Sakalia 2:6 - Tosi Tapu

⁶ Kotou sosola, kotou sosola i le fenua o le noleto ! E pati le Eteleno : Talie na kau fakamavetevete koutou ki potupotu e fa o le lagi, E pati le Eteleno.

Sakalia 2:6 ပူးပေါင်းရင်းမြစ်များ

Senesi 19:17

I le oki o lolatou tuku ki le tua kolo, na pati loa se tasi o aselo kia Lote : Sola ke ke mauli ; ke aua na ke toe tio ki muli, ti ke aua na ke toe tuu i le laumalie ; kae ke ke sola ki le mauga talie ke aua na ke mate.

Pesalemo 44:2

Ei Atua ! na motou logo i omatou taliga, Na fakamatala mai kia matou e omatou tamana, A gaoi lalasi ala na ke fai i olatou aso, le temi mua.

Esaia 48:20

Kotou mavae i Papilone, kotou sosola i loto malie o le kau Kaletea ! Kotou fakasa i ni kalaga fakafiafia le logo malie leinei, Kotou fakasa a ia o kaku ki le potupotu o le malama nei, Kotou pati : Kua toe totogi e le Eteleno lana tagata fakasausau ko Sakopo !

Esaia 55:1

Koutou fuli ala e fia inu, kotou au ki atu vai, Mo leia foki e leaise maua ia sana paaga ! Kotou au, kotou totogi ti kotou kai, Kotou au, kotou totogi se vino mo se sua u, sala paaga, sala totogi !

Selemia 1:14

Ti na pati mai loa le Eteleno kiate au : E tupu loa mei le potu noleto le veli ki le kakai katoa o le fenua.

Selemia 15:4

E kau fakaliliu loa latou ko se nea fakaii ki puleaga fuli o le kele, O tupu ko Manase, vosa o Esekiasi, sau o Suta, Ti mo nea fuli ala na fai e ia i Selusalemi.

Selemia 3:18

I aso ana, E saele loa le fale o Suta mo le fale o Iselaele ; E la au fakatasi loa mei le fenua o le noleto Ki le fenua leia na kau tuku ke maua e okoutou tamana.

Selemia 31:10

Atu puleaga, kotou fakalogo mai ki le folafola a le Eteleno, Ti kotou fakasa ia i atu motu mamao ! Kotou pati : Ko leia na fakamavetevete ia Iselaele e toe fakatasi ia loa a ia, Ti e taupau loa e ia a ia ofaipe le tagata tausi manu e taupau ia lana kau manu.

Selemia 31:38

Ko leinei, e au a aso, e pati le Eteleno, Ala e toe laga ai loa le kolo ki le Eteleno, Mei le tule o Ananeele o kaku ki le matapa i le agele.

Selemia 31:8

Ko leinei, e kau aumai latou mei le fenua o le potu noleto, E kau fakatasi latou mei potupotu o le malama nei ; E kau ia latou le kivi mo le kito, Le fafine tinae mo leia e fanau ; Ko se kakai lasi ai, leia e toe liliu mai ki leinei.

Selemia 50:8

Kotou sosola i Papilone, kotou sosola i le fenua o le kau Kaletea, Ti kotou fai pe ni koti tagata ala e takitaki ia le kau manu !

Selemia 51:45

Kotou mavae i Papilone, ei loku kakai, Ti ke tasi saofaki e le tagata lona mauli ! Kotou sosola i le sausau lasi o le Eteleno !

Selemia 51:50

Koutou ala na sao i le seleta, kotou ano, aua na kotou tuvai ! I le kele mamao, kotou manatu ki le Eteleno, Ti ke tuu Selusalemi i okoutou loto o lee gato !

Selemia 51:6

Kotou sosola i Papilone, ti ke tasi saofaki e le tagata lona mauli, Ke aua na kotou mamate i lona maumau ! Talie ko se temi o le lagavaka ki le Eteleno ; E totogi e ia kiate ia o mulimuli ki ana gaoi.

Esekiele 11:16

Koia leia e ke pati ai loa : E folafola le Aliki, le Eteleno, o pati : Kapau e kau taofi latou i loto malie o atu puleaga, Kapau na kau fakamavetevete latou i fenua kesekese, E kau liliu loa kia latou ko se maloloaga i se ga temi I fenua ala na lotou kaku ki ai.

Esekiele 17:21

Ko latou fuli o lana kau solia ala na sosola e mamate loa i le seleta, ti ko latou ala e toe loa e mavetevete loa ki potu kesekese fuli. Ti e kotou iloa loa ko au, le Eteleno, na kau masau.

Esekiele 5:10

Koia e kai loa e ni tamana alatou fanau i loto malie o ou, ti e kai loa e ni fanau olatou tamana ; e kau fakasoko loa aku fakamaauaga kiate koe, ti e kau veteki loa ki matagi fuli le nea leia e toe loa iate koe.

Esekiele 5:12

E mate loa le tolu vaega o lou kakai i le masaki veli ti mo le oge i loto malie o ou ; ti e mate loa le tasi vaega i le seleta i ou tafatafa ; ti e kau veteki loa le tasi vaega ki matagi fuli, ti e kau tuli loa latou ki le seleta.

Taniela 11:4

Kae ka taualuga loa a ia, e maumaui loa lona puleaga, o mavetevete ki potu matagi e fa ; e leaise maua loa lona puleaga e ona sakoga, talie e vaevae loa lona puleaga e ni kakai kese ake, kae e leaise maua loa e puleaga ana le makeke leia na nofo mo ia.

Amosi 9:9

Talie ko leinei, e kau tuku loa aku fakatotonu, Ti e kau lui loa le fale o Iselaele i lotolotoga o atu puleaga fuli, Ofaipe le lulu o le one i se tami, Kae e leaise vilo loa se tegai laakau e tasi ki le kele.

Sakalia 1:16

Koia kua folafola ai le Eteleno, o pati : Kua kau toe liliu mai i loku alofa ki Selusalemi ; e toe fakatuu loa loku fale i ai, ti e toe toso loa le fua i Selusalemi.

Sakalia 2:7

Ke ke sola, Sione, A koe leia e nofo i le fale o le taine o Papilone !

Mateo 24:31

Ti e kakau loa e ia ana aselo mo le fakatagipupusi makeke, ti e lotou tanaki loa lana kau filifiliia mei fetuu matagi e fa, mei leia potupotu o le lagi ki leia potupotu.

Maleko 13:27

Ti e kakau loa e ia le kau aselo, ti e tanaki fakatasi loa e ia le kau filifiliia mei fetuu matagi e fa, mei le gatoaga o le kele ki le gatoaga o le lagi.

Tetelonome 28:64

E veteki loa a koe e le Eteleno i puleaga fuli, mei le potu ki le potu o le malama nei. E ke tausi loa i ai ki ni atua kese ala na leaise ke iloa ti na leaise iloa e ou tamana : ala ko ni laakau mo ni fatu.

Apokalipisi 18:4

Ti na kau logo loa ki se tasi ake a leo mei le lagi, na pati : Ei loku kakai, kotou mavae meiate ia, o tupu ke aua na kotou kau i ana agasala, ti ke aua na kotou kau i ona malaia.

Lute 4:1

Na pale loa Poase ki le matapa o le kolo, ti na tuu loa a ia i ai. Ti ko leinei, na nake loa ki ai leia na kaiga feofi, ti na masau loa Poase kiate ia. Na pati loa Poase kiate ia : A koe leia, au, o nofo i leinei. Ti na ano loa a ia, o nofo ki lalo.