Sakalia 13:7 - Tosi Tapu

⁷ Seleta, oso ki laku tagata tausi manu Ti mo le tagata leia ko loku kaukau nea ! E pati le Eteleno. Taai le tagata tausi manu, Ti ke mavete a ovi ! Ti e kau fakamaliu loa loku lima kia latou ala e gagae.

Sakalia 13:7 ပူးပေါင်းရင်းမြစ်များ

Pesalemo 2:2

Kolea kua malaga ai ki aluga a sau o le malama nei, Ti kua kau ai a pule mo latou, O agatuu ki le Eteleno mo lona mesia ?

Esaia 1:25

Ti e kau teki loa loku lima kiate koe, E kau tutu loa ke puli le sikoli leia e piki iate koe, ofaipe le gaoi a le potase, Ti e kau too loa a ga penui pulu fuli iate koe.

Esaia 27:1

I le aso lena, e taai loa e le Eteleno ki lana seleta lasi, mo fakaii, mo makeke, Le leviatane, gata kaikivao, Le leviatane, gata pikopiko ; Ti e tamate loa e ia le talakone leia e nofo i le tai.

Esaia 40:11

Ofaipe se tagata tausi manu, e fagai loa e ia lana kau manu, E too loa e ia a akeno i ona lima, Ti e luluku loa e ia latou i lona fatafata ; E taki loa e ia a ovi fafine ala e fakau olatou uviki.

Esaia 9:6

E fakamafola loa e ia lana pule ki atu puleaga, E tuku loa e ia le tokamalie lee gato ki le ekeekeaga fakasau o Tavite, mo lona puleaga, Ti e fakamakeke loa e ia a ia ti mo poupou a ia ki le lao mo le faitotonu, I le temi nei o lee gato : Ko lena le nea e fai loa e le Eteleno o kau tau i lona alofa lasi.

Selemia 47:6

Oiau ! Seleta a le Eteleno, e ke manavanava loa afea ? Ulu ki lou tukuaga, taofi, malolo !

Esekiele 21:28

Kae na pati le kakai o Selusalemi e leaise aoga o le nea lena talie kua puipui latou e se fakapapau. Kae na manatui e le sau o Papilone lalatou agatuu, o fakasa kia latou e ave loa latou o popula.

Esekiele 21:3

E ke pati loa ki le vaomatua o le potu saute : Fakalogo mai ki le folafola a le Eteleno ! E folafola le Aliki, le Eteleno, o pati : E kau tafu loa se afi i loto malie o ou, Ti e tutu loa e ia a laakau sesega fuli mo laakau malo fuli ; E leaise toe mate loa le ula makeke, Ti e vela loa mata fuli i ai, i le potu saute ki le potu noleto.

Esekiele 37:24

E liliu loa laku tagata fakasausau ko Tavite ko lolatou sau, ti e lotou maua fuli loa se tagata tausi ovi e tasi. E lotou mulimuli loa ki aku fakatotonu, ti e lotou tausi loa aku lao ti mo fai loa latou.

Esekiele 7:6

Kua au le fakaoki, kua au le fakaoki, kua ala ake a ia kiate koe ! Ko leinei kua au a ia !

Mikea 5:2

Koia leia e tuku ai loa e ia lona kakai O kaku ki le temi leia e fanau ai loa leia e tonu ke liliu o tinana, Ti ko le toega o ona fetaina E toe liliu mai loa ki fanau o Iselaele.

Mikea 5:4

Ko ia leia e aumai ia loa le tokamalie. Ka au loa le tagata Asilia ki lotatou fenua, Ti ka ulu loa a ia ki otatou fale sau, E tou lagai loa kiate ia ni tagata tausi manu e toka fitu, Ti mo ni pule o le kakai e toka valu.

Sakalia 11:11

Na motusi loa le sai i le aso lena ; ti ko ovi fakaaloalofa ala na tokaga kiate au, na fakamaoki loa i ai ki le folafola a le Eteleno.

Sakalia 11:4

Koia e folafola ai le Eteleno, loku Atua, o pati : Fagai a ovi ala e fakatuutuu ki le fale tamate manu !

