Sakalia 14:7 - Tosi Tapu

⁷ E toka tasi loa le aso lena, ti e iloa a ia e le Eteleno toka tasi, E leaise ao loa a ia pe pouli. Kae e sa loa le malama i le afiafi.

Sakalia 14:7 ပူးပေါင်းရင်းမြစ်များ

Pesalemo 37:18

E iloa e le Eteleno a aso o le kau agatonu ; Ti e tologa olatou tofiga o lee gato.

Esaia 11:9

E leaise toe fai loa se nea veli, pe ko se maumau I loku mauga maokioki katoa ; Talie e apele loa le malama nei katoa i le iloa o le Eteleno, Ofaipe le apele o le takele o le tai i vai ala e ufiufi ia a ia.

Esaia 24:23

E apele loa le masina i le luma, Ti mo le laa i le matagafua ; Talie e sau loa le Eteleno o kau tau i le mauga o Sione ti mo Selusalemi. E gigila loa lona kololia i mua o lana kau matua.

Esaia 30:26

E fai loa le malama o le masina pe leia o le laa, Ti e lasi tua fitu loa le malama o le laa (ofaipe le malama o aso e fitu), I le aso leia e sai loa e le Eteleno le lavea o lona kakai, Ti mo fakamauli loa e ia le kafo o ana fa ta.

Esaia 45:21

Kotou fakasa le nea lena, ti kotou aumai latou kiate au ! Ke lotou fakakaukau fakatasi ! Ko ai na kikite ia mei le kamataaga a nea ana, Ti na fakasa ia latou mei mamao ? Pe leaise ko au, le Eteleno ? E leaise tasi ake Atua iate au, Ko au ko le Atua faitotonu e toka tasi Ti e fakamauli ia.

Esaia 58:10

Ti kapau e ke soli le pane leia e ke kai ki leia e fia kai, Kapau e ke fakamakeke le loto e mamae, E sopo ake loa lou malama i le fakapouli, Ti e fai loa ou fakapouli pe le lalatea.

Esaia 9:7

E kakau e le Eteleno se folafola kia Sakopo, Ti kua vilo a ia ki Iselaele.

Selemia 30:7

Malaia ! Talie e lasi le aso lena ; E leaise sona tatau : Ko se temi mamae kia Sakopo, Kae e saofaki loa a ia i ai.

Taniela 12:4

Ko koe Taniela, taupau fakafufu a folafola anei, ti ke fakamau le tosi o kaku ki le temi fakamuli. I le temi loa lena, e lau loa e se kakai i le tosi, ti e tupu loa le poto o lasi.

Oseo 3:5

I le oki o le nea lena, e toe tafoki loa a fanau o Iselaele ; e lotou afa loa le Eteleno, lolatou Atua, ti mo Tavite, lolatou sau ; ti e lotou i loa i mua o le Eteleno mo lona agamalie i temi ki muli.

Amosi 8:9

I le aso lena, e pati le Aliki, le Eteleno : E kau fakagalo ia loa le laa i le lalatea, Ti e kau fakaliliu loa ke pouli le malama nei i le loto malie o le ao ;

Mateo 24:36

Kae ki le aso ti mo le ola, e leaise iloa e se tasi fua, pe ko le kau aselo i le atu lagi, pe ko le Alo, kae ko le Tamana toka tasi.

Maleko 13:32

Kae ki le aso pe ko le ola, e leaise iloa a ia e se tasi fua, pe ko le kau aselo i le lagi, pe ko le Alo, kae ko le Tamana toka tasi.

Gaoi 1:7

Na tali loa a ia kia latou : E leaise ko kotou ala e tonu ke iloa ia a temi pe ko lakaga ala na fakatuutuu e le Tamana i lona pule toka tasi.

Gaoi 15:18

Ti na fakasa ia latou talu mei fualoa.

Gaoi 17:26

Ti na fakatupu e ia mei se tagata e tasi a puleaga fuli, ti na fakanofo e ia latou i le malama nei katoa, o fakatuutuu e ia kia latou a temi mo koiga o olatou fenua.

Gaoi 17:31

talie kua fakatuutuu e ia se aso leia e fakamaaui ai loa e ia le malama nei i le faitotonu, i se tagata leia kua filifili e ia, ti kua tuku e ia ki tagata fuli se fakamaoki maoki kiate ia i lana toe fakatuuake a ia mei le kau mate.

Uluaki tosi ki le kau Tesalonika 5:2

Talie kua kotou iloa papau e koutou totonu ko le aso o le Aliki e au loa ofaipe se tagata kaia i le pouli.

Apokalipisi 11:15

Ti na pupusi loa e le fitu o aselo lana fakatagi pupusi. Ti na i ai loa ni leo makeke i le lagi ala na pati : Ko le puleaga o le malama nei kua tuku ki lotatou Aliki ti mo lona Kilisito ; ti e sau loa a ia i sekulo mo sekulo.

Apokalipisi 14:6

Ti na kau tio loa ki se tasi ake aselo leia na lele i loto malie o le lagi ; na maua e ia se Evaselio eteleno, ke fakasa kia latou fuli ala na nonofo i le malama nei, ki puleaga fuli, mo faasiga fuli, mo masau fuli, ti mo kakai fuli.

Apokalipisi 21:23

Ti na leaise aoga ki le kolo se laa mo se masina, ke fakamalama ia a ia ; talie e fakamalama a ia e le kololia o le Atua, ti ko le Akeno ko lona fa malama a ia.

Apokalipisi 21:25

Ti e leaise toe tapono loa ona matapa i le ao, talie e leaise toe maua loa i ai le pouli.

Apokalipisi 21:3

Ti na kau logo loa mei le ekeekeaga fakasau ki se leo makeke leia na pati : Ko leinei le tapenakulo o le Atua mo tagata ! E nofo loa a ia mo latou, ti e lotou liliu loa ko lona kakai, ti e nofo loa le Atua totonu mo latou.

Apokalipisi 22:5

Ti e leaise toe maua loa i ai le pouli ; ti e leaise toe aoga loa kia latou se fa malama, pe ko se ula o se fa malama, talie e fakamalama loa latou e le Aliki Atua. Ti e lotou sau loa i sekulo mo sekulo.