Sakalia 3:1 - Tosi Tapu

¹ Na fakatio loa e ia au kia Sosue, le tagata faisakilifisio lasi, leia na tuu i mua o le aselo o le Eteleno, ti mo Satana leia na tuu i lona fetuu atamai o fakalakasala a ia.

Sakalia 3:1 ပူးပေါင်းရင်းမြစ်များ

Senesi 3:15

E kau tuku loa le vesia iate koe mo le fafine, i lou sakoga mo lona sakoga : E takafi loa e le sakoga o le fafine lou ulu, kae e ke uuti loa lona mulivae.

Senesi 48:16

ki le aselo leia na saofaki ia au mei tutamaki fuli, e kau kole kiate ia ke tapuaki ki fanau anei ! Ke la fakamauli loku igoa ofaipe le igoa o loku tamana ko Apalaamo mo Isaake, ti ke la liuliuga o lasi i le fenua katoa !

Uluaki tosi o Koloniko 21:1

Na tuu ake loa Satana o fakaveli ki Iselaele, ti na fakalotoi loa e ia a Tavite ke lau le kakai o Iselaele.

Lua tosi o Koloniko 29:11

I le aso nei, ei oku vosa, ke kotou tuku la le fakaagaaganoa, talie kua filifili koutou e le Eteleno ke kotou tausi i ona mua, ke kotou liliu ko ana tagata fakasausau, ti ke kotou momoli kiate ia ni kaloni.

Esetalasi 10:18

I le kau tagata faisakilifisio, na i ai loa ni iki ala na avaga mo ni fafine pagani : ko ni vosa o Sosue, vosa o Sotesatake, ti mo ona fetaina, Maasesa, mo Eliesele, mo Salipe, ti mo Ketalia,

Esetalasi 2:2

Na lotou ano loa mo Solopapele, mo Sosue, mo Neemia, mo Selasa, mo Leelasa, mo Maletoseo, mo Pilekane, mo Misepale, mo Pikevai, mo Leume, ti mo Paana. Ko le api o tagata o le kakai o Iselaele :

Esetalasi 5:2

Ti na tutuu ake loa ki aluga a Solopapele, vosa o Saletiele, mo Sosue, vosa o Sotesatake, o kamata le fau o le fale o le Atua i Selusalemi. Ti na kau mo laua le kau polofeta a le Atua, o tokoi kia laua.

Pesalemo 106:23

Ti na masau loa a ia ke tamate latou ; Kae na tuu loa i ona mua Moisese, lana filifiliia, Ke fakamaliu lona sausau ti ke taofi a ia ke maumaui le kakai.

Pesalemo 109:6

Ke ke tuku latou ki le pule a se tagata agaveli, Ti ke tuu Satana i lona fetuu atamai !

Selemia 15:19

Koia e folafola ai le Eteleno, o pati : Kapau e ke toe pipiki mai kiate au, e kau tali atu loa kiate koe, ti e ke tuu loa i oku mua ; Kapau e ke vaei kese le nea leia e mauiga mei le nea leia e noa, e ke tatau loa mo loku gutu. Ko latou ala e tonu ke toe au kiate koe, Kae e leaise ko koe leia e tonu ke ano kia latou.

Esekiele 44:11

E lotou nonofo loa i loku fale tapu ofaipe ni tagata fakasausau, ti e lotou leoleo loa a matapa o le fale tapu ti e lotou fai loa le tausi i le fale tapu. E lotou tamate loa ki le kakai a manu o failaulau mo sakilifisio, ti e lotou tutuu loa i mua o le kakai o fakasausau kia latou.

Esekiele 44:15

Kae ko le kau faisakilifisio, le kau levita, vosa o Satoke, ala na fai ia le tausi o loku fale tapu i le temi leia na sese ai fanau o Iselaele o mamao iate au, e fakafeofi mai loa kiate au o tausi kiate au, ti e lotou tutuu loa i oku mua o momoli mai kiate au le gako mo le toto, e pati le Aliki, le Eteleno.

