talie ko lou tupuaga ko lou avaga : Ko lona igoa ko le Eteleno o kau tau ; Ti ko lou fakamauli ko le Sagato o Iselaele : E igoa a ia ko le Atua o le malama nei katoa ;

Selemia 49:19

Ko leinei, tatau mo se laione, e pale a ia mei laugutu matasoka o le Solotane Ki le nofoaga makeke ; Fokifa e kau kapu loa Etome mei ai, Kae kau fakanofo loa kiate ia leia na kau filifili. Talie ko ai e tatau mo au ? Ko ai e tuku ia loa ni fakatotonu kiate au ? Ti ko ai le pule e mafai ke tuu loa i oku mua ?

Levitiko 8:12

Ti na liligi loa e ia le lolo tapu ki le fa ulu o Alone, ke fakatapui ai a ia.

Mikea 4:13

Taine o Sione, tuu ki aluga, ti ke takatakafi ! E kau fai loa kiate koe se tala ukamea mo ni matininia sila, Ti e ke gugu loa ni kakai mauke ; E ke fakatapu loa alatou nea malilie ki le Eteleno, Olatou koloa ki le Aliki o le malama nei katoa.

Sakalia 6:13

E fakatuu loa e ia le fale tapu o le Eteleno ; e tau loa e ia a fakamailoga o le pule fakasau ; e ekeeke loa a ia i lona ekeekeaga fakasau o pule ki le kakai ; e faisakilifisio loa a ia i lona ekeekeaga fakasau, ti e fakatasi malie loa a nea ana e lua iate ia.

Sakalia 6:5

Na tali mai loa le aselo kiate au : Ko matagi ana e fa o le lagi, ala e ulu mei le ganea leia e lotou tutuu ai i mua o le Aliki o le malama nei katoa.

Luka 1:19

Na tali loa le aselo kiate ia : Ko au Kapeliele, e kau tuu i mua o le Atua ; na kakau mai au ke au o masau atu kiate koe, ti mo fakailo atu kiate koe le logo malie lena.

Tetelonome 10:8

I le temi lena, na vaei kese loa e le Eteleno le faasiga o levi, ti na fakatotonu loa e ia kiate ia ke amo le aleka o le sai a le Eteleno, ke tuu i mua o le Eteleno o tausi a ia, ti mo tapuaki ki le kakai i lona suafa : leia na fai loa e ia o kaku mai ki le aso nei.

Sosue 3:11

Ko leinei, e fakalaka loa le aleka o le fakapapau o le Aliki o le malama nei katoa i le Solotane i mua o koutou.

Sosue 3:13

I le temi e tuu ai loa ki le vai o le Solotane a vae o le kau tagata faisakilifisio ala e amo ia le aleka o le Eteleno, Aliki o le malama nei katoa, e mavae lua loa a vai o le Solotane, e tanaki fakatasi loa a vai ala e tafe mei mua ofaipe se kaua.

Apokalipisi 11:4

Ko laua ko ni oliveto e lua ti mo ni tekiaga malama e lua ala e tutuu i mua o le Aliki o le malama nei.

Uluaki tosi a Samuele 10:1

Na too loa e Samuele le fagu lolo, o liligi ki le ulu o Saulo, mo sogi kiate ia, o pati : Pe na leaise pani lolo a koe e le Eteleno, ke ke nofo ko le pule o lona tofiga ?

Uluaki tosi a Samuele 16:1

Na pati loa le Eteleno kia Samuele : E tuku loa afea lau tagi kia Saulo ? Kua kau tiaki a ia, ke aua na toe pule a ia i Iselaele. Ke ke fakaapele lau talai manu ki le lolo, ti ke ano ; e kau kakau loa a koe kia Isaia, ko le tagata Peteleemi, talie kua kau tio i ona vosa ki leia e kau loto ke sau.