Sakalia 2:4 - Tosi Tapu

⁴ Ti na pati loa a ia ki le aselo leia na au : Makape o masau ki le tama lena, o pati : E liliu loa Selusalemi ko se kolo mavaa, o tupu ko le api o tagata mo manu ala e nonofo loa i ai ;

Sakalia 2:4 ပူးပေါင်းရင်းမြစ်များ

Esitele 9:19

Koia leia na fakatuu ai e le kau Sutea o kolo vao, mo latou ala e nonofo i kolo, le aso kau agafulu tupu fa o le masina o Atale ko se aso fakafiafia, mo se aso kai, ti mo se aso lasi, leia e fai ai ni nea alofa.

Esaia 33:20

Tio ki Sione, le kolo o otatou aso lalasi ! E tio loa ou mata ki Selusalemi, nofoaga fimalie, Falela leia e leaise toe siki loa, Leia e leaise toe too loa ona pou i se aso, Ti e leaise toe tatala loa ona maea.

Esaia 44:26

E kau fakamaoki ki le masau a laku tagata fakasausau, Ti e kau fakasoko le nea leia kua fakasa fakatomua e aku tagata fakafofoga ; E kau pati ki Selusalemi : E nofo loa i ai, Ti e kau pati ki kolo o Suta : E toe laga loa latou ; Ti e kau toe fakatuu loa ona kolo maumau.

Esaia 49:20

E lotou tau pati atu loa ki ou taliga A vosa ala na ke sala ai : E lau ikiiki loku ganea nofo ; Fakalauatea mai se ganea, ke feala ke kau nofo ai !

Esaia 54:16

Ko leinei, na kau fakatupu le tagata leia e pupusi ia le malala i le afi, Ti e fau ia se masafu i lana gaoi ; Kae na kau toe fakatupu foki le tagata maumau ke fatii ia le masafu.

Selemia 1:6

Na kau tali loa : Ei Aliki Eteleno ! Ko leinei, e leaise kau poto fua i le masau, talie ko se ga toe au.

Selemia 31:24

E nofo loa i ai a Suta ti mo ona kolo fuli, Le kau gaoi kele ti mo latou ala e takitaki ia a kau manu.

Selemia 31:27

Ko leinei, e soko mai loa a aso, e pati le Eteleno, Ala e kau muluki ai loa se pulapula i le fale o Iselaele ti mo le fale o Suta, Ko se pulapula tagata mo se pulapula manu.

Selemia 33:22

Ofaipe le one o le tai, leia e leaise mafai ke fuafua, Ti mo fetuu o le lagi, ala e leaise mafai ke lau, E kau liuliuga loa le sakoga o Tavite, laku tagata fakasausau, Ti mo le kau Levi leia e fai ia loku tausi.

Esekiele 38:11

E ke pati loa : E kau pale loa ki se fenua mavaa, E kau osoi loa ni tagata fimalie I olatou nofoaga, Ti e nonofo fuli i ni kolo sala kaua takai, Ti e leaise maua ia ni loka mo ni matapa.

Taniela 1:17

Na soli loa e le Atua ki tupulaga ana e toka fa le poto, mo le atamai i faasiga faitosi fuli ti mo le poto ; ti na fakamatala loa e Taniela a tio fuli mo moe miti fuli.

Taniela 1:4

ni tama tupulaga lee mele fakatino, mo mata fulumalie, mo poto, mo atamai, ti na malie lolatou ako, ti na mafai ke gaoi i le fale o le sau, ti ke ako loa kia latou le faitosi mo le masau a le kau Kaletea.

Mikea 7:11

I le aso leia e toe laga ai loa ou kaua, I le aso lena e siki ai loa ou koiga ke mamao atu.

Sakalia 1:16

Koia kua folafola ai le Eteleno, o pati : Kua kau toe liliu mai i loku alofa ki Selusalemi ; e toe fakatuu loa loku fale i ai, ti e toe toso loa le fua i Selusalemi.

Sakalia 1:17

Ke ke toe kalaga, o pati : Ko leinei le folafola a le Eteleno o kau tau : E toe maua loa e oku kolo olatou koloa o lasi ai ; e toe fakafimalie loa e le Eteleno a Sione, ti e toe filifili loa e ia Selusalemi.

Sakalia 12:6

I le aso lena, e kau fakaliliu loa a pule o Suta Ke faipe se mata afi kaka i loto o se tuuga fafie, Pe se taume ulaula i se tuuga penu ; E lotou kai loa i le fetuu atamai mo le fetuu sema a kakai fuli ala e takatakai ia latou, Ti e nofo loa Selusalemi i lona nofoaga, i Selusalemi.

Sakalia 14:12

Ko leinei le malaia leia e taai loa ki ai e le Eteleno a kakai fuli Ala na tau loa ki Selusalemi. E pala loa olatou tino kae koi lotou tutuu i olatou vae, Ti e maluluku loa i le pala olatou mata i olatou pokoi mata, Ti e vilo loa i le pala lolatou alelo i lolatou gutu.

Uluaki tosi kia Timoteo 4:12

Ke aua na fakanoai e se tasi lou koi muli, kae ke ke liliu ko se faifaitaki ki le kau agatonu, i masau, mo le aga, mo le alofa, mo le tui, ti mo le maokioki.