Akeseo 1:1

I le lua fetuu o le sau ko Taliusi, i le uluaki aso o le masina ono, na tuku loa le folafola a le Eteleno ki le polofeta ko Akeseo, mo Solopapele, vosa o Saletiele, kovana o Suta, kia Sosue, vosa o Sotesatake, tagata faisakilifisio lasi, i kupu anei :

Akeseo 1:12

Ko Solopapele, vosa o Saletiele, mo Sosue vosa o Sotesatake, le tagata faisakilifisio lasi, ti mo le toega fuli o le kakai, na logo loa ki le leo o le Eteleno, lolatou Atua, ti mo folafola a Akeseo, le polofeta, o mulimuli ki le kauga leia kua tuku kiate ia e le Eteleno, lolatou Atua. Ti na maua loa e le kakai se i ki le Eteleno.

Akeseo 2:4

I temi nei ke ke lotomakeke, Solopapele ! e folafola le Eteleno. Ke ke lotomakeke, Sosue, vosa o Sotesatake, pule faisakilifisio ! Ke ke lotomakeke, kakai katoa o le fenua ! e pati le Eteleno. Ti ke kotou gaoi ! Talie e kau nofo mo koutou.

Sakalia 1:13

Na tali loa le Eteleno ki le aselo leia na masau mai kiate au ki ni kupu malilie ti mo ni kupu fakafimalie.

Sakalia 1:19

Na kau pati loa ki le aselo leia na masau mai kiate au : Kolea le uiga o tala anei ? Ti na pati mai loa a ia kiate au : Ko tala ana ala na fakamavete ia a Suta, mo Iselaele, ti mo Selusalemi.

Sakalia 1:9

Na kau pati : Ko ai ma a osi anei, ei loku aliki ? Ti na pati loa le aselo leia na masau mai kiate au : E kau fakatio loa a koe ki le mauiga o osi anei.

Sakalia 2:3

Ti ko leinei, na fakafeofi mai loa kiate au le aselo leia na masau mo au, ti na au loa se tasi ake aselo o fakafelavei mai kiate ia.

Sakalia 3:8

Koia fakalogo mai Sosue, tagata faisakilifisio lasi, a koe mo ou kaukau nea ala e tonatona i ou mua ! - talie ko ni tagata ala ka liliu loa ko ni fakamailoga. - Ko leinei, e kau fakasa loa laku tagata fakasausau, le Pulapula.

Sakalia 4:14

Ti na pati mai loa a ia : Ko sa tagata ana e toka lua ala kua fakatapui ke tuu i mua o le Aliki o le malama nei katoa.

Sakalia 6:11

E ke too loa se siliva mo se aulo, ti e ke fau loa ki ai ni pala, ala e ke teki loa ki le ulu o Sosue, vosa o Sosatake, ko le tagata faisakilifisio lasi.

Malakia 3:1

Ko leinei, e kau kakau loa laku tagata avelogo ; E teuteu loa e ia le ala i oku mua. Ti fokifa e ulu loa ki lona fale tapu le Aliki leia e kotou afa ; Ti ko le tagata avelogo o le sai leia e kotou oli ki ai, ko leinei, e au a ia, E pati le Eteleno o kau tau.

Luka 21:36

Koia kotou alaala ai, ti kotou faikole i temi fuli, o tupu ke kotou maua le makeke ke kotou sao ai i nea fuli ala ka soko mai, ti ke kotou tutuu i mua o le Vosa o le tagata.

Luka 22:31

Na pati loa le Aliki : Simone, Simone, na kole koutou e Satana, ke lu koutou ofaipe le lu o le fulumeto.

Tetelonome 10:8

I le temi lena, na vaei kese loa e le Eteleno le faasiga o levi, ti na fakatotonu loa e ia kiate ia ke amo le aleka o le sai a le Eteleno, ke tuu i mua o le Eteleno o tausi a ia, ti mo tapuaki ki le kakai i lona suafa : leia na fai loa e ia o kaku mai ki le aso nei.

Tetelonome 18:15

E fakatuu ake loa e le Eteleno, lou Atua, i loto malie o ou, i ou fetaina, se polofeta o tatau mo au : ke kotou fakalogo loa kiate ia !

Uluaki tosi a Petelo 5:8

Ke kotou fakapotopoto, mo alaala ! Talie ko lokoutou fili, le Tiapolo, e taka ofaipe se laione gugulu, o afa pe ko ai leia e kai loa e ia.

Uluaki tosi a Samuele 6:20

Na pati loa le kakai o Pete-Semesi : Ko ai loa e feala ke mauli i mua o le Eteleno, o le Atua maokioki lena ? Ti ko ai loa e tonu ke ave ki ai le aleka, ke mamao mo tatou ?