Sakalia 2:8 - Tosi Tapu

⁸ Talie e folafola le Eteleno o kau tau, o pati : I le sili o le nea lena, e au loa le kololia ! Na kakau e ia a au ki puleaga ala na fakamativa ia koutou ; Talie ko leia e fafa kia koutou e fafa ki le tiloga o le mata o le Eteleno.

Sakalia 2:8 ပူးပေါင်းရင်းမြစ်များ

Senesi 20:6

Na pati loa le Atua kiate ia i le moe miti : E kau iloa na ke fai le nea lena i se loto mea ; koia na kau taofi ai a koe ke aua na ke agasala kiate au. Koia foki leia na leaise kau fakataga ai ke ke fafa ki le fafine.

Lua tosi o Sau 24:2

Koia na kakau ai loa e le Eteleno kia Sosakimi ni fa solia Kaletea, mo ni fa solia Silia, mo ni fa solia Moape, mo ni fa solia o vosa o Amone, ke au o taui Sosakimi ; na kakau mai latou e le Eteleno ke au o maumaui a Suta, o mulimuli ki le folafola leia na fakasa e le Eteleno i ana tagata fakasausau le kau polofeta.

Pesalemo 17:8

Taupau au ofaipe le fa tiloga o le mata ; Puipui au, i le malu o ou kapakau,

Taagapati 7:2

Tausi aku pelesepeto, ti e ke mauli loa ; Taupau aku akonaki ofaipe le fa tiloga o ou fa mata.

Esaia 49:19

I ou kolo maumau mo lavaki, I lou fenua maumau E kopikopi loa lou kakai i le aso lena ; Ti ko latou ala na kai ia a koe e fakamamao loa.

Selemia 12:14

E folafola le Eteleno kia latou fuli ala e nonofo i oku tafatafa, ala ko ni kau agaveli, Ala e oso le tofiga leia na kau tuku ki loku kakai ko Iselaele : Ko leinei, e kau taaki loa latou i lolatou fenua, Ti e kau taaki loa le fale o Suta mei loto malie o latou.

Selemia 27:7

E fakalogo loa a puleaga fuli kiate ia, mo lona vosa, mo le vosa o lona vosa, o kaku ki le tatae mai o le temi o lona fenua, leia e pule ai loa kiate ia ni puleaga makeke mo ni sau lalasi.

Esekiele 25:12

E folafola le Aliki, le Eteleno, o pati : O tupu na tautea fakaveliveli e Etome Le fale o Suta, O tupu na lotou agasala lasi,

Esekiele 25:15

E folafola le Aliki, le Eteleno, o pati : O tupu na fakasoko e le kau Filisitini Loku sausau mo se loto fia lagavaka, O tupu na lotou fai le tautea mo le vesia ti mo le loto katoa, O lotou loto ke maumaui nea fuli, i lolatou vesia lee gato,

Esekiele 26:2

Vosa o le tagata, o tupu na pati Tile ki Selusalemi : Aitoa ! Aitoa ! Kua fati a ia, le matapa o kakai fuli ! E mafuli mai kiate au, E kau apele loa i koloa, kae e toafa loa a ia !

Esekiele 26:20

E kau ti loa a koe ki lalo mo latou ala kua ifo ki le popoko, Ki le kakai o le temi mua, E kau tuku loa a koe ki potu loloto o le kele, Ki potu lavaki lee gato, I tafa o latou ala kua ifo ki le popoko, O tupu ke aua na toe nofoi a koe ; Ti e kau taupau loa le kololia ki le fenua o le kau mauli.

Esekiele 35:5

O tupu na ke nofo fualoa mo lou vesia, O tupu na ke tamate ki le seleta a fanau a Iselaele, I le aso o lolatou mamae, I le aso leia na kaku ai le agaveli ki lona gatoaga,

Esekiele 36:11

E kau liuliuga loa kia koutou a tagata mo manu ; E lotou liuliuga loa mo fanaunau loa ; E kau loto ke kotou nofo i le fenua ofaipe le temi mua, Ti e kau tapuaki loa kia koutou o lasi ake i le temi mua ; Ti e kotou iloa loa ko au ko le Eteleno.

Esekiele 38:11

E ke pati loa : E kau pale loa ki se fenua mavaa, E kau osoi loa ni tagata fimalie I olatou nofoaga, Ti e nonofo fuli i ni kolo sala kaua takai, Ti e leaise maua ia ni loka mo ni matapa.

Esekiele 38:14

Koia ke ke kikite, vosa o le tagata, ti ke pati kia Koke : E folafola le Aliki, le Eteleno, o pati : Io, ko le aso leia e mauli ai loa loku kakai ko Iselaele i le tokamalie, E ke iloa loa a ia.

Amosi 1:11

Koia e folafola ai le Eteleno, o pati : O tupu ko agaveli e tolu a Etome, Ti e fa foki, e leaise kau toe fetogi laku fakatotonu, Talie na kapu e ia ona fetaina ki le seleta, Ti na tapono e ia lona manava alofa, Talie e sae tuumau aifai lona ita, Ti e taupau tuumau aifai e ia lona itaita.

