Sakalia 14:4 - Tosi Tapu

⁴ E tuu loa ona vae i le aso lena ki le mauga o Oliveto, Leia e agaaga ki Selusalemi, i le potu esite. E mafaa loa le mauga o Oliveto i loto malie, mei le potu esite ki le potu uesite, Ti e tuu loa se popoko lasi i ai : E solomuli loa se tasi vaelua o le mauga ki le potu noleto, Ti ko se tasi vaelua ki le potu saute.

Sakalia 14:4 ပူးပေါင်းရင်းမြစ်များ

Lua tosi a Samuele 15:30

Na pale loa Tavite ki le mauga o oliveto. Na pale tagi a ia, ti na pulou lona fa ulu, ti na saele kilii vae a ia ; ti na pulou foki a ulu o latou fuli ala na nonofo mo ia, ti na lotou pale fetagisi.

Esekiele 11:23

Na malaga ake loa ki aluga le kololia o le Eteleno i le loto kolo, o tuu i le mauga leia i le potu esite o le kolo.

Esekiele 38:20

E lulu loa i oku mua a ika o le tai mo manu lele o le lagi, A manu o faisaga ti mo manu totolo fuli o le kele, Ti mo tagata fuli ala e mauli i aluga o le kele ; E sosolo loa a mauga ki lalo, E maluluku loa a utu fefeka ki lalo, Ti e sisiga loa ki le kele a kaua fuli.

Esekiele 43:2

Ti ko leinei, na au le kololia o le Atua o Iselaele i le potu esite. Na tatau lona leo mo le gugulu o vai lalasi, ti na gigila le malama nei i lona kololia.

Apakuki 3:6

E tuu a ia, ti e fuafua e ia le malama nei ki lona mata ; E tio a ia, ti e fakalulu e ia a atu puleaga. E mavasivasi a mauga lalasi afea, E sosolo a mauga liliki afea, E mavaavaa a ala afea i ona mua.

Sakalia 14:10

E liliu loa le fenua katoa ofaipe le fenua tokamalie, mei Kepa o kaku ki Limoni I le potu saute o Selusalemi ; Ti e malaga loa Selusalemi ki aluga ti e tuu loa a ia i lona tuuaga, Mei le matapa o Pesamino o kaku ki le uluaki matapa, O kaku ki le matapa o agele, Ti mei le tule o Ananeele o kaku ki tatauaga vino o le sau.

Sakalia 14:7

E toka tasi loa le aso lena, ti e iloa a ia e le Eteleno toka tasi, E leaise ao loa a ia pe pouli. Kae e sa loa le malama i le afiafi.

Sakalia 14:8

I le aso lena, e tafe loa ni vai mauli mei Selusalemi, Ti e tafe loa le tasi vaelua ki le tai o le potu esite, Ti ko le tasi vaelua ki le tai o le potu uesite ; E tatau loa i le temi vevela mo le temi momoko.

Sakalia 4:7

Ko ai a koe, mauga lasi ? E ke lapa loa i mua o Solopapele ! E teki loa e ia le fatu tafito i loto malie o ni kalaga fakafiafia : Kalasia, kalasia kiate ia !

Maleko 11:23

E kau pati maoki atu kia koutou, kapau e pati se tasi ki le mauga lena : Mavae mei lena, o vilo ki le tai, ti kapau e leaise lotolotolua fua a ia i lona loto, kae tui a ia e soko le nea leia e pati a ia ki ai, ti e tio loa a ia ki le soko o le nea lena.