Sakalia 14:5 - Tosi Tapu

⁵ E kotou sosola loa i le vaivailiua o oku mauga, Talie e ano loa le vaivailiua o mauga o kaku ki Ateseli ; E kotou sosola loa ofaipe lakoutou sosola i mua o le mafuike, I le temi o Osiasi, sau o Suta. Ti e au loa le Eteleno, loku Atua, mo ana kau sagato fuli.

Sakalia 14:5 ပူးပေါင်းရင်းမြစ်များ

Pesalemo 96:13

I mua o le Eteleno ! Talie e au a ia, Talie e au a ia ke fakamaau le malama nei ; E fakamaau loa e ia le malama nei i le faitotonu, Ti mo atu kakai o mulimuli ki lona agatonu.

Pesalemo 98:9

I mua o le Eteleno ! talie e au a ia ke fakamaau le malama nei ; E fakamaau loa e ia le malama nei i le faitotonu, Ti mo atu kakai i le maoki.

Esaia 29:6

E gaoi loa le Eteleno o kau tau kiate koe i le gugulu o le mana, mo le mafuike, mo se logoa fakaii, Mo le sasataki ti mo le afa, Ti mo le ula o se afi veli.

Soele 3:11

Kotou vavevave o au, koutou fuli, puleaga o tafatafa ; Ti kotou fakatasi fuli ! I lena, ei Eteleno, fakaifo mai lau kau toa !

Amosi 1:1

Masau a Amosi, ko se tasi o le kau tausi manu o Tekoa, tio na maua loa e ia ki Iselaele, i le temi o Osiasi, sau o Suta, ti mo le temi o Selopoamo, vosa o Soasi, sau o Iselaele, fetuu e lua i mua o le mafuike.

Mikea 1:11

Fakalaka, a koe leia e nofo i Safili, i le telefua mo le luma ! E leaise koi toa leia e nofo i Tesanani i le ulu ki fafo. E tagi laulau leia e nofo i Pete-Aetesele, Ti e leaise koi feala ke sola ki ai.

Sakalia 4:7

Ko ai a koe, mauga lasi ? E ke lapa loa i mua o Solopapele ! E teki loa e ia le fatu tafito i loto malie o ni kalaga fakafiafia : Kalasia, kalasia kiate ia !

Numelo 16:34

Na sosola loa fanau fuli o Iselaele, ala na tutuu o takatakai latou, i le logo ki alatou tagi, talie na lotou pati loa : Tou sosola na folo tatou e le kele !

Mateo 16:27

Talie e tonu ke au le Vosa o le tagata i le kololia o lona Tamana, mo ana aselo ; ti e totogi loa e ia ki tagata taki toka tasi o mulimuli ki ana gaoi.

Mateo 24:3

Na tonatona loa a ia i le mauga o Oliveto. Ti na au loa le kau tisipulo tefua, o fai kiate ia le vesili leinei : Fakasa mai kia matou, pe ko le temi fea leia e soko ai loa le nea lena, ti kolea le fakamailoga o lau toe liliu mai ti mo le fakaoki o le malama nei ?

Mateo 25:31

Ka au loa le Vosa o le tagata i lona kololia, mo le kau aselo fuli, e ekeeke loa a ia i le ekeekeaga fakasau o lona kololia.

Luka 21:27

Ti fokifa e lotou tio loa ki le Vosa o le tagata e ifo mai i se ao, mo le makeke, ti mo se kololia lasi.

Tetelonome 33:2

Na pati a ia : Na au le Eteleno mei le mauga o Sinai. Na malaga ake a ia ki aluga o latou mei Seili, Na gigila a ia mei le mauga o Palani, Ti na au a ia mo le kau miliate maokioki, Ti na too e ia i lona lima atamai le afi o le lao.

Uluaki tosi ki le kau Tesalonika 3:13

ke fakamakeke e ia o okoutou loto o tupu ke kotou lee mele mo maokioki i mua o le Atua ko lotatou Tamana, i le aso o le toe liliu mai o lotatou Aliki ko Sesu mo ana sagato fuli.

Lua tosi ki le kau Tesalonika 2:8

Ti ka oki a ia, e sa loa le tagata Agaveli, leia e tamate loa e le Aliki Sesu ki le tukumanava o lona gutu, ti mo maumaui loa ki le gigila o lana toe liliu mai.

Sakopo 5:8

Ko koutou foki, ke kotou kataki fualoa, kotou fakamakeke okoutou loto, talie kua vave fua le saele mai a le Aliki.

Apokalipisi 11:13

I le ola lena, na to loa se mafuike lasi, ti na solo loa ki lalo le vaega kau agafulu o le kolo ; ti na mamate loa a tagata e tino fitu afe i le mafuike lena, ti ko le toega o le kakai na lulu loa i le i, ti na lotou fakakololia loa ki le Atua o le lagi.

Apokalipisi 20:11

Ti na oki a ia, na kau tio loa ki se ekeekeaga fakasau lasi tea, ti mo leia na ekeeke i ai. Ti na fesolaki loa le kele mo le lagi i ona mua, ti na leaise toe maua loa se tuuaga kia laua.

Apokalipisi 20:4

Ti na kau tio loa ki ni ekeekeaga fakasau ; ti na soli loa kia latou ala na ekeeke i ekeekeaga fakasau ana le pule ke fakamaau. Ti na kau tio loa ki laumalie o latou ala na maletile o tupu ko le fakamaoki o Sesu, ti mo le folafola a le Atua, ti mo latou ala na leaise su ki le manu mo lona fakatata, ti na leaise maua ia le fakamailoga i olatou lae mo olatou lima. Ti na lotou toe au loa ki le mauli, ti na lotou sau loa mo Kilisito i fetuu e afe.