Sakalia 12:1 - Tosi Tapu

¹ Folafola kikite, folafola mamafa a le Eteleno ki Iselaele. Koia e folafola ai le Eteleno, leia na folasi ia le atu lagi ti na fakatafito ia le kele, Leia na fau ia le laumalie o le tagata iate ia.

Sakalia 12:1 ပူးပေါင်းရင်းမြစ်များ

Senesi 1:8

Na fakaigoa loa e le Atua le vasa ko le lagi. Ti na i ai loa se afiafi, ti na i ai loa se usu : ko le lua aso loa a ia.

Senesi 2:7

Na fau loa e le Eteleno Atua le tagata mei le efu o le kele, ti na pupusi loa a ia ki ona pogoisu se tukumanava o le mauli, ti na liliu loa le tagata ko se laumalie mauli.

Sopo 26:7

E folasi e ia le potu noleto o le lagi i aluga o le aele noa, Ti e tautau e ia le kele i aluga o le aele noa.

Sopo 37:18

Pe ke mafai ia le folasi o le lagi ofaipe ia, Ke fefeka ofaipe se tiloata ukamea na saka ?

Pesalemo 104:2

E kofu e ia le malama ofaipe se taupulupulu ; E folasi e ia le lagi ofaipe se falela.

Pesalemo 134:3

Ke tapuaki le Eteleno kiate koe mei Sione, A ia leia na fai ia le lagi mo le kele !

Ekelesiasi 12:7

leia e tuania ai loa ki le nea leia e taualuga, leia e maua ai loa ni i i le ala, leia e se ai loa le amatie, leia e mamafa ai loa le seseivaka, leia e puli ai loa le manogi o le kapele, talie e ano le tagata ki lona nofoaga lee gato, ti e ano loa le kau tagi laulau i ala ;

Esaia 40:12

Ko ai na fua ia le lasi o atu vai i lona alofilima ? Ko ai na fuafua ia le lau lasi o le lagi ki lona alofilima ? Ko ai na tanaki ia le kele katoa o le malama nei ke o i se pakete ? Ko ai na fua ia le mamafa o mauga lalasi mo mauga liliki ki se fua ?

Esaia 40:22

Ko ia leia e ekeeke i aluga o le lagi leia e takatakai ia le malama nei, Ti ko latou ala e nofo i ai e tatau mo lomimi ; E folasi e ia le lagi ofaipe se kie maamaa, E fola e ia latou ofaipe se falela, ke fai ai lona nofoaga.

Esaia 42:5

Ko leinei le folafola a le Atua, le Eteleno, Leia na fakatupu ia le lagi ti na folasi ia a ia, Leia na fakatokatoka ia le kele mo nea fuli i ai, Leia na soli ia le tukumanava kia latou ala e mauli i ai, Ti mo le aele kia latou ala e saele i ai.

Esaia 44:24

Ko leinei le folafola a le Eteleno, leia na totogi ia a koe, Leia na fau ia a koe mei lou tupu : Ko au, le Eteleno, na kau fai ia a nea fuli, Ko au toka tasi leia na folasi ia a atu lagi, Ko au toka tasi leia na fola ia le malama nei.

Esaia 45:12

Ko au leia na fai ia le kele, Ti na fakatupu ia le tagata leia e mauli i ai. Ko au, ti ko oku lima ala na folasi ia a atu lagi, Ti ko au foki leia na fakatuutuu ia lona kau tau.

Esaia 45:18

Talie ko leinei le folafola a le Eteleno, Leia na fakatupu ia a atu lagi, le Atua e tasi, Leia na fau ia le malama nei, leia na fai ia a ia ti na fakamakeke ia a ia, Leia na fau ia a ia ke aua na lavaki, Leia na fakatupu ia a ia ke nofoi : Ko au ko le Eteleno, ti e leaise tasi ake Atua.

Esaia 48:13

Na fakatuu e loku lima le malama nei, Ti na folasi e loku lima atamai a atu lagi : E kau kalagai latou, ti e lotou au aifai.