Amosi 1:13

Koia e folafola ai le Eteleno, o pati : O tupu ko agaveli e tolu a fanau o Amone, Ti e fa foki, e leaise kau toe fetogi laku fakatotonu, Talie na lotou paipaisi a manava o fafine tinae o Kalaate, O tupu ke fakalasi lolatou fenua.

Amosi 1:9

Koia e folafola ai le Eteleno, o pati : O tupu ko agaveli e tolu a Tile, Ti e fa foki, e leaise kau toe fetogi laku fakatotonu, Talie na lotou ave fakapopula se kakai toka api ki Etome, Kae na leaise manatui e ia le sai fakatautaina.

Mikea 4:11

I le aso nei kua fakatasi ni puleaga mauke kiate koe. Ti e lotou pati : Ke fakakelekele a ia, Ti ke tio otou mata ki Sione !

Mikea 5:6

E nofo loa le toega o Sakopo i loto malie o ni kakai toka api Ofaipe se sasau leia e au mei le Eteleno, Ofaipe ni motii vai i le mutie : E leaise lotou fanaki ki le tagata, E leaise lotou fakalogo ki fanau a tagata.

Mikea 7:10

E tio loa ki ai loku fili ti e apele loa a ia i le luma, A ia leia na pati mai kiate au : Kofea le Eteleno, lou Atua ? E fiafia loa oku mata i le tio kiate ia ; Kae takatakafi loa a ia ofaipe le pela o ala.

Apakuki 2:17

Talie e vilo loa kiate koe a agamakeke na fai ki Lipane, Ti e fakaii loa a koe e maumau a manu, O tupu na ke liligi le toto o ni tagata, Ti na ke fai ni agamakeke i le fenua, Ki le kolo mo lona kakai fuli.

Apakuki 2:8

O tupu na ke kaia ni puleaga mauke ai, E kaia loa a koe e le toetoega fuli o kakai ; Talie na ke liligi le toto o ni tagata, Na ke fai ni agamakeke i le fenua, Ki le kolo mo lona kakai katoa.

Sofoni 2:8

Na kau logo ki lauveli a Moape Ti mo nukinuki a fanau a Amone, Ala na lauveli ki loku kakai, Ti na fai ia ni fakatutuu fia nealasi ki ona koiga.

Sakalia 2:11

I le aso lena e api loa a puleaga ala e pipiki loa ki le Eteleno, Ti e liliu loa ko loku kakai. E kau nofo loa i loto malie o ou, Ti e ke iloa loa na kakau mai au kiate koe e le Eteleno o kau tau.

Sakalia 2:9

Ko leinei, e kau siki loku lima ki atu puleaga, Ti e lotou liliu loa ko le nea kai a latou ala na popula kia latou. Ti e kotou iloa loa ko le Eteleno o kau tau leia na kakau ia au.

Sakalia 8:5

E apele loa a ala o le kolo i tamaliki mo taineliki e manonogi.

Malakia 3:1

Ko leinei, e kau kakau loa laku tagata avelogo ; E teuteu loa e ia le ala i oku mua. Ti fokifa e ulu loa ki lona fale tapu le Aliki leia e kotou afa ; Ti ko le tagata avelogo o le sai leia e kotou oli ki ai, ko leinei, e au a ia, E pati le Eteleno o kau tau.

Mateo 25:40

Na tali loa le sau kia latou : E kau pati maoki atu kia koutou, ko faiaga fuli ala na kotou fai ai a nea ana ki se tasi o oku fetaina liliki oki, ko au leia na kotou fai ki ai.

Mateo 25:45

Ti e tali loa a ia kia latou : E kau pati maoki atu kia koutou, ko faiaga fuli ala na leaise kotou fai ai a nea ana ki se tasi o toe liliki oki ana, ko au leia na leaise kotou fai ki ai.

Soane 14:26

Kae ko le Fakapelepele, le Laumalie Maokioki, leia e kakau mai loa e loku Tamana i loku suafa, e ako ia loa kia koutou a nea fuli, ti mo fakamanatu atu loa kia koutou a nea fuli ala kua kau fakasa atu kia koutou.

Soane 17:18

Ofaipe lau kakau mai au ki le malama nei, na kau toe kakau foki latou ki le malama nei.

Gaoi 9:4

Na vilo loa a ia ki lalo, ti na logo loa a ia ki se leo leia e pati mai kiate ia : Saulo, Saulo, kolea e ke fakavelivelii ai au ?

Tetelonome 32:10

Na maua e ia a ia i se fenua malo, I se toafa lavaki mo gugulu. Na puipui e ia a ia, ti na tokaga a ia kiate ia. Na tausi e ia a ia ofaipe le tiloga o lona mata.

Lua tosi ki le kau Tesalonika 1:6

Talie e faitotonu le Atua ke totogi le mamae kia latou ala e fakamamae ia koutou,

Uluaki tosi a Soane 4:14

Ti ko matou, na motou tio, ti e motou fakamaoki na kakau e le Tamana lona Alo ko le Fakamauli ki le malama nei.