Sakalia 2:9 - Tosi Tapu

⁹ Ko leinei, e kau siki loku lima ki atu puleaga, Ti e lotou liliu loa ko le nea kai a latou ala na popula kia latou. Ti e kotou iloa loa ko le Eteleno o kau tau leia na kakau ia au.

Sakalia 2:9 ပူးပေါင်းရင်းမြစ်များ

Esaia 10:32

Na toe manavanava le fili i Nope i se aso e tasi, Ti kua fakakaikai e ia lona lima ki le mauga o le taine o Sione, Le mauga o Selusalemi.

Esaia 11:15

E fakamalo loa e le Eteleno le alelo o le tai o Esipito, Ti e siki loa e ia lona lima ki le vaitafe o Eufalate, o pupusi fakamakeke ki ai : E vaei loa e ia a ia i ni magai vai e fitu, Ti e fakalaka loa i ai i ni taka.

Esaia 12:6

Fai ni kalaga fakafiafia mo nekenekea, a koe leia e nofo i Sione ! Talie e lasi a ia i loto malie o ou, le Maokioki o Iselaele.

Esaia 13:2

Kotou fakatuu se manumanu i se mauga tula, Kotou kalaga kia latou, Kotou taukalo ki le lima, Ti ke lotou ulu i matapa o le kau tukipo !

Esaia 14:2

E too loa latou e kakai, o toe fakaliliu ki olatou nofoaga, Ti e toe maua loa latou e le fale o Iselaele i le fenua o le Eteleno, Ofaipe ni tagata fakasausau mo ni fafine fakasausau ; E lotou fakapopula loa latou ala na fakapopula ia latou, Ti e lotou pule loa kia latou ala na fakaveliveli ia latou.

Esaia 19:16

I le aso lena, e fai loa Esipito pe ni fafine : E lulu loa a ia i lona i, Mo ka tio a ia ki le taugaoi o le lima o le Eteleno o kau tau, Mo ka siki loa e ia a ia kiate ia.

Esaia 26:1

I le aso lena e sua loa le katiko leinei i le fenua o Suta : Kua motou maua se kolo tau ; Kua soli mai e ia kia matou le fakamauli ko lomatou paa malui, mo lomatou paa takatakai.

Esaia 33:1

Malaia kiate koe leia e maumaui ia a nea fuli, Kae na leaise maumaui ! Leia e kaia, kae na leikiaise kaia iate ia ! Io, ka oki loa lau maumaui, e maumaui loa a koe ; Ti ka oki loa lau kaia, e kaia loa iate koe.

Esaia 33:21

Ko lena le ganea leia e sa ai loa le fulumalie o le Eteleno kia tatou. E maua loa i ai ni liua kia tatou, ni vaitafe lalasi Ala e leaise ulu loa ki ai ni vaka foe, Ti e leaise ano ai loa se vaka tau.

Esaia 33:23

Kua tatala ou maea ; E leaise koi lotou taofi le tafito o le fana, ti e leaise koi lotou toso a la ke makita. I le aso lena e vae loa se koloa lasi o le tau : E kau foki mo le kau kito i le vae o le koloa :

Esaia 4:5

E fakanofo loa e le Eteleno, i le kele katoa o le mauga o Sione Ti mo ona ganea fakatasi fuli, se ao afu i le ao, Ti mo se afi ulaula gigila i le pouli ; Talie e ufiufi loa e le kololia o le Eteleno a nea fuli.

Esaia 48:16

Kotou fakafeofi mai kiate au, ti kotou fakalogo ! Talu mei le kamataaga, na leaise kau masau fakafufu ; Talu mei le kamataaga o nea ana, na kau nofo i ai. Kae i le aso nei, ko le Aliki, le Eteleno, na kakau mai au mo lona Laumalie.

Esaia 60:18

E leaise toe logo loa ki le agamakeke i lou fenua, Pe ki le kaia mo le maumau i lou kele ; E ke tuku loa ki ou paa le igoa ko fakamauli, Ki ou matapa leia o kololia.

Esaia 60:19

E leaise ko le laa loa leia e fakamalama ia loa a koe i le ao, Ti e leaise ko le masina loa leia e fakamalama ia loa a koe i le pouli ; Talie e liliu loa le Eteleno ko lou malama o lee gato, Ti e liliu loa lou Atua ko lou kololia.

Selemia 27:7

E fakalogo loa a puleaga fuli kiate ia, mo lona vosa, mo le vosa o lona vosa, o kaku ki le tatae mai o le temi o lona fenua, leia e pule ai loa kiate ia ni puleaga makeke mo ni sau lalasi.