Sakalia 11:7

Ti na kau kamata fagai loa le kau ovi leia na tonu ke ave ki le fale tamate manu, latou ala na fakaaloalofa lasi i le kau manu. Na kau too loa a tokotoko e lua : Na kau fakaigoa le tasi ko KALASIA, ti na kau fakaigoa le tasi ko FAKATASI. Ti na kau fagai loa le kau ovi.

Mateo 1:23

Ko leinei, e tinae loa le taupoou, e fanaui loa e ia se vosa, ti e soli loa kiate ia le igoa ko Emanuele, ko lona uiga ko le Atua mo tatou.

Mateo 10:42

Ti ko leia e soli ia loa se ipu vai momoko e tasi ki se tasi i toe liliki anei talie ko laku tisipulo a ia, e kau pati maoki atu kia koutou, e leaise puli loa lona fakapale.

Mateo 11:27

Kua soli mai a nea fuli kiate au e loku Tamana, ti e leaise tasi e iloa ia le Alo, gato fai ki le Tamana ; e leaise tasi e iloa ia le Tamana, gato fai ki le Alo ti mo leia e fakasa ki ai e le Alo.

Mateo 18:10

Kotou tokaga na kotou nukinuki ki se tasi fua o toe liliki anei ; talie e kau pati atu kia koutou e tio tuumau olatou aselo i le atu lagi ki mata o loku Tamana leia e nofo i le atu lagi.

Mateo 18:14

Koia e leaise ko le finegalo ai o lokoutou Tamana i le atu lagi ke puli se toka tasi o toe liliki ana.

Mateo 26:31

Ti na pati loa Sesu kia latou : I le po leinei e kotou tiaki fuli loa au ; talie e tuu i le tosi : E kau taai loa le tausi ovi, ti e mavetevete loa le kau ovi.

Mateo 26:56

Kae kua soko a nea fuli ana ke fakasoko ai a folafola ala na tosi e le kau polofeta. Ti na tiaki loa a ia e le kau tisipulo fuli, kae lotou fesolaki.

Maleko 14:27

Na pati loa Sesu kia latou : E kotou siga fuli loa ; talie kua tosi : E kau taai loa le tausi ovi, ti e mavetevete loa a ovi.

Maleko 14:50

Ti na tiaki loa a ia e ana tisipulo fuli, kae lotou fesolaki loa.

Luka 12:32

Aua na kotou i, ga kau manu ikiiki ; talie kua malie ki lokoutou Tamana ke tuku atu kia koutou le puleaga.

Luka 17:2

E malie ake kiate ia ke nonoa se fatufuaga ki lona ua, ti ke ti a ia ki le moana, i lana fakasalai se tasi i ga toe liliki anei.

Soane 1:29

I leia ake a aso, na tio loa Soane kia Sesu e au kiate ia, ti na pati loa a ia : Ko leinei le Akeno o le Atua, leia e fakamolemole ia le agasala o le malama nei.

Soane 10:30

Ko au mo le Tamana e ma toka tasi.

Soane 10:38

Kae kapau e kau fai latou, tatau foki pe leaise kotou tui mai kiate au, kotou tui fua ki gaoi ana, o tupu ke kotou iloa ti ke kotou fakamaoki e nofo iate au le Tamana, ti mo au e nofo i le Tamana.

Soane 14:1

Aua na mamae okoutou loto. Kotou tui ki le Atua, ti kotou tui foki kiate au.

Soane 14:23

Na tali loa Sesu kiate ia : Kapau e alofa se tasi kiate au, ti e fai loa e ia laku folafola, ti e alofa loa loku Tamana kiate ia ; e ma au loa kiate ia, ti e ma fai loa loma nofoaga iate ia.

Soane 16:15

Ko nea fuli ala e maua e le Tamana a aku ; koia na kau pati ai, e too e ia mei le nea leia a aku, o fakasa atu loa a ia kia koutou.

Soane 16:32

Ko leinei, e au le ola, ti kua au foki a ia, leia e kotou mavetevete ai loa, kae kotou tuku loa au toka tasi ; kae e leaise kau toka tasi, talie e nofo le Tamana mo au.

