Sakalia 2:10 - Tosi Tapu

¹⁰ Taine o Sione, Ke ke fai ni kalaga fakafiafia ti ke ke nekenekea ! Talie ko leinei, e kau au, ti e kau nofo loa i loto malie o ou, E pati le Eteleno.

Sakalia 2:10 ပူးပေါင်းရင်းမြစ်များ

Pesalemo 40:7

E leaise ke oli ki se sakilifisio pe ko se moliga, Na ke fakamavaa oku taliga. E leaise ke kole se failaulau pe ko se vikitima ki agasala.

Pesalemo 68:18

Ko saliote a le Eteleno e lau i tino lua afe, Ti tino afe mo tino afe ; E nofo le Aliki i loto malie o latou, E tuu le Sinai i le sagatualio.

Ekesote 29:45

E kau nofo loa i loto malie o fanau a Iselaele, ti e kau liliu loa ko lolatou Atua.

Esaia 12:6

Fai ni kalaga fakafiafia mo nekenekea, a koe leia e nofo i Sione ! Talie e lasi a ia i loto malie o ou, le Maokioki o Iselaele.

Esaia 35:10

Ko latou ala na totogi e le Eteleno e toe liliu loa, E lotou ano loa ki Sione mo ni sua o le malo, Ti e fakapala loa olatou ulu ki se fiafia lee gato ; E fakafeofi loa kia latou le fiafia mo le nekenekea, Kae e sosola loa le mamae mo tagi.

Esaia 37:22

Ko leinei le folafola leia e fakasa e le Eteleno o uiga mo ia : Kua vesia a ia kiate koe, kua gologolo a ia kiate koe, Le taupoou, taine o Sione ; Kua kalokalo e ia lona ulu kiate koe, Taine o Selusalemi.

Esaia 42:10

Kotou sua ki le Eteleno se katiko foou, Kotou sua ona fakavikiviki i potupotu o le malama nei, Koutou ala e folau i le tai, ti mo koutou ala e fakakakai ia a ia, Atu motu mo kakai o atu motu !

Esaia 48:20

Kotou mavae i Papilone, kotou sosola i loto malie o le kau Kaletea ! Kotou fakasa i ni kalaga fakafiafia le logo malie leinei, Kotou fakasa a ia o kaku ki le potupotu o le malama nei, Kotou pati : Kua toe totogi e le Eteleno lana tagata fakasausau ko Sakopo !

Esaia 51:11

Koia e toe liliu loa le kau totogi a le Eteleno, E lotou ano loa ki Sione mo ni sua o le malo, Ti e lotou pala loa olatou ulu ki se fiafia lee gato ; E fakafeofi ake loa le nekenekea mo le fiafia, Kae sosola loa le mamae mo le tagi.

Esaia 52:11

Kotou ano, kotou ano, kotou mavae i lena ! Aua na kotou fafa ki se nea kelekele ! Kotou mavae i loto malie o ona ! Kotou fakamea, koutou ala e amo ia a ipu o le Eteleno !

Esaia 54:1

Ke ke fakafiafia, fafine paa, a koe leia e leaise koi fanaunau ! Ke ke fakasa lou nekenekea mo lou fiafia, a koe leia e leaise koi mamae lou ganea ! Talie ko vosa o leia na tiakina e toka api ake loa I vosa o le fafine leia na avaga, e pati le Eteleno.

Esaia 61:10

E kau fiafia lasi loa i le Eteleno, E nekenekea loa loku laumalie i loku Atua ; Talie kua fakakofu e ia au ki ni kofu o le fakamauli, Kua ufiufi e ia au ki le taupulupulu o le maokioki, Ofaipe se tama avaga e teu ki se pala, Ofaipe se taine avaga e teu ki ona kofu fakateuteu.

Esaia 66:14

E kotou tio loa ki ai, ti e fiafia loa lokoutou loto, Ti e toe maua loa e okoutou ivi se makeke ofaipe le laakau sesega. E fakasa loa e le Eteleno lona mafimafi ki ana tagata fakasausau, Kae e fakamamafa loa e ia lona sausau ki ona fili.

Selemia 30:19

E malaga ake loa ia latou ni fakafetai, Ti mo ni kalaga fakafiafia ; E kau liuliuga loa latou, ti e leaise lotou toe lavaki loa ; E kau fakamauiga loa latou, ti e leaise fakanoai loa latou.

Selemia 31:12

E lotou au loa, ti e lotou fai loa ni kalaga fakafiafia i potu taualuga o Sione ; E lotou fiafia loa i nea malilie a le Eteleno, Le fulumeto, mo le vino, mo le lolo, Mo ovi ti mo pipi ; E fai loa lolatou laumalie pe se oloto fakavai, Ti e leaise lotou toe nofo loa i le mamae.

Selemia 33:11

Ki kalaga fakafiafia mo kalaga nekenekea, Ki sua a le tama feauaki ti mo sua a le taine feauaki, Ki le leo o latou ala e pati : Kotou fakafetai ki le Eteleno o kau tau, Talie e agamalie le Eteleno, talie e lee gato lona manava alofa ! Ki le leo o latou ala e momoli ia ni sakilifisio fakafetai I le fale o le Eteleno. Talie e kau toe aumai loa le kau popula o le fenua, E kau toe fakanofo loa latou ofaipe le temi mua, E pati le Eteleno.

