Sakalia 3:9 - Tosi Tapu

⁹ Talie ko leinei, kua kau fakatuu se fa fatu i mua o Sosue ; ti e i ai ni fa mata e fitu i le fa fatu lena e tasi ; e kau togi loa i ai, e au totonu, le nea leia e tonu ke togi i ai, e folafola le Eteleno o kau tau, ti e kau too loa le agasala a le fenua leinei, i se aso e tasi.

Sakalia 3:9 ပူးပေါင်းရင်းမြစ်များ

Uluaki tosi o Sau 1:20

Ei sau loku aliki, e tio mai a mata o le kakai katoa o Iselaele kiate koe, ke ke fakasa mai pe ko ai leia e ekeeke loa i le ekeekeaga fakasau o le sau loku aliki, o fetogi a koe.

Lua tosi o Koloniko 16:9

Talie e taka a mata o le Eteleno i le malama nei katoa, o tupu ke tokoi kia latou ala e tuku katoa olatou loto kiate ia. I le nea lena, kua ke fai pe se vale, koia i le temi nei e ke maua ia loa ni tau.

Pesalemo 103:12

Ofaipe le potu esite e mamao i le potu uesite, E toe fakamamao loa e ia atatou agasala ia tatou.

Pesalemo 118:22

Ko le fatu leia na tiaki e latou ala na fakatuu ia le fale Kua liliu ko le fatu tafito o le agele.

Ekesote 28:11

E ke togi loa i fatu e lua a igoa o vosa o Iselaele, ofaipe le togi o fatu mo mama ; ti ke fakamaumau loa laua ki le aulo.

Ekesote 28:21

Ko fatu loa e kau agafulu tupu lua o mulimuli ki igoa o vosa o Iselaele. E togi loa a fatu ana ko ni fakamailoga, ko le fa fatu fai mo lona igoa i igoa o famili e kau agafulu tupu lua o Iselaele.

Ekesote 28:36

E ke fai loa se palaa ki le aulo mea, ti e ke togi loa i ai ofaipe le togi o se mama : Ko le Maokioki ki le Eteleno.

Esaia 28:16

Koia e folafola le Aliki, le Eteleno, o pati : Ko leinei, kua kau teki se fatu fakatafito i Sione, Ko se fatu kua asiasii, ko se fatu agele mauiga, na teki fakamaumau ; Ko leia e tui kiate ia e fefeka o tatau mo ia.

Selemia 31:34

E leaise toe ako loa e se tasi lona oloi, Pe ko se tasi lona taina, o pati : Kotou iloa le Eteleno ! Talie e iloa loa au e latou fuli, Mei leia e ikiiki ki leia e lasi, e pati le Eteleno ; Talie e kau fakamolemole loa lalatou agaveli, Ti e leaise kau toe manatui loa lalatou agasala.

Selemia 50:20

I aso ana, i le temi lena, e pati le Eteleno, E afa loa le agaveli a Iselaele, ti e leaise maua loa a ia, Le agasala a Suta, ti e leaise maua loa a ia ; Talie e kau fakamolemole loa ki le toetoega leia e kau tuku loa i le fenua.

Sakalia 13:1

I le aso lena, e fakamavaa loa se matapuna vai Ki le fale o Tavite ti mo le kakai o Selusalemi, Ki le agasala ti mo le kelekele.

Sakalia 3:4

Ti na pati loa le aselo kia latou ala na tutuu i ona mua : Kotou tatala ona kofu fakalialia ! Kae na pati a ia kia Sosue : Tio, kua kau too meiate koe lau agaveli, ti kua kau fakakofu a koe ki ni kofu foou.

Sakalia 4:10

Talie ko latou ala na nukinuki ki le aso o ga kamataaga liliki e fiafia loa i le tio ki le nivo i le lima o Solopapele. Ko malama anei e fitu ko mata o le Eteleno, ala e taka i le malama nei katoa.

Soane 1:29

I leia ake a aso, na tio loa Soane kia Sesu e au kiate ia, ti na pati loa a ia : Ko leinei le Akeno o le Atua, leia e fakamolemole ia le agasala o le malama nei.

Soane 6:27

Aua na kotou gaoi ki le nea kai leia e maumau, kae kotou gaoi ki le nea kai leia e tologa ki le mauli lee gato, le nea kai leia e soli atu loa e le Vosa o le tagata kia koutou ; talie ko ia leia na fakamailoga e le Tamana, e le Atua totonu, ki lona fakamailoga.

Gaoi 4:11

Ko Sesu Ko le fatu leia na tiaki e koutou ala na laga ia, Ti kua liliu a ia ko le fatu tafito o le agele.

Loma 9:33

ofaipe lona tuu i le Tosi : Ko leinei, e kau tuku i Sione se fatu fakatupu siga Ti mo se utu fakatupu malaia, Ti ko leia e tui kiate ia e leaise luma loa.

Lua tosi ki le kau Kolinto 1:22

leia kua fakamailoga ia foki tatou, o soli mai kia tatou se fakamaoki, ko le Laumalie i otatou loto.

Lua tosi ki le kau Kolinto 3:3

Kua fakasa maoki koutou ko se tosi koutou a Kilisito, leia kua tosi e lama gaoi, o leai ki se vaitosi, kae ki le Laumalie o le Atua mauli, o leai i ni laupapa fatu, kae i ni laupapa kanofi, i mafu.

Lua tosi kia Timoteo 2:19

Kae e tuu mau aifuai le fakatafito makeke leia na teki e le Atua, ti mo folafola anei e fakamaoki ia a ia : E iloa e le Aliki latou ala a ana ; ti e mailoga leia e sua ia le suafa o le Aliki, ke mavae a ia mei le agaveli.

Epelo 7:27

leia e leaise aoga kiate ia, o tatau mo la ake kau pule fai sakilifisio, ke momoli e ia i aso taki tasi ni sakilifisio, o uluaki mua ki ana agasala totonu, ti oki ki agasala a le kakai. Talie na fai e ia le nea lena o tua tasi malie, i lana momoli a ia totonu.

Uluaki tosi a Soane 2:2

Ko ia totonu ko le vikitima fakamolemole o atatou agasala, ti e leaise gato fua ki atatou agasala, kae ki agasala foki a le malama nei katoa.

Apokalipisi 5:6

Ti na kau tio loa, i loto malie o le ekeekeaga fakasau, mo manu mauuli e fa, ti mo loto malie o le kau matua, ki se Akeno leia na nofo i ai o sakinake kua momoli i se sakilifisio. Na maua e ia ni tala e fitu ti mo ni mata e fitu, ala ko Laumalie e fitu o le Atua kua kakau i le malama nei katoa.