Sakalia 14:8 - Tosi Tapu

⁸ I le aso lena, e tafe loa ni vai mauli mei Selusalemi, Ti e tafe loa le tasi vaelua ki le tai o le potu esite, Ti ko le tasi vaelua ki le tai o le potu uesite ; E tatau loa i le temi vevela mo le temi momoko.

Sakalia 14:8 ပူးပေါင်းရင်းမြစ်များ

Katiko o Katiko 4:15

E i ai se fa tane vai o oloto, Se matapuna o vai mauli, Ko ni vaitafe o le Lipane.

Esaia 35:7

E liliu loa le one kaka ko ni vai, Ti mo le kele malo ko ni matapuna vai ; I le ganea leia na nofo ai a pili e tupu ai loa ni u mo ni kofe.

Esaia 49:10

E leaise lotou toe fia kai loa, ti e leaise lotou toe fia inu loa ; E leaise lotou toe mamae loa i le matagi vevela o le toafa ti mo le laa ; Talie ko leia e alofa kia latou e liliu loa ko lolatou tagata takitaki, Ti e taki loa e ia latou ki ni matapuna vai.

Esaia 58:11

E liliu loa le Eteleno ko lou tagata taki o lee gato, E fagai loa e ia lou laumalie o makona i potu malo, Ti e toe soli loa e ia se makeke ki ou kogatino ; E ke fai loa pe se oloto fakavai, Pe se matapuna o vai mauli leia e leaise toe masa ona vai.

Soele 2:20

E kau fakamamao loa ia koutou le fili o le noleto, E kau kapu loa a ia ki se kele malo mo toafa, E kau ti loa lona atu mua ki le tai mate, Mo lona atu muli ki le tai metitelanea. Ti e mafola loa lona pala, E malaga ake loa lona namuku i le aele, O tupu na fai e ia ni nea veveli lalasi.

Soele 3:18

I le temi lena, e tafe loa le vino mei mauga, E sali loa le sua u mei mauga liliki, Ti e i ai loa se vai i liua fuli o Suta ; E mapuna loa se matapuna vai mei le fale o le Eteleno, O fakavai loa le vaivailiua o Sitime.

Mikea 4:2

E ano loa ki ai ni kakai toka api, ti e lotou pati loa : Kotou au, ti ke tou pale ki le mauga o le Eteleno, Ki le fale o le Atua o Sakopo, O tupu ke ako mai e ia kia tatou ona ala, Ti ke tou saele i ona ala liliki. Talie e au loa le lao mei Sione, Ti mei Selusalemi le folafola a le Eteleno.

Sakalia 14:4

E tuu loa ona vae i le aso lena ki le mauga o Oliveto, Leia e agaaga ki Selusalemi, i le potu esite. E mafaa loa le mauga o Oliveto i loto malie, mei le potu esite ki le potu uesite, Ti e tuu loa se popoko lasi i ai : E solomuli loa se tasi vaelua o le mauga ki le potu noleto, Ti ko se tasi vaelua ki le potu saute.

Luka 24:47

ti e fakasa loa le fakasemala mo le fakamolemole o agasala i lona suafa ki puleaga fuli, o kamata mei Selusalemi.

Soane 4:10

Na tali loa Sesu kiate ia : Kanapau na ke iloa le nea alofa o le Atua ti mo leia e pati atu kiate koe, soli mai kau inu, na ke kole loa e koe totonu kiate ia ke ke inu, ti e soli atu loa e ia kiate koe le vai mauli.

Soane 4:14

kae ko leia e inu loa ki le vai leia e kau soli loa kiate ia e leaise toe fia inu loa a ia, ti ko le vai leia e kau soli loa kiate ia e liliu loa iate ia ko se matapuna vai leia e mapusi loa o kaku ki le mauli lee gato.

Soane 5:4

talie na tautau ifo mai se aselo ki le maanuaga, o taposu i le vai ; ti ko leia e uluaki ifo ki ai i le oki o lana taposu i le vai e mauli loa i lona masaki.

Soane 7:38

Ko leia e tui kiate au e tafe loa mei lona loto ni vaitafe o le vai mauli, ofaipe lona tosi.

Apokalipisi 22:17

Ti e pati le Laumalie mo le fafine avaga : Au. Ti ke pati leia e logo ki ai : Au. Ti ke au leia e fia inu ; ko leia e loto ke too le vai o le mauli sala totogi.