Soane 5:23

o tupu ke fakaapaapa fuli ki le Alo ofaipe lalatou fakaapaapa ki le Tamana. Ko leia e leaise fakaapaapa ki le Alo, e leaise fakaapaapa a ia ki le Tamana leia na kakau ia mai le Alo.

Soane 8:58

Na pati loa Sesu kia latou : E maoki, e maoki, e kau pati atu kia koutou, i mua o le tupu o Apalaamo, e kau agai.

Gaoi 2:23

ko le tagata lena na fakatau o mulimuli ki le fakatuutuu mo le poto o le Atua, ti na kotou tutuki a ia i se koluse, ti na kotou tuku a ia ke tamate e le lima o tagata agasala.

Loma 4:25

leia na tuku ke mate o tupu ko atatou agasala ti kua toe tuuake o tupu ko lotatou fakamatatonu.

Loma 8:32

a ia leia na leaise saofaki ia lona Alo totonu, kae na soli e ia a ia o tupu ko tatou fuli, pe feaki ke aua na soli mai loa e ia kia tatou a nea fuli foki mo ia ?

Lua tosi ki le kau Kolinto 5:21

Ko leia na leaise iloa ia le agasala, na fakaliliu a ia e le Atua ko le agasala kia tatou, o tupu ke tou liliu iate ia ko le faitotonu a le Atua.

Kalate 3:13

Na totogi tatou e Kilisito mei le malaia o le lao, o liliu a ia ko se malaia o tupu ko tatou - talie e tuu i le Tosi : Malaia leia e tautau i le laakau -

Filipe 2:6

Ko ia, na natula tatau a ia mo le Atua, kae na leaise tio a ia ki lona tatau mo le Atua ofaipe se nea ke tatai fakamakeke,

Epelo 13:20

Ko le Atua o le tokamalie, leia na toe aumai ia mei le kau mate le tagata tausi ovi lasi o ovi, ki le toto o se sai lee gato, lotatou Aliki ko Sesu,

Uluaki tosi a Petelo 3:18

Talie ko Kilisito foki na mamae o tua tasi o tupu ko le agasala, a ia leia na agatonu ki le kau lee agatonu, o tupu ke aumai e ia tatou ki le Atua ; ti na tamate a ia i lona tino fakatagata, kae na toe aumai a ia ki le mauli e le Laumalie.

Uluaki tosi a Petelo 5:4

Ti ka sa mai loa le Tagata tausi ovi lasi, e kotou maua loa le pala lee popo o le kololia.

Uluaki tosi a Soane 2:2

Ko ia totonu ko le vikitima fakamolemole o atatou agasala, ti e leaise gato fua ki atatou agasala, kae ki agasala foki a le malama nei katoa.

Apokalipisi 1:11

leia na pati : Ko le nea leia e ke tio ki ai, tosi a ia i se tosi, o fakamomoli a ia ki Ekelesia e fitu, ki Efeso, mo Similene, mo Pelekame, mo Tiatile, mo Salete, mo Filatelefia, ti mo Laotise.

Apokalipisi 1:17

I laku tio kiate ia, na kau fakamapee loa i ona vae ofaipe se tasi leia kua mate. Kae na teki loa e ia lona lima atamai kiate au, o pati : Aua na ke i !

Apokalipisi 1:8

E pati le Aliki Atua, ko au ko le alefa mo le omeka, leia e agai, leia na agai, leia e au, le Mafimafi.

Apokalipisi 13:8

Ti na atolasio loa kiate ia a kakai fuli o le malama nei, latou ala na leaise tosi olatou igoa i le tosi o le mauli a le Akeno, leia na tamate talu mei le fakatupu o le malama nei.

Apokalipisi 2:23

E kau tautea loa ki le mate ana fanau ; ti e iloa loa e Ekelesia fuli ko au leia e ului ia a ifiifi mo mafu, ti e kau totogi loa ki le tagata taki toka tasi o mulimuli ki ana gaoi.

Apokalipisi 21:6

Ti na pati mai loa a ia kiate au : Kua fai ! Ko au ko le alefa mo le omeka, ko le kamataaga mo le gatoaga. E kau soli noa le vai o le matapuna o le mauli ki leia e fia inu.