Sakalia 2:13 - Tosi Tapu

¹³ Ke fakalologo kakai fuli i mua o le Eteleno ! Talie kua ala a ia o au mei lona nofoaga maokioki.

Sakalia 2:13 ပူးပေါင်းရင်းမြစ်များ

Lua tosi o Koloniko 30:27

Na tutuu ake loa le kau tagata faisakilifisio mo le kau Levi o tapuaki ki le kakai ; ti na logo loa ki olatou leo, ti na kaku loa lalatou faikole ki le lagi, ki le nofoaga taputapu o le Eteleno.

Pesalemo 11:4

E nofo le Eteleno i lona fale maokioki, E maua e le Eteleno lona ekeekeaga fakasau i le lagi ; E tio ona mata, E tilo e ona laumata a vosa o le tagata.

Pesalemo 46:10

Ko ia leia na fakagato ia a tau o kaku ki potupotu o le malama nei ; Na fatii e ia le gasau ti na motusi e ia le tao, Na tutu e ia ki le afi a saliote tau.

Pesalemo 68:5

Kotou sua ki le Atua ! kotou fakafetai ki lona suafa ! Kotou tofa le ala ki leia e saele mai i le toafa ! Ko le Eteleno lona suafa : Kotou fiafia i ona mua !

Pesalemo 78:65

Na ala ake loa le Aliki ofaipe se tasi leia na moe, Ofaipe se toa leia na ofo ake i lona kona i le vino.

Esaia 14:2

E too loa latou e kakai, o toe fakaliliu ki olatou nofoaga, Ti e toe maua loa latou e le fale o Iselaele i le fenua o le Eteleno, Ofaipe ni tagata fakasausau mo ni fafine fakasausau ; E lotou fakapopula loa latou ala na fakapopula ia latou, Ti e lotou pule loa kia latou ala na fakaveliveli ia latou.

Esaia 19:16

I le aso lena, e fai loa Esipito pe ni fafine : E lulu loa a ia i lona i, Mo ka tio a ia ki le taugaoi o le lima o le Eteleno o kau tau, Mo ka siki loa e ia a ia kiate ia.

Esaia 41:1

Atu motu, kotou fakalologo o fakalogo mai kiate au ! Ke fakafoou e kakai fuli lolatou makeke ! Ke lotou soso mai, ti ke lotou masau ! Tou fakafeofi fakatasi ki le fakamaau !

Esaia 51:9

Ke ke alaala, ke ke alaala, ke ke kofu ki lou makeke, a koe ko le lima o le Eteleno ! Ke ke alaala ofaipe aso i mua, I tautupu afea ! Pe na leaise ko koe leia na tamate ia Esipito, Na sokai ia le talakone ?

Esaia 57:15

Talie e folafola le Taualuga, Leia e lee gato lona nofoaga ti e maokioki lona suafa : E kau nofo i potu taualuga ti mo le maokioki ; Kae e kau nofo foki mo le tagata fakasemala mo agamalu, O tupu ke toe fakamauli a loto fakasemala, O tupu ke toe fakaofo a loto agamalu.

Esaia 57:5

Ala e faiaga i tafa o ni laakau lalasi, I lalo o laakau sesega fuli, Ala e tamate ia ni toe i vaivailiua, I lalo o mafaa o utu ?

Esaia 63:15

Tagaki mei le lagi, ti ke tio, Mei lou nofoaga maokioki mo fakakololia : Kofea lou alofa mo lou mafimafi ? E leaise koi logo mai kiate au Le ta o lou mafu ti mo ou aloalofa.

Selemia 25:30

Ti ko koe, e ke kikite loa kia latou a nea fuli ana, Ti e ke pati loa kia latou : E gugulu loa le Eteleno mei aluga ; E fakagugulu loa e ia lona leo mei lona nofoaga maokioki ; E gugulu loa a ia ki le ganea leia e tuu ai lona nofoaga ; E kalaga loa a ia ofaipe latou ala e takatakafi ia le fua o le vite i le ganea tatau vite, Ki kakai fuli o le malama nei.

Apakuki 2:20

E nofo le Eteleno i lona fale tapu maokioki. Ke fakalologo le malama nei katoa i ona mua !

Sofoni 1:7

Fakalologo i mua o le Aliki, le Eteleno ! Talie kua ofi le aso o le Eteleno, Talie kua teuteu e le Eteleno le sakilifisio, ti kua filifili e ia ana kau fakaafe.

Sofoni 2:9

Koia e pati ai le Eteleno o kau tau, le Atua o Iselaele : E kau mauli ! E fai loa Moape pe Sotoma, ti mo fanau a Amone pe Komola, Ko se ganea apele i vao talatala, ko se lameni patai, ko se toafa ki lee gato ; E maumaui loa a ia e le toega o loku kakai, E maua loa latou e le toega o loku puleaga.

Sofoni 3:8

Koia e pati ai le Eteleno : Kotou talitali mai la kiate au ! I le aso leia e kau tuu ake ai loa o tanaki le koloa o le tau, Talie kua kau fakapapau ke fakatasi a atu puleaga, Ke fakatasi a atu puleaga sau, O tupu ke kau liligi kia latou loku sausau, Le mamafa katoa o loku ita ; Talie e tutu loa le fenua katoa e le afi o loku finenonofo.

Sakalia 4:9

Kua teki e lima o Solopapele le fakatafito o le fale leinei, ti e toe fakaoki loa a ia e ona lima ; ti e ke iloa loa na kakau mai au e le Eteleno o kau tau kia koutou.

Sakalia 6:15

E au loa mei mamao ni kakai o gaoi i le fale tapu o le Eteleno ; ti e kotou iloa loa kua kakau mai au kia koutou e le Eteleno o kau tau. E soko loa le nea lena, mo kapau e kotou fakalogo ki le leo o le Eteleno, lokoutou Atua.

Loma 3:19

Ti e tou iloa ko nea fuli ala e pati ki ai le lao e fakasa e ia kia latou ala e mauli i le lao, o tupu ke tapono a gutu fuli ti ke iloa kua agasala le malama nei katoa i mua o le Atua.

Loma 9:20

Ei tagata, ko ai a koe, ke ke fakavisi ki le Atua ? Pe pati loa le ipu kele ki leia na fau ia a ia : Kolea na ke fau ai au ke kau feneeki ?

Tetelonome 18:21

E feala ke ke pati loa i lou loto : Pe feaki loa laku iloa le folafola leia na leaise fakasa loa e le Eteleno ?

Tetelonome 18:22

Kapau e leaise fai loa ti e leaise soko loa le nea leia e masau loa ki ai le polofeta i le suafa o le Eteleno, ko se masau loa a ia na leaise fakasa loa e le Eteleno. Ko le matasoka lena na masau ai loa le polofeta : ke aua na ke i kiate ia.

Tetelonome 26:15

Ke ke tio mei lou nofoaga maokioki, mei le atu lagi, ti ke ke tapuakii loa lou kakai ko Iselaele mo le kele leia na ke soli mai kia matou, o mulimuli ki lau fakapapau leia na ke fai ki omatou tamana, io, le fenua leia e sali ai le sua manu mo le meli.