Sakalia 12:4 - Tosi Tapu

⁴ I le aso lena, e pati le Eteleno, E kau taai loa a osi fuli ki le ulu vale, Ti mo latou ala e eke i osi ki le valea. Kae e kau fakamavaa loa oku mata ki le fale o Suta, I le aso leia e kau tautea ai loa ki le kivi a osi fuli o kakai.

Sakalia 12:4 ပူးပေါင်းရင်းမြစ်များ

Uluaki tosi o Sau 8:29

O tupu ke agai ou mata ki le fale leinei i le po mo le ao, ki le ganea leia na ke pati ki ai : E kau fakasa loa i ai loku agai. Fakalogo mai ki le kole leia e fai atu kiate koe e lau tagata fakasausau i le ganea leinei.

Lua tosi o Sau 6:14

Na kakau loa e le sau ki ai ni osi, mo ni saliote, mo se solia makeke, ala na kaku loa i le pouli ti na a takatakai ia loa le kolo.

Lua tosi o Sau 6:18

Na ifo loa le kau Silia kia Eliseo. Ti na fai loa e Eliseo le kole leinei ki le Eteleno : E kau kole atu kiate koe ke ke taai le kakai leinei ke kivi ! Ti na taai loa latou e le Eteleno o kivi, o mulimuli ki le kole a Eliseo.

Lua tosi o Koloniko 6:20

Ke ke tuku tuumau ou mata i le ao mo le po ki le fale leinei, ki le ganea leia kua ke pati ki ai : E agai loa i ai loku suafa ! Ke ke fakalogo ki le kole leia e fai e lau tagata fakasausau i le ganea leinei.

Lua tosi o Koloniko 6:40

I le lakaga nei, ei loku Atua, ke mavaa ou mata, ke logo ou taliga ki le kole leia e fai i le ganea leinei !

Lua tosi o Koloniko 7:15

I le aso lena, e mavaa loa oku mata, ti e logo loa oku taliga ki le kole leia e fai i le ganea leinei.

Neemia 1:6

Ke tokaga mai lou taliga, ti ke tio mai ou mata, o fakalogo ki le kole leia e fai atu kiate koe e lau tagata fakasausau i le lakaga nei, i le ao mo le pouli, ki au tagata fakasausau a fanau o Iselaele, o kofesio a agasala a fanau o Iselaele, amatou agasala kiate koe ; talie kua motou agasala kiate koe, a au mo le fale o loku tamana.

Esaia 24:21

I le temi lena, e tautea loa e le Eteleno i le lagi le kau tau o aluga, Ti mo sau o le malama nei i le malama nei.

Esaia 37:17

Eteleno, tokaga mai lou taliga, o fakalogo ! Eteleno, fakamavaa ou mata, o tio ! logo ki masau fuli ala kua fai e Sanekelipe, o tauvele ki le Atua mauli !

Selemia 24:6

E kau tio loa kia latou i loku alofa, ti e kau toe aumai loa latou ki le fenua leinei ; e kau fakanofo loa latou i le fenua, ti e leaise kau toe maumaui loa latou, e kau to loa latou ti e leaise kau toe taaki loa latou.

Esekiele 38:4

E kau fakapiki loa se matau ki ou kaugutu, ti e kau toso loa a koe. E kau fakamavae loa a koe i lou fenua, a koe mo lau solia katoa, A osi mo tagata ekeosi, Ala na teu fulumalilie fuli, Ko se solia toka api leia na too ia le paletau lasi mo le paletau ikiiki, Ala na poto i tau ki le seleta.

Esekiele 39:20

E kotou makokona loa i loku laupapa i le kanofi o osi mo le kau ekeosi, I le kanofi o le kau toa mo kau tau fuli, E pati le Aliki, le Eteleno.

Taniela 9:18

Ei loku Atua, tokaga mai lou taliga, ti ke fakalogo mai ! fakamavaa ou mata ti ke tio ki maumau, ke ke tio ki le kolo leia e kalagai ai lou suafa ! E leaise motou fai atu amatou tagi o tupu ko lamatou faitotonu, kae o tupu ko lou manava alofa lasi.

Sakalia 10:5

E lotou fai loa pe ni kau toa i le tau o takatakafi latou ala e tau kia latou ofaipe le efu o le ala. E lotou tau loa, talie e nofo loa le Eteleno mo latou ; Kae e apele loa i le luma latou ala e eke i ni osi.

Sakalia 12:11

I le aso lena, e lasi loa le tagi laulau i Selusalemi, Ofaipe le tagi laulau kia Atatilimoni i le vaivailiua o Mekito.

Sakalia 12:3

I le aso lena, e kau fakaliliu loa Selusalemi ko se fatu mamafa ki kakai fuli ; Ko latou fuli ala e siki ia loa a ia e lavelavea loa ; Ti e fakatasi loa a atu puleaga fuli o le malama nei kiate ia.

Sakalia 12:5

E pati loa a pule o Suta i olatou loto : E maua loa le makeke o le kakai o Selusalemi I le Eteleno o kau tau, lolatou Atua.

Sakalia 12:6

I le aso lena, e kau fakaliliu loa a pule o Suta Ke faipe se mata afi kaka i loto o se tuuga fafie, Pe se taume ulaula i se tuuga penu ; E lotou kai loa i le fetuu atamai mo le fetuu sema a kakai fuli ala e takatakai ia latou, Ti e nofo loa Selusalemi i lona nofoaga, i Selusalemi.

Sakalia 14:15

E toe taai foki e le malaia a osi, Mo mule, mo kamelo, mo asino, Ti mo manu fuli ala e maua loa i nofolaga solia ana : E tatau le malaia lena mo leia ake.

Sakalia 9:8

E kau nofo loa o takatakai loku fale o puipui a ia i se solia, Meia latou ala e ano ti au, Ti e leaise toe fakalaka loa le tagata fakaveliveli i tafa o loku kakai ; Talie i le temi nei e tio mau oku mata kiate ia.

Gaoi 17:30

Kae na leaise fakaaoga e le Atua a temi ala na nofo ai a tagata i le fakapouli, kae kua fakasa e ia i le temi nei ki tagata fuli i ganea fuli, e tonu ke lotou fakasemala,

Tetelonome 28:28

E tautea loa a koe e le Eteleno ki le ulu vale, mo le mata fakapouli, mo le valea.