Sakalia 13:9 - Tosi Tapu

⁹ E kau tuku loa le vaega tolu lena ki le afi, Ti e kau fakamea loa a ia ofaipe le fakamea o le paaga, E kau fakamea loa a ia ofaipe le fakamea o le aulo i le afi. E fetapa loa a ia ki loku suafa, ti e kau tali loa kiate ia, E kau pati loa : Ko loku kakai ! Ti e pati loa a ia : Ko le Eteleno ko loku Atua !

Sakalia 13:9 ပူးပေါင်းရင်းမြစ်များ

Lua tosi a Samuele 7:24

Na ke fakamakeke lou kakai ko Iselaele, o tupu ke liliu a ia ko lou kakai o lee gato ; ti ko koe, ei Eteleno, kua ke liliu ko lona Atua.

Sopo 23:10

Kae e iloa malie e ia le ala leia na kau ano ai ; Kua asiasii e ia au, kae kau mavae loa mei ai kua kau mea ofaipe le aulo.

Sopo 28:1

E maua ke i ai se lameni leia ke too mei ai le paaga, Ti mo se ganea leia ke too mei ai le aulo o fakamea.

Pesalemo 144:15

Manuia le kakai leia e fenaaki ! Manuia le kakai leia e Atua ki le Eteleno !

Pesalemo 43:4

E kau ano loa ki le aletale o le Atua, o le Atua, ko loku fiafiaaga mo loku nekenekeaaga, Ti e kau fakafetai loa kiate koe i le alepe, ei Atua, ko loku Atua !

Pesalemo 50:15

Ti ke ke fetapa mai kiate au i le aso o le mamae ; Ti e kau saofaki loa a koe, ti e ke fakakololia loa kiate au.

Pesalemo 91:15

E kalaga loa a ia kiate au, ti e kau tali loa kiate ia ; E kau nofo loa mo ia i le mamae ; E kau saofaki loa a ia, ti e kau fakakololia loa a ia.

Taagapati 17:3

E asiasii le aulo mo le siliva i le kulo saka ukamea, Kae ko leia e asiasii ia a loto, ko le Eteleno.

Katiko o Katiko 2:16

Ko loku alofaaga a aku ; ti ko au, a ana ; E fagai e ia lana kau manu i lotolotoga o lilio.

Esaia 43:2

Kapau e ke ano i atu vai, e kau nofo loa mo koe ; Ti kapau e ke ano i ni vaitafe lalasi, e leaise ke ogo loa ; Kapau e ke saele i le afi, e leaise ke vela loa, Ti e leaise tutu loa a koe e le ula.

Esaia 48:10

Na kau tuku a koe ki le gutuumu kaka, kae na leaise ko le gutuumu leia e fakamea ai le paaga ; Na kau asiasii a koe i le gutuumu o le mamae.

Esaia 58:9

Ti e ke kalaga loa, ti e tali atu loa le Eteleno kiate koe, E ke tagi loa, ti e pati loa a ia : Ko leinei au ! Kapau e ke fakamamao iate koe le kavega mamafa, Le ta fakaitaita o lima, ti mo le masau lauveli,

Selemia 24:5

E folafola le Eteleno, le Atua o Iselaele : Ofaipe lau fakamailoga a fiki malilie ana, e kau fakamailoga loa, ke tuku kia latou loku alofa, le kau popula o Suta, ala na kau ave mei le ganea leinei ki le fenua o le kau Kaletea.

Selemia 30:22

E kotou liliu loa ko loku kakai, Ti e kau liliu loa ko lokoutou Atua.

Selemia 31:33

Kae ko leinei le sai leia e kau fai loa mo le fale o Iselaele, I le oki a aso ana, e pati le Eteleno : E kau tuku loa laku lao ki olatou loto, E kau tosi loa a ia i olatou mafu, Ti e kau liliu loa ko lolatou Atua, Ti e lotou liliu loa ko loku kakai.

Selemia 32:38

E lotou liliu loa ko loku kakai, Ti e kau liliu loa ko lolatou Atua.

Selemia 9:6

E tuu lou nofoaga i loto malie o le kaka ; E leaise lotou fia iloa au, o tupu ko le fai kaka, E pati le Eteleno.

Esekiele 11:20

O tupu ke lotou mulimuli i aku fakatotonu, Ti ke lotou tausi mo fai aku lao ; Ti e lotou liliu loa ko loku kakai, ti e kau liliu loa ko lolatou Atua.

Esekiele 14:11

O tupu ke aua na toe sese le fale o Iselaele o mamao iate au, ti ke aua na toe fakalialia a ia i ana agasala fuli. Ti e lotou liliu loa ko loku kakai, ti ko au, e kau liliu loa ko lolatou Atua, e pati le Aliki, le Eteleno.

Esekiele 20:38

E kau vaei kese loa i a koutou le kau agatuu mo latou e agasala kiate au ; ti e kau too loa latou i le fenua leia e lotou matapule ai, kae e leaise lotou ano loa ki le fenua o Iselaele. Ti e kotou iloa loa ko au ko le Eteleno.

Esekiele 36:28

E kotou nonofo loa i le fenua leia na kau soli ki okoutou tamana ; ti e kotou liliu loa ko loku kakai, ti e kau liliu loa ko lokoutou Atua.

