Sakalia 3:4 - Tosi Tapu

⁴ Ti na pati loa le aselo kia latou ala na tutuu i ona mua : Kotou tatala ona kofu fakalialia ! Kae na pati a ia kia Sosue : Tio, kua kau too meiate koe lau agaveli, ti kua kau fakakofu a koe ki ni kofu foou.

Sakalia 3:4 ပူးပေါင်းရင်းမြစ်များ

Lua tosi a Samuele 12:13

Na pati loa Tavite kia Natane : Kua kau agasala ki le Eteleno ! Ti na pati loa Natane kia Tavite : Kua fakamolemole e le Eteleno lau agasala, e leaise ke mate loa.

Uluaki tosi o Sau 22:19

Ti na pati loa Mikea : Fakalogo mai la ki le folafola a le Eteleno ! Na kau tio ki le Eteleno kua ekeeke i lona ekeekeaga fakasau, ti kua tutuu le kau tau katoa o le lagi i ona tafa, i lona fetuu atamai mo lona fetuu sema.

Pesalemo 51:9

Ke ke fakamea au ki le isopa, ti e kau mea loa ; Ke ke fufulu au, ti e kau tea loa o lasi ake i le nive.

Esaia 43:25

Ko au, ko au leia e soloi ia a agatuu o tupu ko loku alofa kiate au, Ti e leaise kau toe manatui loa au agasala.

Esaia 44:22

E kau soloi au sala ofaipe se kokofu, Ti mo au agasala ofaipe se ao ; Toe liliu mai kiate au, Talie na kau totogi a koe.

Esaia 52:1

Ke ke alaala ! Ke ke alaala ! Ke tui lou kofu fulumalie, Sione ! Ke ke tui ou kofu fakateuteu, Selusalemi, kolo maokioki ! Talie e leaise toe ulu loa i lou fale se tagata lee silikosisio pe ko se tagata kelekele.

Esaia 61:10

E kau fiafia lasi loa i le Eteleno, E nekenekea loa loku laumalie i loku Atua ; Talie kua fakakofu e ia au ki ni kofu o le fakamauli, Kua ufiufi e ia au ki le taupulupulu o le maokioki, Ofaipe se tama avaga e teu ki se pala, Ofaipe se taine avaga e teu ki ona kofu fakateuteu.

Esaia 61:3

Ke soli kia latou fuli ala e mamae i Sione, Io, ke soli kia latou se pala fakasau ke fetogi ai le mugalafu, Mo se lolo fakafiafia ke fetogi ai le putu, Mo se kofu fakafetai ke fetogi ai le loto mamae, O tupu ke fakaigoa latou ko ni telepate o le faitotonu, Se faisaga a le Eteleno, ke tausi ki lona kololia.

Selemia 52:33

Na fakatotonu loa e ia ke fetogi ona kofu mei le pilisoni, ti na kai tuumau loa Sosakini i le laupapa o le sau i le temi katoa o lona mauli.

Esekiele 36:25

E kau liligi loa kia koutou se vai mea, ti e kotou mea loa ; e kau fakamea loa koutou i akoutou aga fakalialia fuli mo okoutou taulaatua fuli.

Esekiele 42:14

Ka ulu loa a tagata faisakilifisio ki loto, e leaise mafai loa ke lotou mavae i le fale tapu o ulu ki le malae tafa. E tonu ke lotou tuku a teu ala na lotou tui ke fai ai le tausi i kogafale ana, talie e maokioki a teu ana ; e lotou tui loa ni iki ake a teu i ai i mua o lalatou ano ki le kakai.

Mikea 7:18

Ko le Atua fea leia e tatau mo koe, Leia e fakamolemole ia le agaveli, leia e galoi ia agasala O le toetoega o lou tofiga ? E leaise taupau e ia lona sausau o lee gato, Talie e fiafia a ia i le manava alofa.