Esekiele 37:27

E tuu loa loku nofoaga i lotolotoga o latou ; e kau nofo loa i ai ko lolatou Atua, ti ko latou ko loku kakai.

Esekiele 48:35

Ko le loa o le kaua leia e takatakai ia loa le kolo katoa : ko kilometa e iva. Ti e igoa loa le kolo i le aso lena : Ko le agaiaga o le Eteleno.

Levitiko 26:12

E kau saele loa i loto malie o koutou, ti e kau liliu loa ko lokoutou Atua, ti e kotou liliu loa ko loku kakai.

Sofoni 3:17

E nofo le Eteleno, lou Atua i loto malie o ou, ofaipe se tagata toa leia e fakamauli ia a koe ; E maua loa lona fiafia lasi iate koe ; E fakalologo loa a ia i lona alofa ; E sua fakafiafia loa a ia kiate koe.

Sakalia 1:16

Koia kua folafola ai le Eteleno, o pati : Kua kau toe liliu mai i loku alofa ki Selusalemi ; e toe fakatuu loa loku fale i ai, ti e toe toso loa le fua i Selusalemi.

Sakalia 14:5

E kotou sosola loa i le vaivailiua o oku mauga, Talie e ano loa le vaivailiua o mauga o kaku ki Ateseli ; E kotou sosola loa ofaipe lakoutou sosola i mua o le mafuike, I le temi o Osiasi, sau o Suta. Ti e au loa le Eteleno, loku Atua, mo ana kau sagato fuli.

Sakalia 2:11

I le aso lena e api loa a puleaga ala e pipiki loa ki le Eteleno, Ti e liliu loa ko loku kakai. E kau nofo loa i loto malie o ou, Ti e ke iloa loa na kakau mai au kiate koe e le Eteleno o kau tau.

Sakalia 2:5

Ti na pati loa le Eteleno : E kau liliu loa kiate ia ko se kaua afi i lona takatakai katoa, ti e kau liliu loa ko lona kololia i loto malie o ona.

Sakalia 8:3

Koia e folafola ai le Eteleno, o pati : Kua kau toe liliu mai ki Sione, ti kua kau loto ke kau nofo i loto malie o Selusalemi. E fakaigoa loa Selusalemi ko le kolo agatonu, ti e fakaigoa loa le mauga o le Eteleno o kau tau ko le mauga maokioki.

Sakalia 9:9

Ke ke nekenekea, taine o Sione ! Ke ke fai ni kalaga fakafiafia, taine o Selusalemi ! Ko leinei, e au lou sau kiate koe. E faitotonu a ia mo malo, E agamalu a ia ti e eke a ia i se asino, I se asino, le uviki o se asino fafine.

Malakia 3:1

Ko leinei, e kau kakau loa laku tagata avelogo ; E teuteu loa e ia le ala i oku mua. Ti fokifa e ulu loa ki lona fale tapu le Aliki leia e kotou afa ; Ti ko le tagata avelogo o le sai leia e kotou oli ki ai, ko leinei, e au a ia, E pati le Eteleno o kau tau.

Mateo 28:20

ti kotou ako latou ke lotou fai a nea fuli ala na kau fakatotonu atu kia koutou. Ti ko leinei, e kau nofo mo koutou i aso fuli, o kaku ki le fakaoki o le malama nei.

Soane 1:14

Ti na tupu tagata le folafola, ti na nofo a ia ia tatou, o apele i le kalasia mo le maoki ; ti na motou tio ki lona kololia, ko se kololia ofaipe le kololia o le Alo fuatasi na au mei le Tamana.

Soane 14:23

Na tali loa Sesu kiate ia : Kapau e alofa se tasi kiate au, ti e fai loa e ia laku folafola, ti e alofa loa loku Tamana kiate ia ; e ma au loa kiate ia, ti e ma fai loa loma nofoaga iate ia.

Tetelonome 28:64

E veteki loa a koe e le Eteleno i puleaga fuli, mei le potu ki le potu o le malama nei. E ke tausi loa i ai ki ni atua kese ala na leaise ke iloa ti na leaise iloa e ou tamana : ala ko ni laakau mo ni fatu.

Filipe 4:4

Kotou fiafia tuumau i le Aliki, e kau toe liuga atu a ia, kotou fiafia.

Apokalipisi 2:1

Tosi ki le aselo o le Ekelesia o Efeso : Ko leinei le nea leia e pati ki ai leia e too ia a fetuu e fitu i lona lima atamai, leia e saele i loto malie o tekiaga malama aulo e fitu :

Apokalipisi 21:3

Ti na kau logo loa mei le ekeekeaga fakasau ki se leo makeke leia na pati : Ko leinei le tapenakulo o le Atua mo tagata ! E nofo loa a ia mo latou, ti e lotou liliu loa ko lona kakai, ti e nofo loa le Atua totonu mo latou.