Esekiele 37:27

E tuu loa loku nofoaga i lotolotoga o latou ; e kau nofo loa i ai ko lolatou Atua, ti ko latou ko loku kakai.

Taniela 11:35

Ti e mamate loa ni iki o le kau poto, o tupu ke fakamea latou, mo fakagigila, mo fakatea, o kaku ki le temi o le fakaoki, talie koi soko loa a ia i lona temi leia kua fakatotonu ki ai.

Taniela 12:10

E toka api loa latou ala e fakamea loa, mo fakatetea loa, ti mo asiasii loa. E soko atu loa e le kau agatuu le fai o le veli, talie leaise lotou matala fua ki se nea, kae e matala loa latou ala e atamai.

Soele 2:32

Ti ko leia e fetapa loa ki le suafa o le Eteleno e mauli loa ; E nofo loa le fakamauli i le mauga o Sione mo Selusalemi, Ofaipe le pati a le Eteleno, Ti mo lotolotoga o latou ala na saofaki, latou ala e kalagai loa e le Eteleno.

Levitiko 26:12

E kau saele loa i loto malie o koutou, ti e kau liliu loa ko lokoutou Atua, ti e kotou liliu loa ko loku kakai.

Sakalia 10:6

E kau fakamakeke loa le fale o Suta, Ti e kau saofaki loa le fale o Sosefo ; E kau toe aumai loa latou, talie e kau alofa loa kia latou, Ti e lotou fai loa pe ni iki ala na leaise kau tiaki ; Talie ko au ko le Eteleno, lolatou Atua, ti e kau tali loa latou.

Sakalia 12:10

Ti e kau liligi loa ki le fale o Tavite ti mo le kakai o Selusalemi Se laumalie o le alofa ti mo le tagi, Ti e lotou tagaki loa olatou mata kiate au, leia na lotou sokai ki le tao. E lotou tagi mamae loa kiate ia ofaipe le tagi ki se vosa fuatasi, E lotou tagi mamae loa kiate ia ofaipe le tagi ki se vosa uluaki.

Sakalia 8:8

E kau aumai loa latou, ti e lotou nonofo loa i loto malie o Selusalemi ; e lotou liliu loa ko loku kakai, ti e kau liliu loa ko lolatou Atua i le maoki mo le faitotonu.

Gaoi 2:21

Ti ko leia e fetapa loa ki le suafa o le Aliki, e fakamauli loa.

Epelo 8:10

Kae ko leinei le sai leia e kau fai loa mo le fale o Iselaele. Ile oki o aso ana, e pati le Aliki : Ekau tuku loa aku lao ki olatou loto, Ti e kau tosi loa latou i olatou mafu, Ti e kau liliu loa ko lolatou Atua, Ti e lotou liliu loa ko loku kakai.

Sakopo 1:12

Manuia le tagata leia e kataki fualoa i le asiasii ; talie, ka oki loa lona asiasii, e tali loa e ia le pala o le mauli, leia na fakapapau e le Aliki kia latou ala e alofa kiate ia.

Uluaki tosi a Petelo 4:12

Ei oku alofaaga, aua na kotou punamauli i le gutuumu kaka o le asiasii leia e kotou lolotoga ai, o sakinake kua soko kia koutou se nea foou.

Apokalipisi 21:7

Ko leia e malo loa e maua tofiga loa e ia a nea ana. E kau liliu loa ko lona Atua, ti e liliu loa a ia ko loku vosa.

Apokalipisi 8:10

Ko le tolu aselo na pupusi ia loa lana fakatagi pupusi. Ti na vilo loa mei le lagi se fetuu lasi kua ula ofaipe se taume ulaula ; na vilo loa a ia ki le vaega tolu o vaitafe mo matapuna vai.

Apokalipisi 8:11

Ko le igoa o le fetuu lena ko Apisinite kona ; ti ko le vaega tolu o vai na liliu loa o kona, ti na mamate loa se toka api i vai ana, talie kua lotou liliu o kona.

Apokalipisi 8:12

Ko le fa aselo na pupusi ia loa lana fakatagi pupusi. Ti na taai loa le vaega tolu o le laa, mo le vaega tolu o le masina, ti mo le vaega tolu o fetuu, o tupu ke puli ai le vaega tolu o lolatou malama ; ti na puli loa le vaega tolu o le malama o le ao, ti na toe fenaaki foki mo le pouli.

Apokalipisi 8:7

Ko le uluaki aselo na pupusi ia loa lana fakatagi. Ti na to loa ki le kele malo se ua fatu ti mo se afi, kua filo mo le toto ; ti na vela loa le vaega tolu o le kele malo, ti na vela loa le vaega tolu o laakau, ti na vela loa a mutie sesega fuli.

Apokalipisi 8:8

Ko le lua aselo na pupusi ia loa lana fakatagi pupusi. Ti na ti loa ki le tai se nea leia na faipe se mauga lasi kua mu i le afi ; ti na liliu loa o toto le vaega tolu o le tai,

Apokalipisi 8:9

ti ko le vaega tolu o nea ala na mauli i le tai na mamate loa, ti ko le vaega tolu o vaka na maumau loa.