Sakalia 14:16 - Tosi Tapu

¹⁶ Ko latou fuli ala e toe loa i atu puleaga fuli Ala na ano o tau ki Selusalemi E pale loa i fetuu fuli O atolasio ki le sau, le Eteleno o kau tau, Ti mo fakamanatu le aso o tapenakulo.

Sakalia 14:16 ပူးပေါင်းရင်းမြစ်များ

Lua tosi o Koloniko 8:13

Na momoli e ia le nea leia na fakatotonu e Moisese ki le aso taki tasi, mo sapato, mo masina foou, ti mo aso lalasi, o tua tolu i le fetuu, mo le aso lasi o pane sala fakatupu, mo le aso lasi o vasaa, ti mo le aso lasi o falela.

Esetalasi 3:4

Na lotou fakamanatu loa le aso o tapenakulo, ofaipe lona tuu i le tosi, ti na lotou momoli loa ni failaulau i aso taki tasi, o mulimuli ki le lasi o failaulau o le aso.

Pesalemo 66:4

E atolasio le malama nei katoa kiate koe ti e sua e ia lou mauiga ; E sua e ia lou suafa. - Manava.

Esaia 18:7

I le temi lena, e aumai loa ni moliga ki le Eteleno o kau tau, E le kakai makeke mo tagata lalasi, E le kakai fakaii talu mei lona tupu, E le puleaga makeke leia na takatakafi ia a nea fuli, E le fenua leia e tafe ai a vaitafe. E aumai loa latou ki le ganea leia e agai ai le suafa o le Eteleno o kau tau, Ki le mauga o Sione.

Esaia 19:21

Ti e iloa loa le Eteleno e le kau Esipito, Ti e iloa loa le kau Esipito e le Eteleno i le aso lena ; E lotou fai loa ni sakilifisio mo ni moliga, Ti e lotou fai loa ni fakapapau ki le Eteleno ti e lotou fakasoko loa latou.

Esaia 27:13

I le aso lena, e pupusi loa le fakatagi pupusi lasi, Ti e toe liliu mai loa latou ala na ave popula ki Asilia, Pe na sosola ki Esipito ; Ti e lotou su loa ki le Eteleno, I le mauga maokioki, i Selusalemi.

Esaia 6:5

Ti na kau pati loa : Malaia kiate au ! Kua kau puli noa, talie ko au ko se tagata leia e kelekele oku laugutu, ti e kau nofo i loto malie o se kakai leia e kelekele ona laugutu, kae kua tio oku mata ki le Sau, le Eteleno o kau tau.

Esaia 66:23

I masina foou fuli ti mo sapato fuli, E au loa a kakai fuli o atolasio kiate au, e pati le Eteleno.

Selemia 46:18

E kau mauli ! e pati le sau, Leia e igoa ko le Eteleno o kau tau : Ofaipe le Tapole i loto malie o atu mauga, Ofaipe le Kalemelo leia e oso ki le tai, E au loa le fili.

Selemia 48:15

Kua maumaui Moape, kua vela ona kolo, Kua tamate le kau lalasi o lona kau tagata tupulaga, E pati le sau, leia e igoa ko le Eteleno o kau tau.

Selemia 51:57

E kau fakainu loa ona sau ke konana, Mo ona kau poto, mo ona kovana, mo ona pule, mo ona tagata solia ; E lotou momoe loa i se moe lee gato, ti e leaise lotou toe ala loa, E pati le sau, leia e suafa ko le Eteleno o kau tau.

Oseo 12:9

Ti e pati Efalaimi : Kua kau soko maoki o mou koloa, Kua kau maua se koloa lasi ; Ti ko le fua katoa a ia o laku gaoi. E leaise maua loa iate au se agaveli, pe ko se nea fua e sala.

Soele 2:32

Ti ko leia e fetapa loa ki le suafa o le Eteleno e mauli loa ; E nofo loa le fakamauli i le mauga o Sione mo Selusalemi, Ofaipe le pati a le Eteleno, Ti mo lotolotoga o latou ala na saofaki, latou ala e kalagai loa e le Eteleno.

Mikea 4:2

E ano loa ki ai ni kakai toka api, ti e lotou pati loa : Kotou au, ti ke tou pale ki le mauga o le Eteleno, Ki le fale o le Atua o Sakopo, O tupu ke ako mai e ia kia tatou ona ala, Ti ke tou saele i ona ala liliki. Talie e au loa le lao mei Sione, Ti mei Selusalemi le folafola a le Eteleno.

Sakalia 14:9

E sau loa le Eteleno i le malama nei katoa. I le aso lena, e toka tasi loa le Eteleno, Ti e toka tasi loa lona suafa.

Sakalia 9:7

E kau too loa le toto i lona gutu, Ti mo nea fakalialia i ona nifo ; E kau loa mo ia foki ki lotatou Atua, Ti e fai loa a ia pe se pule i Suta, Ti e fai loa Ekeloni pe le kau Sepusi.

Malakia 1:14

Malaia le tagata kaka leia e maua ia i lana kau manu se manu tagata, Kae e soli e ia ke momoli ki le Aliki se manu kala ! Talie ko au ko se sau lasi, e pati le Eteleno o kau tau, Ti e fakaii loku suafa i lotolotoga o atu puleaga.

Luka 19:38

Ti na lotou pati loa : Manuia le sau leia e saele mai i le suafa o le Aliki ! Tokamalie i le lagi, ti kololia i potu taualuga ai !

Soane 1:49

Na tali loa Natanaele, o toe pati : Pule, ko koe ai ko le Alo o le Atua, ko le Sau o Iselaele.

Soane 7:2

Kae kua ofi le aso lasi o le kau Sutea, ko le aso o Tapenakulo.

Gaoi 15:17

O tupu ke afa le Aliki e le toetoega o tagata, Ti mo puleaga fuli e puaki ai loku suafa. Epati le Aliki, leia e fai ia a nea ana,

Loma 11:16

Talie kapau e maokioki a uluaki fua, e toe fenaaki foki mo le fua katoa ; ti kapau e maokioki le aka, e toe fenaaki foki mo laa.

Loma 11:26

Ti o fakamauli loa a Iselaele katoa, o mulimuli ki le nea e tuu i le Tosi : E au loa le fakamauli mei Sione, Efakamaliu loa e ia meia Sakopo a agasala ;

Loma 11:5

Ti e toe fenaaki foki i le temi nei, e i ai se toetoega o mulimuli ki le filifili o le kalasia.

Apokalipisi 11:13

I le ola lena, na to loa se mafuike lasi, ti na solo loa ki lalo le vaega kau agafulu o le kolo ; ti na mamate loa a tagata e tino fitu afe i le mafuike lena, ti ko le toega o le kakai na lulu loa i le i, ti na lotou fakakololia loa ki le Atua o le lagi.

Apokalipisi 19:16

Ti na tuu i lona pulupulu mo lona kauaga se igoa kua tosi : Sau o atu sau, mo Aliki o atu aliki.