Mikea 7:19

E toe manava alofa loa a ia kia matou, E tuku loa e ia ki lalo o ona vae amatou agaveli ; E ke ti loa ki le takele o le moana alatou agasala fuli.

Sakalia 3:1

Na fakatio loa e ia au kia Sosue, le tagata faisakilifisio lasi, leia na tuu i mua o le aselo o le Eteleno, ti mo Satana leia na tuu i lona fetuu atamai o fakalakasala a ia.

Sakalia 3:7

E folafola le Eteleno o kau tau, o pati : Kapau e ke saele i oku ala, ti kapau e ke tausi aku fakatotonu, e ke fakamaui loa loku fale ti e ke tausi loa oku lotoa tapu, ti e kau tuku loa kiate koe ke ke ulu faitalisa kia latou ala e nonofo i leinei.

Sakalia 3:9

Talie ko leinei, kua kau fakatuu se fa fatu i mua o Sosue ; ti e i ai ni fa mata e fitu i le fa fatu lena e tasi ; e kau togi loa i ai, e au totonu, le nea leia e tonu ke togi i ai, e folafola le Eteleno o kau tau, ti e kau too loa le agasala a le fenua leinei, i se aso e tasi.

Mateo 22:11

Na ulu loa le sau o tio kia latou ala na eke i le laupapa kai, ti na fakatokagai loa e ia se tagata leia na leaise kofu ki se kofu o le faiavaga.

Luka 1:19

Na tali loa le aselo kiate ia : Ko au Kapeliele, e kau tuu i mua o le Atua ; na kakau mai au ke au o masau atu kiate koe, ti mo fakailo atu kiate koe le logo malie lena.

Luka 15:22

Kae na pati loa le tamana ki ana tagata fakasausau : Kotou aumai vave le kofu fulumalie oki, ti kotou tui a ia kiate ia ; kotou velo mo se mama ki lona maikao, ti kotou tui mo ni taka ki ona vae.

Soane 1:29

I leia ake a aso, na tio loa Soane kia Sesu e au kiate ia, ti na pati loa a ia : Ko leinei le Akeno o le Atua, leia e fakamolemole ia le agasala o le malama nei.

Loma 3:22

le faitotonu o le Atua i le tui kia Sesu-Kilisito kia latou fuli ala e tui.

Loma 6:23

Talie ko le totogi o le agasala, ko le mate ; kae ko le nea alofa soli noa o le Atua, ko le mauli lee gato ia Sesu-Kilisito lotatou Aliki.

Uluaki tosi ki le kau Kolinto 6:11

Ti na fenaaki ni iki ia koutou i mua. Kae kua fufulu koutou, kua fakamaokioki koutou, kua fakamatatonu koutou i le suafa o le Aliki ko Sesu-Kilisito ki le Laumalie o lotatou Atua.

Lua tosi ki le kau Kolinto 5:21

Ko leia na leaise iloa ia le agasala, na fakaliliu a ia e le Atua ko le agasala kia tatou, o tupu ke tou liliu iate ia ko le faitotonu a le Atua.

Kolose 3:10

ti kua kotou kofu le tagata foou leia e fakafoou i le poto o mulimuli ki le paaki o leia na fakatupu ia a ia.

Epelo 8:12

Talie e kau fakamolemole loa alatou agaveli, Ti e leaise kau toe manatui loa alatou agasala.

Apokalipisi 5:11

Ti na kau tio loa, ti na kau logo loa ki le leo o se kau aselo toka api i tafatafa o le ekeekeaga fakasau, ti mo manu mauuli, ti mo le kau matua, ti na lau miliate mo afe lolatou api.

Apokalipisi 7:14

Na kau tali loa kiate ia : Ei loku Aliki, e ke iloa a ia. Ti na pati mai loa a ia kiate au : Ko latou anei na au mei le mamae lasi ; ti kua lotou fo olatou kofu, ti kua lotou fakatetea latou i le toto o le Akeno.