Selemia 28:9

Kae kapau e kikite e se polofeta le tokamalie, e fakamaoki loa kiate ia na kakau maoki mai a ia e le Eteleno, mo ka e soko loa le nea leia na kikite e ia.

Selemia 8:19

Ko leinei kua logo a tagi o le taine o loku kakai Mei se kele mamao : Pe leaise koi nofo le Eteleno i Sione ? Pe leaise koi nofo lona sau iate ia ? Kolea na lotou fakatupu ai loku sausau ki alatou fakatata laakau, Ki ni taulaatua matapule ?

Esekiele 39:10

E leaise lotou too loa ni fafie i faisaga, Ti e leaise lotou tuuti loa ni fafie i vaomatua, Talie e lotou tafu loa a afi ki masafu. E lotou fakamativa loa latou ala na fakamativa ia latou, E lotou kaia loa latou ala na kaia ia latou ; E pati le Aliki, le Eteleno.

Soele 2:27

Ti e kotou iloa loa e kau nofo i loto malie o Iselaele, Ti ko au ko le Eteleno, lokoutou Atua, ti e leai se tasi ake atua kese iate au, Ti e leaise toe nofo loa loku kakai i le luma.

Apakuki 2:17

Talie e vilo loa kiate koe a agamakeke na fai ki Lipane, Ti e fakaii loa a koe e maumau a manu, O tupu na ke liligi le toto o ni tagata, Ti na ke fai ni agamakeke i le fenua, Ki le kolo mo lona kakai fuli.

Apakuki 2:8

O tupu na ke kaia ni puleaga mauke ai, E kaia loa a koe e le toetoega fuli o kakai ; Talie na ke liligi le toto o ni tagata, Na ke fai ni agamakeke i le fenua, Ki le kolo mo lona kakai katoa.

Sofoni 2:9

Koia e pati ai le Eteleno o kau tau, le Atua o Iselaele : E kau mauli ! E fai loa Moape pe Sotoma, ti mo fanau a Amone pe Komola, Ko se ganea apele i vao talatala, ko se lameni patai, ko se toafa ki lee gato ; E maumaui loa a ia e le toega o loku kakai, E maua loa latou e le toega o loku puleaga.

Sofoni 3:15

Kua fakamafuli kese e le Eteleno ou tautea, Kua fakamamao e ia lou fili. E nofo le sau o Iselaele, le Eteleno, i loto malie o ou ; E leaise ke toe maua ia loa se malaia.

Sakalia 2:11

I le aso lena e api loa a puleaga ala e pipiki loa ki le Eteleno, Ti e liliu loa ko loku kakai. E kau nofo loa i loto malie o ou, Ti e ke iloa loa na kakau mai au kiate koe e le Eteleno o kau tau.

Sakalia 2:8

Talie e folafola le Eteleno o kau tau, o pati : I le sili o le nea lena, e au loa le kololia ! Na kakau e ia a au ki puleaga ala na fakamativa ia koutou ; Talie ko leia e fafa kia koutou e fafa ki le tiloga o le mata o le Eteleno.

Sakalia 4:9

Kua teki e lima o Solopapele le fakatafito o le fale leinei, ti e toe fakaoki loa a ia e ona lima ; ti e ke iloa loa na kakau mai au e le Eteleno o kau tau kia koutou.

Sakalia 6:15

E au loa mei mamao ni kakai o gaoi i le fale tapu o le Eteleno ; ti e kotou iloa loa kua kakau mai au kia koutou e le Eteleno o kau tau. E soko loa le nea lena, mo kapau e kotou fakalogo ki le leo o le Eteleno, lokoutou Atua.

Sakalia 9:15

E puipui loa latou e le Eteleno o kau tau ; E lotou kai loa, e lotou malo loa i fatu o le makamaka ; E lotou iinu loa, e lotou logoa loa ofaipe ni nea kua konana i le vino ; E lotou apele loa ofaipe se ipu, ofaipe poko o le aletale.

Soane 13:19

Ko leinei e kau fakasa le nea lena kia koutou kae e leikiaise soko mai a ia, o tupu ka soko mai loa a ia, ke kotou tui ko au a ia.

Soane 16:4

Kae kua kau fakasa a nea ana kia koutou, o tupu, ka soko mai loa le ola, ke kotou manatui na kau fakasa atu latou kia koutou. Na leaise kau fakasa atu latou kia koutou i le kamataaga, talie na kau nofo mo koutou.