Esaia 51:13

Pe kua ke galoi loa le Eteleno, leia na fai ia a koe, Leia na folasi ia a atu lagi ti na fakatuu ia a fakatafito o le kele ? Ti e ke lulu loa i le aso katoa i mua o le ita o le tagata fakaveliveli, Talie e afa e ia ke maumaui ? Kofea loa le ita o le tagata fakaveliveli ?

Esaia 57:16

E leaise kau loto ke valoki o lee gato, Pe ke taofi se sausau lee gato, Kae i oku mua e vivilo a laumalie i le gaegae, A laumalie ala na kau fai.

Selemia 10:12

Na fakatupu e ia le kele i lona mafimafi, Na fakatuu e ia a fakatafito o le malama nei i lona poto, Ti na folasi e ia a atu lagi i lona atamai.

Selemia 30:10

Ti ko koe, Sakopo, laku tagata fakasausau, aua na ke i, e pati le Eteleno ; Aua na loto gaegae, Iselaele ! Talie e kau saofaki loa a koe i le kele mamao, E kau saofaki loa lou sakoga i le fenua leia na nofo popula ai. E toe liliu loa Sakopo, ti e fiafia loa a ia i le malolo mo le fimalie, Ti e leaise toe fakaveli loa se tasi kiate ia.

Selemia 30:16

Kae e maoki e kai loa latou fuli ala na kai ia a koe, Ti ko ou fili fuli, io fulifuli, e ano loa ki le popula ; Ko latou ala na fakatelefua ia a koe e telefua loa, Ti e tuku loa ki le kaia latou fuli ala na kaia ia a koe.

Selemia 38:16

Ti na fakapapau fakafufu loa le sau ko Setesiasi kia Selemia, o pati : E mauli le Eteleno, leia kua soli ia kia tatou le mauli ! E leaise kau tamate loa a koe, ti e leaise kau tuku loa a koe ki lima o kau tagata anei ala e loto ki lou mauli.

Selemia 50:34

Kae e makeke leia e totogi ia latou, Leia e igoa ko le Eteleno o kau tau. E puipui loa e ia lolatou mauli, O tupu ke tuku le malolo ki le fenua Ti ke lulu le kakai o Papilone.

Selemia 51:15

Na fakatupu e ia le malama nei i lona mafimafi, Na fakatafito e ia le kele i lona poto, Na folasi e ia le atu lagi i lona atamai.

Tagi laulau a Selemia 2:14

Na fakasa e au polofeta kiate koe ni folafola loi mo kaka ; Na leaise lotou fakasa lau agaveli, O tupu ke tulei kese iate koe le popula ; Na lotou tuku atu kiate koe ni folafola loi mo kaka.

Esekiele 18:4

Ko leinei, ko laumalie fuli a aku, le laumalie o le vosa ofaipe le laumalie o le tamana, a aku le laumalie o leia mo le laumalie o leia ; ko le laumalie leia e agasala, ko ia leia e mate loa.

Soele 3:19

E maumau loa Esipito, E liliu loa Etome o toafa, O tupu ko agamakeke ki fanau o Suta, Ala na lotou liligi le toto saosaoa i lolatou fenua.

Soele 3:21

E kau totogi loa lolatou toto Leia na leaise totogi. Ti e nofo loa le Eteleno i Sione.

Sakalia 9:1

Folafola kikite, folafola a le Eteleno ki le fenua o Atalake ; E kaku foki lana folafola ki Tamaso, Talie e tuku e le Eteleno ona mata ki tagata fuli Ofaipe lana tio ki faasiga fuli o Iselaele ;

Malakia 1:1

Folafola a le Eteleno ki Iselaele ia Malakia.

Numelo 16:22

Na la fakapulou loa o fakatuu ola mata ki le kele, o pati : Ei Atua, ko le Atua o laumalie o kanofi fuli ! ko le tagata fai e toka tasi leia kua agasala, ti e ke sausaua loa ki le fakatasi katoa ?

Epelo 12:9

Tou manatui o tou tamana fakatino : na lotou tautea tatou, ti na tou fakaapaapa kia latou. Pe leaise tonu ke toe lasi ake latatou fakalogo ki le Tamana o laumalie, o tupu ke tou maua le mauli ?