Sakalia 3:2 - Tosi Tapu

² Na folafola loa le Eteleno kia Satana : Ke valoki a koe, Satana, e le Eteleno ! Ke valoki a koe e le Eteleno, leia kua filifili ia Selusalemi ! Pe leaise ko se ugaafi kaka a koe kua tatai mei le afi ?

Sakalia 3:2 ပူးပေါင်းရင်းမြစ်များ

Lua tosi o Koloniko 6:5

Talu mei le aso leia na kau fakamavae ai loku kakai mei le fenua o Esipito, na leaise kau filifili fua se kolo i nofoaga fuli o Iselaele, ke fakatuu ai se fale ki loku suafa, ti na leaise kau filifili fua se tagata ke pule ki loku kakai ko Iselaele ;

Lua tosi o Koloniko 6:6

kae kua kau filifili Selusalemi ke agai ai loku suafa, ti kua kau filifili Tavite ke pule ki loku kakai ko Iselaele !

Pesalemo 109:31

Talie e tuu a ia i le fetuu atamai o le tagata mativa, O saofaki a ia ia latou ala e fakamaau ia a ia.

Esaia 7:4

Ti ke pati loa kiate ia : Ke ke fimalie, aua na ke tuania fua se nea, Ti ke aua na oso noa lou loto i mua o ga potu ugaafi afu ana e lua, Mo mua o le itaita o Letisini, mo le kakai o Silia, ti mo le vosa o Lemalia.

Taniela 12:1

I le temi aia, e tuu ake loa Misaele, ko le pule lasi, ko le taupau o fanau o lou kakai ; ti e soko loa se temi mamae lasi ai, leia e leikiaise sona tatau talu mei le tuu o atu puleaga o kaku mai ki le temi nei. I le temi aia, ko latou ala o lou kakai e maua loa na tosi i le tosi e fakamauli loa.

Amosi 4:11

Na kau fakamaveuveu a nea fuli ia koutou Ofaipe Sotoma mo Komola, ala na maumaui e le Atua ; Ti na kotou faipe se ga ugaafi leia na too i le vela. Kae logo ai le nea lena, na leaise kotou toe liliu mai kiate au, e pati le Eteleno…

Sakalia 1:17

Ke ke toe kalaga, o pati : Ko leinei le folafola a le Eteleno o kau tau : E toe maua loa e oku kolo olatou koloa o lasi ai ; e toe fakafimalie loa e le Eteleno a Sione, ti e toe filifili loa e ia Selusalemi.

Sakalia 2:12

E maua loa e le Eteleno a Suta ko lona vaega I le kele maokioki, Ti e toe filifili loa e ia Selusalemi.

Maleko 1:25

Na lolomi loa a ia e Sesu, o pati : Fakalologo, ti ke mavae i le tagata lena.

Maleko 9:25

I le tio a Sesu ki le fekapu mai a le kakai, na valoki loa e ia le laumalie veli, o pati kiate ia : Laumalie gutu mate mo tulituli, e kau fakatotonu atu kiate koe, mavae i le toe lena, ti aua na ke toe ulu kiate ia.

Luka 22:32

Kae kua kau ulufaki a koe, ke aua na puli lau tui ; ti ko koe, ka ke toe liliu mai loa, tokoi ki ou fetaina.

Luka 4:35

Na valoki loa e Sesu le laumalie veli, o pati kiate ia : Fakaleemu, ti ke mavae i le tagata lena. Na ti loa e le temonio le tagata ki loto malie o le fakatasi, ti na masau loa a ia meiate ia, kae na leaise fai loa e ia se nea veli ki le tagata.

Luka 9:42

I lana fakafeofi ake, na ti loa a ia e le temonio ki le kele, ti na lu fakaveliveli loa e ia a ia. Kae na valoki loa e Sesu le laumalie veli, ti na fakamauli loa e ia le toe, o tuku a ia ki lona tamana.

Soane 13:18

E leaise kau masau kia koutou fuli ; e kau iloa latou ala kua kau filifili. Kae e tonu ke fakasoko le Tosi : Ko leia e kai ia mo au le pane Kua siki lona mulivae kiate au.

Loma 16:20

Kua vave loa le takatakafi e le Atua o le tokamalie a Satana i lalo o okoutou vae. Ke nofo mo koutou le kalasia o lotatou Aliki ko Sesu-Kilisito !

Loma 8:33

Ko ai ka fakalakasala ia loa le kau filifiliia a le Atua ? Ko le Atua leia e fakamatatonu ia !

Uluaki tosi a Soane 3:8

Ko leia e mauli i le agasala, e au a ia mei le Tiapolo, talie e agasala le Tiapolo talu mei le kamataaga. Na sa mai le Alo o le Atua, o tupu ke maumaui a gaoi a le Tiapolo.

Suta 1:23

ke kotou fakamauli ni iki o taaki latou mei le afi ; ti ke kotou manavaalofa ki ni iki i le tuania, ti ke kotou vesia ki ni iki o kaku ki le kofu leia kua fakakelekele e le kakano.

Suta 1:9

Kae na leaise fai fua le nea lena e le alekaselo ko Mikaele. I lana fefele mo le Tiapolo ki le tino o Moisese, na leaise fai e ia se masau nukinuki ki le Tiapolo ; kae na pati a ia : ke lolomi a koe e le Atua !

Apokalipisi 17:14

Ti e lotou tau loa ki le Akeno, ti e malo loa le Akeno ia latou, talie ko le Aliki a ia o aliki, ti ko le Sau a ia o atu sau ; ti e toe malo foki ia latou le kau kalagai, mo le kau filifiliia, ti mo le kau agatonu ala e nonofo mo ia.